يعنى ايه ريد فلاج ؟ معنى كلمة ريد فلاجز واصلها ( Red flags معنى في العلاقات )

الصفحة الرئيسية

Red Flags




معنى كلمة ريد فلاج 


صباح او مساء الخير حسب الوقت اللي بتقرأ فيه الموضوع ، رجعنالكم النهاردة بمصطلح انتشر في الفترة الاخير بين شعب تويتر العظيم وهو مصطلح الريد فلاج ( Red Flag ) واللي مايعرفوش اغلب الناس ان ريد فلاجز هو مصطلح قديم جدا ولكنه طلع تريند الفترة دى بسبب العلاقات التوكسيك اللي انتشرت مؤخرا وطبعا هتقولي مش عارف يعنى ايه توكسيك هقولك بسيطة ياصاحبي انت هتدخل هنا ( مصطلحات السوشيال ميديا ) هتلاقي بقي معانى لكلمات كتير منتشرة وبتقابلها يوميا على السوشيال ميديا زي نرم وسيمب ولول وظظ وغيرها كتير اووى . المهم علشان ماطولش عليك يلا بينا نعرف يعنى ايه ريد فلاج و معني Red flags معنى في العلاقات



معنى ريد فلاج على السوشيال ميديا
Red Flags


معنى ريد فلاجز على السوشيال ميديا 



الريد فلاجز ياصاحبي هي الاعلام الحمرا زى مانت عارف ترجمتها ولكن المقصود بمصطلح Red Flags هي العلامات او المؤشرات اللي اول ماتظهر في علاقتك مع الطرف التانى تعرف ان العلاقة دى خلاص اوشكت على الانتهاء او بتنتهي لان غالبا بتكون علاقة توكسيك ( وطبعا انت عرفت فوق يعنى ايه توكسيك فمش محتاج اقولك تانى )  
بمعنى ان الريد فلاجز عبارة عن علامات تحذير في العلاقة اول ماتلاقيها تاخد في وشك وتقول يافكيك لان العلاقة دى هتفشل يعنى هتفشل طيب ايه هي العلامات دى ؟ وايه اصل كلمة ريد فلاجز ؟ 




امثلة على الريد فلاجز ( Red Flags ) 


  • شخص بيحاول دايما يقلل منك ومن اهتماماتك
  • مش بيهتم بيك 
  • مش بيخاف على زعلك
  • مابيقدرش يتحكم بغضبه 
  • عنده تراست ايشوز 
  • مافيش توافق فكري بينكم 
  • شخص بيكره الاعتذار وعمره مايعتذر حتى لو غلطان
  • معاملته بتتغير من غير سبب 
  • دايما بيحسسك بالذنب وانه مستحملك غصب عنه 


دى بعض الريد فلاجز اللي لو لقيتها في علاقة تعرف ان العلاقة دى توكسيك ومش هتنتهي على خير طب ايه بقي اصل كلمة ريد فلاج دي او جت منين ؟ 

اصل كلمة ريد فلاجز 



تعبير "الراية الحمراء" Red flag ورد في قاموس أوكسفورد الإنجليزي وأول ذكر ليه كان في سنة 1602 بالظبط لما تم استخدام  الراية الحمرا للمرة الأولى على ايد قوات عسكرية للإشارة للإستعدادات العسكرية للمعركة
ده المصطلح نفسه لكن دلالته بقى كحاجة تحذيرية فتاريخ أقدم ذكر لمصطلح "الراية الحمراء" بوصفها إشارة من إشارات التحذير كان في سنة  1777 للتحذير من الفيضان. ومن بعدها بدأ المصطلح بيستخدم بأشكال عديدة كتحذير. 
الراية الحمراء ( أو الضوء الأحمر) في إشارات السيمافور على السكك الحديدية معناها توقف مفاجيء لحركة القطار.
 القوات المسلحة بتستخدمها  لتحذير المواطنين من التدريبات بالذخيرة الحية.
القوات  الجوية الأمريكية  أكبر مناوراتها العسكرية السنوية اسمها  عملية الراية الحمراء.
رفع الرايات الحمرا عند الشواطئ تحذير خطر السباحة في المنطقة دي من الشاطئ ولسة مرفوعة رايات حمراء على شاطيء في إسكندرية من أقل من شهر.


قانون الراية الحمرا 


لما ظهرت العربيات جديد في انجلترا كان اجتيازها الشوارع خطر على حياة الناس وراحتهم ، فصدر قانون الراية الحمراء اللي بيقضي بأنه يجري قدام كل عربية  راجل  كدليل شايل  راية حمراء عشان ينبه الناس ان فيه عربيات وراه. وبس كده يصاحبي ده كان كل حاجة بخصوص معنى كلمة red flags على السوشيال ميديا واصلها . طبعا مش هوصيك لو الموضوع عجبك تشيره مع صحابك وتخلي بالك من الريد فلاجز يلا سلام 



google-playkhamsatmostaqltradent