يعني ايه ديت ؟ ( معنى كلمة ديت ) معنى طالع ديت date

صباح او مساء الخير حسب الوقت اللي بتقرأ فيه الموضوع ، ازيك ياصاحبي عامل ايه وحشتك مش كده ؟ انت كمان وحشتنى علشان كده رجعتلك النهاردة بموضوع جديد من مواضيع قسم المعانى وهو معنى كلمة date المنتشرة علي السوشيال ميديا ولو انت اول مرة تزورنا في سكرين ميكس يبقي اسمحلي اقترح عليك تاخد جولة سريعة في قسم المعانى واللي هتلاقي فيه معانى لكلمات بتقابلها يوميا على السوشيال ميديا وبقت متداولة بين الشباب زي نرم و سيمب و صورم و توكسيك وغيرها كتير من المعانى فبنصحك بعد ماتعرف يعنى ايه ديت تدخل قسم المعانى وتقرأ فيه شوية المهم علشان ماطولش عليك يلا بينا نعرف معنى كلمة ديت بالانجليزي واصلها 

 

 

معنى طالع ديت

ترجمة كلمة date 

لو جيت زى الشاطر واخدت كلمة ديت وترجمتها في جوجل هيقولك ان معناها تاريخ وبنلاقيها في جمل مشهورة زى date of birth اللي هو تاريخ الميلاد طب ده ترجمة كلمة ديت امال بقي ايه المقصود بديت على السوشيال ميديا ؟ 

يعنى ايه ديت علي السوشيال يديا  ( ايش يعني ديت ) 

المقصود بكلمة ديت اللي بتشوفها على السوشيال ميديا ياصديقي العزيز هو الموعد الغرامي يعنى لما لامؤاخذة تاخد خطيبتك او مراتك او صاحبتك والعياذ بالله وتخرجوا مع بعض هو ده معنى date وكم نحن بحاجة الي ديت هذه الايام ^_^  اة والله اة والله

اصل كلمة ديت 

بيرجع اصل كلمة date الي الثقافة الانجليزية بس هي لسه واصلة عندنا متأخر وبقينا بنستخدمها زي كتير من المصطلحات علشان نبان روشين وكده يعنى بدل مايقولها يلا نخرج انا وانتى يقولها يلا ديت ؟ وخلينا طبعا نقول ان المصطلح بدأ ظهوره على تويتر لحد ماوصل للغلابة على الفيسبوك ومصطلح ديت منتشر اكتر بين الشباب والاندر ايدج انما عمرك شوفت حد كبير بيقوله ؟ اكيد لا 
وبما اننا بنتكلم على الديت دعونا لاننسي الفيلم المصري راندفو بتاع سمية الخشاب وخالد النجا واحمد زاهر واللي مايعرفش فـ كلمة راندفو بتساوى كلمة ديت بس بالفرنساوى 

يعنى باختصار كده ياصاحبي الموعد الغرامى بالانجليزى اسمه date وبالفرنساوى rendez-vous وبالعربي خروجة رايقة . وبس كده ياصاحبي ده كان كل حاجة بخصوص معنى كلمة ديت المنتشرة على السوشيال ميديا ، لو في مصطلح او كلمة مش عارف معناها اكتبلنا في التعليقات وهيجاوبك نخبة من محررين موقع سكرين ميكس اللي هو انا بس ^_^ وماتنساش تاخد جولة في قسم المعانى زى ماتفنا يلا سلااااااااااااااااااام

تعديل المقال