يعنى ايه نرم ؟ ( معنى ابلع يا نرم ) معني كلمه نرم

نرم

صباح او مساء الخير حسب الوقت اللي بتقرأ فيه الموضوع ، ازيك ياصاحبي عامل ايه وحشتك مش كده ؟ انت كمان وحشتنى علشان كده رجعتلك النهاردة بموضوع جديد من مواضيع قسم المعانى وهو معني كلمه نرم ولو انت اول مرة تزورنا في سكرين ميكس يبقي اسمحلي اقترح عليك تاخد جولة سريعة في قسم المعانى واللي هتلاقي فيه معانى لكلمات بتقابلها يوميا على السوشيال ميديا وبقت متداولة بين الشباب زي  سيمب و صورم و توكسيك وغيرها كتير من المعانى فبنصحك بعد ماتعرف معني نرم تدخل قسم المعانى وتقرأ فيه شوية المهم علشان ماطولش عليك يلا بينا نعرف معنى نرم

  
يعني ايه نرم



اصل كلمة نرم 

كلمة نرم ياصديقي هي كلمة انجليزية الاصل وهي ( Normal ) وتم اختصارها لـ ( Norm ) وعلى ماوصلت للعرب بقت زي مانت شايف كده ( نرم ) ( nerm ) طب يعنى ايه نرم و ايه معني نرم في السوشيال ميديا ويعنى ايه ابلع يانرم وايه علاقة النرم بالضبويب كل ده هنعرفه في المقالة دى جاهز ؟ يلا بينا ..

معني كلمه نرم

بص ياصاحبي باختصار علشان عارف انى طولت عليك النرم او النورمى هوا الشخص اللى اتحشر فى 2009 ولسه ماطلعش منها .. فاهم حاجة ؟ .. ابسطهالك ..عارف الصور بتاعة اساحبي اللى زى دى

 
معني كلمة نرم - يعني اي نرم - عيل نرم - معنى كلمة نرم
اساحبي

النرم او النورمى ( Norm -Nerm )  هو الشخص اللى لسه بيضحك على نوعية الصور او النكت اللى زى دى وبيشيرها .. برضه النرم هو الشخص اللي بيشير صور قلوب مكتوب عليها شكرا على قبول طلب الصداقة  . من الاخر النرم هو الشخص اللي لسه بيعمل حاجات انتهت من قديم الازل ومش حافظ افيهات السوشيال ميديا ومش متابع الترندات  .. طب سمعت قبل كده عن الشخص النيرد او تعرف ايه هي مواصفاته ؟ طب ماتيجي نشوف ( من هو الشخص النيرد وماهي مواصفاته )  بالمناسبة النرم ممكن يبقيى نيرد عادى طيب نرجع لموضوعنا 

معنى كلمة نرم في السوشيال ميديا 

طبعا كلمة نرم بقيت كلمة منتشرة جا على السوشيال ميديا واكيد انت لما شوفتها ماكنتش تعرف معناها علشان كده دخلت المقالة دى المهم ان استخدامها على السوشيال ميديا بقي اوفر اوى يعنى في ناس كل ماتكلمها تقولك انت نرم لدرجة لو قولتلهم صباح الخير يقولولك ايه ده ياصحبي انت نرم ولا ايه اسمها مورنينج وعموما هي منتشرة اكتر بين الاندر ايدج اللي بيتكلموا بمصطلحات السوشيال ميديا .

مواصفات الشخص النرم 

  • بيشير ميمز قديمة من 2009 
  • لما بيضحك بيضحك كده ( هههههههههههههههههههههههههههههههههههه )
  • لما بيكلمك عالواتس بيقولك الووووو
  • مش حافظ افيهات الافلام وترندات السوشيال ميديا
  • بيقول شكراعلى قبول طلب الصداقة ويحط صورة حمامتين وقلوب 

طبعا ياصاحبي المواصفات دى انا مش جايبها من بيتنا او من على قهوة حمو ... للاسف ده بقي المينستريم اليومين دول ولو مش عارف يعنى ايه مينستريم ماتقلقش انت مش نرم ولاحاجة ممكن تعرف من هنا ( معنى كلمة مينستريم المنتشرة علىالسوشيال ميديا

ابلع يانرم 

اكيد شوفت كلمة ابلع يانرم في كومنت او بوست على الفيسبوك طب معناها ايه ؟ ابلع يانرم ملهاش معنى محدد ولكن هي بتتقال لماتتريق على حد اوتقصف جبهته اوتقلل منه فتقوله يعنى مثلا لما تكون بتلعب انت وصاحبك بلاي ستيشن وتكسبه فرق كبير فتقوله هههه ابلع نرم اوتكون بتلعب ببجي مع حد وتضربه منغير ماياخد باله فتقوله ابلع يانرم 

بداية انتشار كلمة نرم في مصر 

اصل انتشار كلمة نرم في مصر كان العيال بتوع الضبويب ولو انت مش عارف يعنى ايه ضبويب وايه لغة الضبويب فممكن تقرأ المقالة دى ( شرح لغة الضبويب ) وخلينى اقولك باختصار ان دى كانت لغة منتشرة بين الشباب على السوشيال ميديا في الفترة من 2012 لحد 2019 بدأت اللغة دى تموت وبقي قليل لما حد يستعملها واتطورت لغة الضبويب الي الميمز 

ازاي مكنش نرم 

  • تابع التريندات
  • تابع الميمز اول باأول 
  • احفظ افيهات الافلام المشهورة 
  • اوعي تقول لحد الوووو في الشات
  • اوعي تضحك بالشكل ده (هههههههههههههههههههههههههههه ) او لما تضحك باايموشن ماتعملش كتير كفاية اربعة اوخمسة

هل هناك علاقة بين السيمب والنرم 

اجل ياسيدي هناك علاقة بينالسيمب والنرم بس مش هقولهالك هنا هقولهالك في مقالة (  يعنى ايه سيمب ) وبس كده ياصاحبي ده كان كل حاجة بخصوص معنى نرم على السوشيال ميدا واصل كلمة ومواصفات الشخص وازاى ماتبقاش نرم وخلينى اقولك ياصاحبي سيبك من الترندات والسوشيال ميدياواتكلم زي ماتحب واوعي تغير من نفسك علشان تعجب حد او علشان مايتقالش عليك نرم لاياصاحبي اعمل اللي نفسك فيه وماتخليش حد يجبرك تغير من طريقة حياتك . المهم انا كده خلصت لو عجبك الموضوع شيره مع صحابك النورميز ولو حابب تعرف معانى لكلمات اكتر ماتنساش تبقي تاخد جولة في قسم المعانى زي ماتفقنا ودلوقتى هسيبك مع يوتيوبر بيشرح معنى كلمه نرم علشان لو انت مش من محبي القراءة يلا سلااااااااااااااااام 


شرح معنى نرم بالفيديو 




تعليقات