معنى كلمة مينستريم المنتشرة على السوشيال ميديا ( معنى Mainstream )

 صباح او مساء الخير حسب الوقت اللي بتقرأ فيه الموضوع ، ازيك ياصاحبي عامل ايه وحشتك مش كده ؟ انت كمان وحشتنى علشان كده رجعتلك النهاردة بموضوع جديد من مواضيع قسم المعانى وهو معنى كلمة مينستريم بالعربي ولو انت اول مرة تزورنا في سكرين ميكس يبقي اسمحلي اقترح عليك تاخد جولة سريعة في قسم المعانى واللي هتلاقي فيه معانى لكلمات بتقابلها يوميا على السوشيال ميديا وبقت متداولة بين الشباب زي نرم و سيمب و صورم و توكسيك وغيرها كتير من المعانى فبنصحك بعد ماتعرف يعنى ايه مينستريم  تدخل قسم المعانى وتقرأ فيه شوية المهم علشان ماطولش عليك يلا بينا نعرف معنى كلمة مينستريم



معنى Mainstream  - يعنى ايه Mainstream  - معنى كلمة Mainstream
معنى كلمة Mainstream


معنى كلمة مينستريم على تويتر


المينستريم ياصديقي العزيز هو مصطلح يطلق على الاتجاه او التيار السائد في الوقت الحالي . يعنى ايه بقي الكلام ده ؟ يعنى مثلا لما اقولك ان العربيات الصينى في وقتنا ده بقت مينستريم فالمقصود بيه ان العربيات الصينى بقت موضة في الوقت الحالي وبقت اتجاه ناس كتير بتتجه له يعنى نقدر نقول ان المينستريم = الشائع = الموضة وده معنى Mainstream 


الا ان الشباب في الوقت الحالي بيستخدمو المصطلح ده للتقليل او التحقير من الشيء يعنى لما اقولك ان الشىء الفلانى مينستريم فانا فالمقصود بيه الشيء ده منتشر اة بس انا بقلل منه زي بالظبط استخدام مصطلح المنتج الشعبي للتقليل من منتج ما يعنى لما تسألنى ايه رأيك في التيشرتات البولو فانا اقولك والله ياصاحبي دي بقت مينستريم جدا . ده معناه ان التيشترات البولو بقت اتجاه سائد واى حد بيلبسه وهو ده بالظبط معنى مينستريم على تويتر هو التقليل من الاتجاه او التيار السائد في الوقت الحالي 


وبس كده ياصاحبي ده كان كل حاجة بخصوص معنى مينستريم المنتشر على تويتر . ماتنساش تاخد جولة في قسم المعانى زي ماتفقنا ولو حابب تعرف كلمة معينة او مصطلح بيقابلك على السوشيال ميديا اكتبلنا في التعليقات وهنجاوبك فورا ودلوقتى هسيبك مع شوية مصطلحات تويتر يلا سلاااااااااااااااااام ..
تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -