يعنى ايه كرنج ؟ ( معنى كلمة كرنج ) كرنج في الكيبوب
STARK
اخر تحديث :
كرنج
صباح او مساء الخير حسب الوقت اللي بتقرأ فيه الموضوع ، ازيك ياصاحبي عامل ايه وحشتك مش كده ؟ انت كمان وحشتنى علشان كده رجعتلك النهاردة بموضوع جديد من مواضيع قسم المعانى وهو معنى كلمة كرنج المنتشرة علي السوشيال ميديا ولو انت اول مرة تزورنا في سكرين ميكس يبقي اسمحلي اقترح عليك تاخد جولة سريعة في قسم المعانى واللي هتلاقي معانى لكلمات بتقابلها يوميا على السوشيال ميديا وبقت متداولة بين الشباب زي نرم و سيمب و صورم و توكسيك وغيرها كتير من المعانى فبنصحك بعد ماتعرف يعنى ايه كرينج تدخل قسم المعانى وتقرأ فيه شوية المهم علشان ماطولش عليك يلا بينا نعرف معنى كرنج
معنى كلمة كرنج
ترجمة كلمة cringe على جوجل
لو خدت كلمة cringe وحطتها في ترجمة جوجل هيطلعلك معانى غريبة زى ( قرفص ، ارتد ، تذلل ، تملق ، انكمش ) وطبعا مش محتاج اقولك ان دى كلها معانى ملهاش اي علاقة بمعنى كرنج المنتشر على السوشيال ميديا . طب ياتري ياهل تري يعنى ايه كرينج وايه اصلها ومين اكتر ناس بيستخدموها ؟
معنى كلمة كرنج بالعربي
المقصود بالكرنج ياصديقي العزيز هو الشعور بالخجل او الاحراج او الاشمئزاز من تصرفات الاخرين يعنى مثلا لما حد يعمل حاجة وفاكرها جامدة وروشة وبتضحك ولكنها في الحقيقية محرجة فانت بتحس بالاشمئزاز والاحراج وتقول Oh No Cringe وهنوضحها اكتر بالفيديو دلوقتى
اصل كلمة كرينج
كلمة كرنج هي كلمة انجليزية تكتب cringe او Cringey الفرق بينهم ان كرينجي بتستعمل كصفة اما كرنج بتستعمل كفعل او كا اسم وكرنج ملهاش اي جذور عربية هي بس انتشرت مؤخرا عند العرب ولكن في الاصل هي كلمة انجليزية بيكثر استخدامها عند الامريكان وفي الفيديو ده بيوضح اليوتيوبر مستر امين معنى كلمة كرنج وكيفية نطقها ولو مش حابب تشوف الفيديو كامل فتقدر تبدأ الفيديو من اول الدقيقة 4:37 ودى بداية معنى كرنجي
وبعد ماشوفت الفيديو وعرفت معنى كرينج وازاى تنطقها خلينا بقي نيجي لاشهر ميمز اتعمل على كلمة كرنج وهو ميم القطة اللي بتقول Oh No cringe
ما معنى كرينج في الكيبوب ؟
المقصود بكرنج في الكيبوب هو التصرفات المحرجة او المستفزة اللي بيعملوها الارمي واحنا بنخجل او بنشعر بالاشمئزاز منها وبصراحة هنا انا اتكسفت احط فيديوهات توضح الموضوع علشان ماخدش ذنبها لكن فعلا في بعض الارمي وخد بالك قولت بعض وليس الكل بيعملوا حاجات غريبة جدا لدرجة الكفر والعياذ بالله وخلينا نكتفي بالقدر ده من الكرنج في الكيبوب وننقل على فقرة تانية وهي عبارة عن بعض الميمز الاجنبية الكرنجي
ميمز كرنج
1
2
3
4
5
وبس كده ياصحبي ده كان كل حاجة بخصوص معنى كلمة كرينج المنتشرة على السوشيال ميديا . لو عندك اى استفسار بخصوص المقالة او حابب تعرف معنى اى كلمة اكتبلي في التعليقات وهجاوبك ان شاء الله . وماتنساش تاخد جولة في قسم المعانى زى ماتفقنا يلا سلااااااااااااام
