PMS
فترة الـ pms عند النساء
صباح او مساء الخير حسب الوقت اللي بتقرأ فيه الموضوع ، ازيك ياصاحبي عامل ايه وحشتك مش كده ؟ انت كمان وحشتنى علشان كده رجعتلك النهاردة بموضوع جديد من مواضيع قسم المعانى وبرده ممكن نضيفه في قسم الصحة وهو معنى كلمة pms بالانجليزى المنتشرة على السوشيال ميديا ولو انت اول مرة تزورنا في سكرين ميكس يبقي اسمحلي اقترح عليك تاخد جولة سريعة في قسم المعانى
لانك هتلاقي معانى لكلمات بتقابلها يوميا على السوشيال ميديا وبقت متداولة بين الشباب زي نرم و سيمب و صورم و توكسيك و كلاون غيرها كتير من المعانى فبنصحك بعد ماتعرف معنى pms بالعربي تدخل قسم المعانى وتقرأ فيه شوية المهم علشان ماطولش عليك يلا بينا نعرف يعنى ايه Pms وايه هي فترة الـ pms عند البنات وخلينا نبدأ الاول بمعنى اختصار pms
 |
| pms |
pms meaning ( pms ما معنى اختصار )
كلمة pms ياصديقي العزيزهي اختصار لـ Premenstrual syndrome والتى تعنى ( متلازمة ماقبل الحيض ) وفي موضوع النهاردة هنلبس البالطو ونتكلم بشكل طبي اكتر من شكل سوشيال ميدياوى زى ماعودناكم وهنتكلم عن فترة ال pms من ناحية تعريفها واسبابها واعراضها وطرق علاجها وبعض المنشورات المنتشرة على السوشيال ميديااللي بتتكلم عن ال Pms وخلينا نبدأ بـ ايه هي فترة ال pms
ماهي فترة ال pms عند السيدات ( Premenstrual syndrome )
متلازمة ماقبل الحيض والمعروفة ايضا بااسم ( التناذر السابق للطمث ) هي مجموعة من الأعراض الجسدية والنفسية والعاطفية المرتبطة بحدوث الحيض لدى النساء . والجدير بالذكر ان الاحصائيات تشير ان هناك ما يقرب من 3 من كل 4 نساء تظهر عليهن بعض أعراض المتلازمة السابقة للحيض أثناء فترة الحيض. بالرغم من أن 80% من النساء في عمر الإنجاب يعانين ايضا من بعض أعراض هذه المتلازمة إلا أن التعريف الفعلي لمتلازمة ماقبل الحيض يتمثل في ان تلك الاعرض تمنع المصابة من ممارسة أنشطة حياتها بشكل طبيعي . وبعد ماشوفنا التعريف الطبي للـ pms خلينا نشوف ايه هي اعراض ال pms
ماهي اعراض ال pms ( اعراض متلازمة ما قبل الحيض )
وبتنقسم اعراض ال pms الي نوعين اعراض عاطفية او نفسية واعراض جسدية وخلينا نبدأ بالاعراض النفسية او العاطفية
الاعراض العاطفيتة للـ PMS
- الشعور بالقلق الزائد والذي يصل احيانا الى الاكتئاب
- الشعور بالعجز والتقصير في اداء المهام
- الحزن المفاجئ المصحوب بنوبات البكاء
- فقد الاهتمام باداء الانشطة التقليدية اليومية
- الشعور بالخمول أو الإرهاق
- اضطرابات النوم (الأرق أو زيادة النوم)
- الضغط أو القلق
- الحالة المزاجية المكتئبة
- الشعور الدائم بالتقلبات المزاجية أو الانفعالية
- الرغبة في الطعام بشكل اكبر من المعتاد
- الشعور بصعوبات في النوم (أرق)
- الانعزال عن المجتمع
- ضعف التركيز
- الشعور بتغيير في الشهوة الجنسية
اما بخصوص الاعراض الجسدية او البدنية
الاعراض الجسدية في فترة الـ PMS
- الشعور بالالأم في المفاصل أو العضلات
- الشعور بالصداع
- الشعور بالإرهاق البدني
- حدوث زيادة في الوزن بسبب احتباس السوائل
- الشعور بانتفاخ البطن
- انتشار حب الشباب
- الشعور بالإمساك أو الإسهال
- الشعور بمغص في البطن
- الشعور بألم وانتفاخ في الثدي
هل يجب زيارة الطبيبي في فترة PMS ؟
يفضل زيارة الطبيب في حالة ان تلك الاعراض تؤثر بشكل كبير على حياتك اليومية وتمنعك من اداء الانشطة التقليدية والحياتية في يومك
ماهي اسباب ال pms ؟
تحدث تلك الاعراض بسبب التغييرات الهرمونية الطبيعية التى تحدث بشكل دورى للنساء وتختفي تلك الاعراض مع الحمل وانقطاع الحيض وايضا بسبب التغييرات الكيمائية في الدماغ حيث يمكن أن تؤدي تقلُّبات مستوى السيروتونين إلى ظهور أعراض Pms والسيروتونينهي مادة كيميائية في الدماغ يُعتقَد أنها تلعب دورًا بالغ الأهمية في حالات المزاج
هل لديك أعراض متلازمة ما قبل الحيض ( اختبار pms )
 |
| اختبار PMS |
موقع ويب طب عامل اختبار تقدري من خلاله تعرفي اذا كنتى في فترة pms او لا من خلال الاجابة على بعض الاسئلة اللي بيطرحها عليكى وخر الاختبار بيقولك اذا كنتى بتعانى من اعراض pms او لا وتقدري تعملي الاختبار ده من هنا ( اختبار PMS ) طيب بعد ماتكلمنا عن تعريف ال pms واعراضها واسبابها واختبارها يلا بين نتكلم عن اشهر بوستات على السوشيال ميديا بتتكلم عن ال Pms
pms على السوشيال ميديا
طبعا بعد انتشار مصطلح pms عن السوشيال ميديا وارتفاع معدلات البحث عن معنى pms على جوجل وعلى السوشيال ميديا وابتدت بنات كتير تتكلم عن فترة ال pms عند السيدات خصوصا ان الموضوع كان اتعمل عليه ميمز كتير من عديمي الضمير اللي كانوا واخدين الموضوع بشكل كوميدي وفي الفقرة دى هنعرض لكم اشهر البوستات او الاكثر انتشارا اللي بتتكلم عن فترة ال pms عند البنات
اول بوست
السر الخفي مع إنه معلوم للكُل 🤷♀️الحياء مطلوب ولكن لا حياء في العلم...الغرض من البوست هو التوعية وخاصًة الرجاله فرفقًا بالقوارير .. ومحاولة لتخفيف حمل إخفاء الموضوع وإنُه مش حاجة مُريبة علشان نخفيه‼️فترة (pms) وهي ما قبل البريود... هي من أصعب الفترات نفسيًا على اي بنت او ستفترة ال(pms) قبل حدوث البريود ب 5 ايام وأهم أعراضها1- تغير الحاله المزاجية2- الشعور بالتعب والإرهاق3- ظهور حبوبفترة البريود من(4_6) ايام وتختلف من كل بنت او ستالأعراض1- الشعور بالخنقة والاكتئاب2- الم أسفل البطن3 - الم في أسفل الظهرالمسكنات في الفترة دي مُضرة جدًا...المسكنات عمومًا ليها تأثيرات بشعةلو لزم الأمر فيفضل في اول يوم لإنه بيكون أشد الايام المكل المفاهيم عن عدم ممارسة الرياضه في الأيام دي او الاستحمام فهي غلطمن أهم العوامل الي هتساعد على تجديد طاقتك❤️التقليل من الأملاح وزيادة تناول الاكل الي ببحتوي على كالسيوم لتعويض الي فقده جسمك♥️شرب الماء والعصائرتجنب الكافيينشُرب مشروبات سخنه (قرفةحلبة)_____اخيرًا "رفقًا بالقوارير" لو لقيت اختك أو زميلتك فالجامعة او الشغل واضح عليها التعب فافهم انها تعبانه وان التعب في الفترة دي صعب فحاول تخفف من عليها...عن طريق انك متضغطش عليها او تساعدها في Task مطلوب منها ❤️لا نخجل من اساسنا 🙏❤️"استوصوا بالنساء خيرًا"
تانى بوست
-فين الأكل؟-انا في فترة pms-أيوا يعني دا مرض مُعدي؟-لأ، بس مزاجي مُضطرب،وعصبية،دا غير التعب الجسدي-يعني ماعملتيش اكل؟-اللي همك الأكل؟-ماهي أمي كانت بتعمل لأبويا الأكل في كل وقت!وماكنتش بتشتكي ولا سمعنا عن pms دا!-يعني باباك ماكنش بيساعدها؟-لأ طبعًا ابويا راجل-والرجوله ماتسمحش بالدعم النفسي، والمشاركة في المهام المنزليه للست؟-لأ طبعًا الراجل مخلوق عشان يشتغل ويجيب فلوس والست تطبخ وتخلف وتربي!-ولما تتعب؟-تيجي على نفسها عشان بتحبه-ولما تيجي على نفسها؟-ماتقصرش في حق جمالها وإهتمامها بنفسها وحقي الشرعي عشان ماتجوزش عليها ودا حقي!-طب انا عايزة اطلق!-فين الأكل الاول؟End of text.
تالت بوست
موضوع مهم بيهم كل الستات وهو الرغبة الشديدة في الحلويات او الاكل المملح قبل واثناء الدورة الشهريةوعلى فكرة الشعور ده مش طفاسة ده تغيرات بتحصل في الجسم و الرغبة دي مبررة جداوالرغبة دي بتكون قوية قبل بداية الدورة (فترة PMS)وبتقل مع بدايتها.اغلب الاراء العلمية بترجح ان السبب ان انخفاض هرمون البروجسترون وارتفاع مستويات هرمون الاستروجين بتولد انخفاض في مستويات السكر في الدم، وده بيعمل رغبة شديدة للسكر.فا الست تاكل حلويات فا يرفع مستويات السكر في الدم.ثم بعد كده يحصل انخفاض حاد في نسبة السكر في الدم، فا تاكل حلويات تانيثم نفسها تموع فا تاكل حاجة مملحةثم تاكل حاجة حلوة تاني علشان تعادل الملوحةوتصحى الصبح تقف على الميزان تلاقي عيل صغير عنده 3 سنين بيوزن معاهاتكتئب فا تاكل حاجة حلوةثم نفسها تموع فا تاكل حاجة مملحةودوخيني يا لمونةالحل:-تاكلي 6 وجبات صغيرة طول اليوم علشان تساعدك تنظمي الانسولين في الدم-تاكلي بروتين في كل الوجبات فراخ لحمه سمك جبن قريش منتجات البان بيض زبادي بقوليات عاليه في البروتين-سلطة ثم سلطة ثم سلطة 3 اطباق يوميا-ثمرتين فاكهة يوميا-ميه كتير اوي اوي-لازم تحافظي على نسبة المغنسيوم في الجسم هاتقلل كتير من الرغبة للحلويات وده عن طريق الفول السوداني لوز كاجو رز بني ولب عباد الشمس فاصوليا" بالمناسبة الشوكلاته غنية بالمغنسيوم علشان كده تفكير الانسان بيروح عليها علطول لكن عالية في السكر و الدهون"-ممكن تاخدي مكملات مغنسيوم-اتعرضي للشمس بشكل كافي قدر الامكان-النوم والبعد عن الضغط العصبي عامل مهم ممكن تطفشي يومين وتقولي اتخطفتي من سواق اوبر-ادفي بلاش تتعرضي لجو بارد-الحركة او اي نشاط ان شالله تجري ورا العيال بالشبشب-بلاش مجهود رياضي قوي اول يومين في الدورة وممكن اكتر لو بتكون متعبة جسديا ليكي بشكل عنيف-اوعي تقفي على الميزان قبل واثناء وبعد الدورة خاااالص " دي ممكن يحصل فيها قتل عشوائي ثم انتحار جماعي"-طبيعي بسبب الدورة تزيدي من 2 و لحد 3 او 4 كيلو كمان ماتقلقيش دي سوايل-خدي قطعة او اتنين شوكلاته دارك مع كوب زبادي-ممكن ايس كريم بيتي او بوله في حجم قبضه ايدك مره كده-شريحة او اتنين بيتزا و الغي النشويات باقي اليوم وارفعي البروتين
وبس كده دى كانت كل حاجة بخصوص معنى pms المنتشرة على الفيسبوك واعراض ال pms واسبابها وكيفية تشخصيها واشهر البوستات اللي بتتكلم عن فترة الpms عند البنات . اتمني اكون قدرت افيدكم ولو الموضوع عجبك شيريه مع صحباتك . يلا سلاااااااااااااااااام
ملحوظة :- جميع المعلومات في هذا المقال منقولة ومجمعة من مصادر موثوقة ( موقع ويب طب - موقع ويكيبيديا - موقع Mayo clinic )