معنى كلمة pov على الفيسبوك ( معنى pov بالعربي ) معنى pov بالتيك توك

 صباح او مساء الخير حسب الوقت اللي بتقرأ فيه الموضوع ، ازيك ياصاحبي عامل ايه وحشتك مش كده ؟ انت كمان وحشتنى علشان كده رجعتلك النهاردة بموضوع جديد من مواضيع قسم المعانى وهو معنى كلمة Pov ولو انت اول مرة تزورنا في سكرين ميكس يبقي اسمحلي اقترح عليك تاخد جولة سريعة في قسم المعانى واللي هتلاقي فيه معانى لكلمات بتقابلها يوميا على السوشيال ميديا وبقت متداولة بين الشباب زي نرم و سيمب و صورم و توكسيك وغيرها كتير من المعانى فبنصحك بعد ماتعرف يعنى ايه POV تدخل قسم المعانى وتقرأ فيه شوية المهم علشان ماطولش عليك يلا بينا نعرف معنى pov بالعربي 




 
يعنى ايه pov على الفيسبوك
معنى POV بالعربية


معنى اختصار Pov 

Pov ياصديقي العزيز هو اختصار لكلمة Point Of View واللي معناها ( وجهة نظر ) وفي الفترة الاخيرة انتشرت كلمة Pov على السوشيال ميديا وتحديدا فيسبوك وتيك توك بشكل كبير جدا وكل واحد عنده وجهة حاجة حابب يقول رأيه فيها يكتب بوست اوله Pov اللي هو ( انا عندى وجهة نظر في الموضوع ده الا وهي ) وبعدها بيكتب رأيه ولو بحثت عن كلمة Pov على الفيسبوك هيظهرلك بوستات كتير جدا تم استخدام كلمة Pov فيها يعنى هي تعتبر ترند دلوقتى .. عاملة كده زى كلمة You feel like بتاعة 2010 على الفيسبوك 

معانى اخري لكلمة  Pov 

  • معنى Pov في السينما : بيستخدمها المخرجين والمصورين لما يحبوا يشرحوا معين في الفيلم 
  • privately owend vehicle : ومعناها مركبة خاصة 
  • power of veto : ومعناها حق الاعتراض المعروف بـ اسم ( الفيتو ) 


وبس كده ياصاحبي ده كان كل حاجة بخصوص معنى كلمة pov المنتشرة على الفيسبوك والتيك توك لو حابب تعرف معانى لكلمات اكتر ماتنساش تاخد جولة في قسم المعانى زي مااتفقنا ولو استفدت بالمعلومة البسيطة دى شيرها مع صحابك لو حابب لومش حابب اشطة ياصاحبي ولا يهمك يلا اشوفك على خير سلااااااااااااااااااااام .

معانى كلمات منتشرة على السوشيال ميديا 

تعليقات