معنى كلمة كلاون ؟ ( كلاون ميمز ) كلاون في الكيبوب

صباح او مساء الخير حسب الوقت اللي بتقرأ فيه الموضوع ، ازيك ياصاحبي عامل ايه وحشتك مش كده ؟ انت كمان وحشتنى علشان كده رجعتلك النهاردة بموضوع جديد من مواضيع قسم المعانى وهو معنى كلمة clown ولو انت اول مرة تزورنا في سكرين ميكس يبقي اسمحلي انصحك واقولك انك لازم تاخد جولة سريعة في قسم المعانى 


لانك هتلاقي معانى لكلمات بتقابلها يوميا على السوشيال ميديا وبقت متداولة بين الشباب زي نرم و سيمب و صورم و توكسيك و فترة الـ PMS وغيرها كتير من المعانى فبنصحك بعد ماتعرف يعنى ايه كلاون تدخل قسم المعانى وتقرأ فيه شوية المهم علشان ماطولش عليك يلا بينا نعرف معنى كلمة كلاون ونشوف الكلاون في الكيبوب والكلاون الحزين وعادل امام كلاون وكل حاجة 




معنى كلمة clown بالعربي
معنى clown بالعربي



ترجمة كلمة clown 



لو رحت على ترجمة جوجل وترجمت كلمة Clown هيقولك ان معناها ( المهرج ) واللي مايعرفش المهرج فالمهرج هو الشخص المسؤول عن البهجة والفرحة واسعاد الناس عن طريق عمل بعض الحركات البهلوانية المضحكة وتلوين وجهه بالوان متداخلة وبيكون موجود غالبا في السيرك او في حفلات الاطفال وبيكون بالشكل او الهيئة دى زى الشخص اللي ف الصورة دى 



كلاون في الكيبوب
clown 



معنى كلاون في الكيبوب 



المقصود بكلاون في الكيبوب هو الشخص المهرج في الفرقة او اكتر شخص مضحك في الفرقة او الفريق وبيكون دمه خفيف عن باقي افراد الفريق 



معنى كلاون على السوشيال ميديا 


انتشر مؤخرا مصطلح كلاون على السوشيال ميديا بين الشباب والمقصود ب clown على السوشيال ميديا هو الشخص اللي بيحصله موقف محرج فبيحس ان هو بقي كلاون ( بقي مضحك يعنى ) 
على سبيل المثال هو واحد بيحكي موقف لصاحبه بيقوله كنت ماشي في الشارع قابلت واحد صاحبي فسلمت عليه ماخدش باله فحسيت انى كلاون اوى اللي هو حسيت اني اتحرجت وشكلي بقي وحش اوى . 
وطبعا ميمز الكلاون بقي الاكثر استخداما على السوشيال ميديا في الفترة الاخيرة وااشهرهم ميمز عادل امام كلاون وميمز نور الشريف كلاون وبهجت صابر كلاون




بهجت صابر كلاون
بهجت صابر كلاون




عادل امام كلاون
عادل امام كلاون




مهرج حزين ميمز
نور الشريف كلاون 






الكلاون في الافلام الاجنبي 



هل تعلم ياصديقي العزيز ان شخصية المهرج او الكلاون تعتبر من اكثر الاشياء المرعبة عند الغرب يعنى الكلاون عندهم رمز الرعب زى البيوت المسكونة والنداهة عندنا وطبعا اللي اتفرج علي سلسلة الافلام المشهورة ( IT ) هيفهم قصدى ولو ليك صديق امريكي اسئله ايه اكتر حاجة بترعبك هيقولك الكلاون 



وبس كده ياصاحبي ده كان كل حاجة بخصوص معنى كلمة كلاون وترجمتها ومعناها في الكيبوب والافلام ماتنساش تبقي تاخد جولة في مقالة معنى كلمة BTS ARmy ومعنى كيبوب وباقي مواضيع قسم المعانى يلا سلام 


  • مواضيع من اقسام اخري 
تعليقات
10 تعليقات
إرسال تعليق
  • Unknown
    Unknown 15 يناير 2022 في 10:16 ص

    وربنا انتا محرر رايق 😂❤️

    إرسال ردحذف
    • STARK
      STARK 15 يناير 2022 في 4:27 م

      حبيبي ياخويا تسلم ❤

      حذف
    • Unknown
      Unknown 24 يناير 2022 في 6:02 م

      جامد، 😹

      إرسال ردحذف
      • STARK
        STARK 7 فبراير 2022 في 9:04 م

        حبيبي تسلم ❤

        حذف
      • Unknown
        Unknown 7 فبراير 2022 في 7:00 ص

        بجد استمر تسلم 🤍

        إرسال ردحذف
        • STARK
          STARK 7 فبراير 2022 في 9:05 م

          حبيبي تسلم ❤

          حذف
        • Unknown
          Unknown 7 فبراير 2022 في 6:40 م

          انت جامد والله ♥️

          إرسال ردحذف
          • STARK
            STARK 7 فبراير 2022 في 9:05 م

            حبيبي ياخويا تسلم ❤

            حذف
          • Unknown
            Unknown 24 أبريل 2022 في 8:11 م

            تسلم

            إرسال ردحذف
            • غير معرف 14 مايو 2022 في 11:24 م

              💙💙

              إرسال ردحذف



              وضع القراءة :
              حجم الخط
              +
              16
              -
              تباعد السطور
              +
              2
              -