معني كلمه سيمب ؟ معنى سيمب في الفيس بوك ؟ ما معنى سمب ؟

في يوم من الايام في وقت من الاوقات في فترة من الفترات في سنة من السنين كنت بشرب شاي مع واحد صاحبي وبحكيله علي موقف حصلي بيني وبين واحدة زميلتي لقيته مرة واحدة بيقولي ياصاحبي ماتبقاش سيمب . فقولتله يعنى ايه سيمب ياسطي ، مارضيش يقولي قولت هو حل واحد بس بلجأله ف الظروف اللي زي دى (  جوجل  ) وبحثت عن معنى كلمة سمب عرفت معناها والنهاردة ياصاحبي انا جايلك علشان اقولك معنى كلمة simp المنتشرة على الفيسبوك ومن هو الشخص السيمب وليه بيقولوا عليه سمب بس قبل ماقولك يعنى ايه سمب حابب اقترح عليك تاخد جولة سريعة كده في قسم | معانى الكلمات | في الموقع  لانك هتلاقي معانى كتير لكلمات بتقابلك يوميا على الفيسبوك وممكن ماتبقاش عارف معناها زي نرم و لول و  توكسيك  و نودز و  PMS وغيرهم كتير المهم علشان ماطولش عليك يلا بينا نعرف مين الشخص السيمباوى


معني كلمه سيمب
معني كلمه سيمب



 معنى كلمة simp بالعربي

السيمب ياصاحبي هو الشخص اللي بيعبد النساء والعياذ بالله  اللي هو باللغة العامية بتاعتنا كلب بنات ..  لا ياصاحبي مش الحكاك لا الحكاك مش سيمب .. السيمب ده الشخص اللي هو الشخص اللي بتلاقيه يكلم البنت ويقولها نفسي اكون خدام تحت رجلك واعتبرينى الكلب بتاعك والكلام الخايب ده .. هو ده المعنى الحقيقي للشخص السيمب اما على الفيسبوك فالوضع مختلف

معنى كلمة سيمب فى السوشيال ميديا

كلمة سمب بتتقال على السوشيال ميديا  بين الشباب كنوع من الهزار لما يكون واحد بيقول لواحدة في الكومنتس كلام حلو فيلاقي صاحبه عامله ريبلاي يقوليه ياسطى ماتبقاش سيمب بقي او لما واحد ينزل صورة واحدة ممثلة او موديل ويتحاكي بجمالها فنفس صاحبه ده يقوله خف سمبنة ياعم السمباوي اللي هو ياسطى ماتبقاش تريل على اى واحدة كده . اتمنى يكون معنى كلمة سيمب بقي واضح وربنا يبعدنا عن السيمبات والسيمباويين والسنبلاويين .

وبس كده ياصاحبي ده كان كل حاجة بخصوص معنى كلمة simp .  ولو في اي كلمة او مصطلح مش عارف معناهم اكتبلنا في التعليقات واحنا هنجاوبك وماتنساش تاخد جولة في قسم المعانى زى ماتفقنا يلا سلااااااااااااام 
تعليقات