معنى فير أوف كوميتمنت المنتشرة على تويتر ( Fear of commitment )

صباح او مساء الخير حسب الوقت اللي بتقرأ فيه الموضوع ، ازيك ياصاحبي عامل ايه وحشتك مش كده ؟ انت كمان وحشتنى علشان كده رجعتلك النهاردة بموضوع جديد من مواضيع قسم المعانى وهو معنى فير أوف كوميتمنت على السوشيال ميديا ولو انت اول مرة تزورنا في سكرين ميكس يبقي اسمحلي اقترح عليك تاخد جولة سريعة في قسم المعانى 


لانك هتلاقي معانى لكلمات بتقابلها يوميا على السوشيال ميديا وبقت متداولة بين الشباب زي نرم و سيمب و صورم و توكسيك وغيرها كتير من المعانى فبنصحك بعد ماتعرف معنى الخوف من الكوميتمنت تدخل قسم المعانى وتقرأ فيه شوية المهم علشان ماطولش عليك يلا بينا نعرف يعنى ايه Fear of commitment 


معنى الكوميتمنت
فير أوف كوميتمينت


معنى أنا بخاف من الكوميتمنت


الفير اوف كوميتمنت هو مصطلح انتشر على تويتر في الفترة ومعناه ( الخوف من المسؤولية - الخوف من الالتزامات ) وده تقريبا تانى او تالت مصطلح بعد مانبيوليتف بيستخدموه الرجالة لما يحبوا يخلعوا من العلاقة يعنى لما البنت تقوله مش هتيجيى تتقدملي بقي ؟ فيقولها لا والله انا فير أوف كوميتمنت يعنى انا خايف من المسؤولية او خايف من الالتزامات ، تبقي قاعد في امان الله كده تلاقي امك بتقولك اي يابنى مش ناوى تجوز بقي ولا هتفضل قاعدلي كده فانت تقولها لا والله ياحبيبة ابنك انا فير أوف كوميتمنت



وبس كده ياصاحبي ده كان كل حاجة بخصوص معنى فير أوف كوميتمنت المنتشرة على تويتر ،  ولو في اي كلمة او مصطلح مش عارف معناهم اكتبلنا في التعليقات واحنا هنجاوبك وماتنساش تاخد جولة في قسم المعانى زى ماتفقنا يلا سلااااااااااااام 

تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -