صباح او مساء الخير حسب الوقت اللي بتقرأ فيه الموضوع ، ازيك ياصاحبي عامل ايه وحشتك مش كده ؟ انت كمان وحشتنى علشان كده رجعتلك النهاردة بموضوع جديد من مواضيع قسم المعانى وهو معنى كلمة دشمل على الفيسبوك ولو انت اول مرة تزورنا في سكرين ميكس يبقي اسمحلي اقترح عليك تاخد جولة سريعة في قسم المعانى واللي هتلاقي فيه معانى لكلمات بتقابلها يوميا على السوشيال ميديا وبقت متداولة بين الشباب زي نرم و سيمب و صورم و توكسيك وغيرها كتير من المعانى فبنصحك بعد ماتعرف يعنى ايه دشمل تدخل قسم المعانى وتقرأ فيه شوية المهم علشان ماطولش عليك يلا بينا نعرف معنى دشمل
 |
| معنى كلمة دشمل |
معنى كلمة دشمل على الفيسبوك
كلمة دشمل مؤخرا بقت من اكتر الكلمات المنتشرة على السوشيال ميديا وبنلاقيها اغلب الوقت لما حد يقصف جبهة حد او يتريق على حد وتلاقيه حد تالت في التعليقات بيقول دشمل ياكنج والدشملة ياصديقي العزيز هي لفظ مصري بمعنى الدعفلة . طبعا هتقولي هو انا عارف يعنى ايه دشمل لما اعرف يعنى ايه دعفل .. دشمل او دعفل كل دى مصلطحات اخترعها المصريين وكلها في الاخر معناها بتيجي بمعنى الضرب يعنى لما اقولك دشمل يعنى اضرب او افتك او كسر مايهمكش او اي حاجة فيها خراب علشان وده طبعا لاننا شعب يعشق الدشملة