يعنى ايه نورماليز ؟ ( معنى نورماليز على تويتر ) normalize معنى

STARK

اخر تحديث :

Normalize

صباح او مساء الخير حسب الوقت اللي بتقرأ فيه الموضوع ، ازيك ياصاحبي عامل ايه ؟ كنت عاوز اقولك ان انتشر في الفترة الاخيرة بين شعب تويتر العظيم بعض المصطلحات زى توكسيك و ريد فلاج ونورماليز وتراست ايشوز وغيرها كتير من المصطلحات لحد مالموضوع وصل لشعب فيسبوك العظيم والكل بقي عاوز يعرف معانى المصطلحات دى وزى ماعودناكم في سكرين ميكس عملنا قسم للمعانى واللي تقدر تدخله من هنا ( معانى كلمات على السوشيال ميديا ) في القسم ده بقي ياصاحبي هتلاقي معانى لكلمات بتقابلها يوميا على السوشيال ميديا وبقت متداولة بين الشباب زي نرم و سيمب ولول وغيرها كتير من المعانى فبنصحك نصيحة اخوية بعد ماتقرأ الموضوع تدخل القسم وتقرأ فيه شوية المهم علشان ماطولش عليك موضوع النهاردة هنتكلم عن معنى نورماليز ( Normalize ) العادى ومعناها في العلاقات

معنى Normalize

ترجمة كلمة Normalize

لو خدت كلمة نورماليز ( Normalize ) كوبي وحطتها في ترجمة جوجل هيقولك ان معناها الحرفي تطبيع طيب ايه المقصود بالنورماليز في العلاقات ؟

معنى كلمة نورماليز في العلاقات

المقصود بكلمة نورماليز في العلاقات بين الاشخاص هو انك تتعامل مع اى حاجة غريبة او اى موقف معين على انه عادى ومافيش حاجة زي مابنقول بالمصري كده ياعم عادي كبر دماغك يعنى لو الطرف التانى عمل حاجة ضايقتك فانت حابب تنورماليز الموضوع يعنى تتعامل معاه عادى كأن مافيش حاجة ولا حابب تديله على دماغه ؟ براحتك ياصاحبي اعمل اللي يريحك . وبالمناسبة كلمة Normalize جاية من كلمة Normal اللي هو عادى او طبيعي

وبس كده ياصاحبي ده كان كل حاجة بخصوص معنى normalize في السوشيال ميديا لو حابب تعرف معانى لكلمات اكتر ماتنساش تبقي تاخد جولة في قسم المعانى زي ماتفقنا يلا سلااااااااااااااام .

معانى كلمات منتشرة على السوشيال ميديا

تعديل المقال

الأقسام يعنى ايه

مقالات قد تهمك

تعليقات

إرسال تعليق

أقسام الوصول السريع ( مربع البحث )