معنى كلمة محنك بالمصري ( معنى محنك ) ما معنى محنك

محنك

صباح او مساء الخير حسب الوقت اللي بتقرأ فيه الموضوع ، ازيك ياصاحبي عامل ايه وحشتك مش كده ؟ انت كمان وحشتنى علشان كده رجعتلك النهاردة بموضوع جديد من مواضيع قسم المعانى وهو معنى محنك ولو انت اول مرة تزورنا في سكرين ميكس يبقي اسمحلي اقترح عليك تاخد جولة سريعة في قسم المعانى واللي هتلاقي فيه معانى لكلمات بتقابلها يوميا على السوشيال ميديا وبقت متداولة بين الشباب زي نرم و سيمب و صورم و توكسيك وغيرها كتير من المعانى فبنصحك بعد ماتعرف معنى كلمة محنك تدخل قسم المعانى وتقرأ فيه شوية المهم علشان ماطولش عليك يلا بينا نعرف ما معنى محنك


معنى محنك - محنك - معنى كلمة محنك - ما معنى محنك
معنى كلمة محنك


معنى محنك  

المحنك ياصديقي العزيزي هو الشخص اللي عنده خبرة ومعرفة كبيرة في شيء ما يعنى مثلا  عندنا المحنك السياسي هوالشخص اللي عنده خبرة في السياسة والمحنك الاقتصادي اللي عنده خبرة في الاقتصاد والعملات والخبرات دي تؤهله ان هويحلل الموقف بشكل صحيح طيب ده المحنك الطبيعي امال ايه بقي المحنك على السوشيال ميديا اوالمحنك المصري 

معنى كلمة محنك بالمصري ( معنى محنك على السوشيال ميديا ) 

اللي عامل خبير وفاهم في كل حاجة ولازم يعلق على كل حاجة ويحط التاتش بتاعه علشان يبين للناس ان هو العبقري اللي مافيش زيه في الكوكب واغلب المحنكين بنلاقيهم في جروبات الافلام والمسلسلات علشان يتحنيكوا علينا ( يعنى يعملوا خبراء علينا ) خصوصا مسلسلات رمضان بيكون موسم التحنيك بالنسبة للمحنك .

 جروبات المحنكين على الفيسبوك 

انتشر على الفيسبوك في وقت من الاوقات جروبات وبيدجات كتير باسم المحنكين زي قهوة المحنكين وتجمع المحنكين و We pretend to be محنكين والغرض من الجروبات دى كان غرض ترفيهي اللي هو مجموعة من الشباب كل واحد بيستعرض مهاراته في الحنيكة 

مثال على الشخص المحنك على السوشيال ميديا 


معنى محنك بالمصري - المحنك - معني كلمه محنك - معني كلمه حناكه
مشهد من فيلم ظرف طارق بتحليل شخص محنك 


في مشهد لأحمد حلمي من فيلمه "ظرف طارق"، يطلب معتز (مجدي كامل) من طارق (أحمد حلمي) خدمةً، قائلًا:"اعملي ساندويتش فول من غير سلطة طماطم"، فيرد عليه طارق بـ"مفيش سلطة طماطم اعملهولك من غير سلطة طحينة" يبدو المشهد ساخرًا وقول طارق لامنطقيًا، إذ معتز طلب ساندويتش الفول بدون سلطة طماطم أصًلا! لكن في الواقع، بالإمكان تفهّم هذا الموقف-إلى حد ما-بالاستعانة بفيلسوفين معروفين. الأول، الفرنسي جان بول سارتر. والثاني، السلوفيني سلافوي جيجك.

أوّلًا مع سارتر ومسألة الحرّية، حيث سواء اختار معتز عدم وجود سلطة طماطم أم لم يختر، فهو مجبر على تناولها من دون سلطة طماطم، فالموقف محدّد مسبقًا، ولَإن كان معتز يعتقد أن هو من اختار قرار عدم وجود سلطة طماطم، إلّا أن الظروف هي ما حدّد ذلك مسبقًا، ولم يعد الأمر بيده، وليس بإمكانه اختيار العكس أي وجود سلطة طماطم، وطارق أدرك ذلك الأمر، وأراد إعطاء معتز الفرصة كي يكون لديه قرار حرّ، بالإمكان اختيار عكسه، أي عدم وجود أو وجود سلطة الطحينية المتوفّرة. والأمر الآخر متعلّق بمعنى العدم، إذ عدم وجود سلطة طماطم، مختلف عن عدم وجود سلطة طحينية، أي نعم يظلّ ساندويتش الفول نفسه، إلّا أن سياقه ومعناه يختلف، استنادًا للتوقّعات، وهي جزءٌ أساسي من التجربة المعاشة.

أما مع سلافوي جيجك، فنذهب إلى سياق الاستهلاك في ظلّ الرأسمالية، إذ عدم وجود شيء، هو شيء في حد ذاته، ففي حال ذهبت إلى أحد متاجر التسوّق، ستجد منتوجات مكتوب عليها "خالية من السكر" و"خالية من الملح" و"خالية من الكافيين" و"خالية من المواد الحافظة"، ويعتبر المنتج الخالي من السكّر أغلى من نفس المنتج الأقل صحّة، مع العلم أن المنتج الأول تنقصه مواد موجودة في المنتج الآخر! حينها تصبح المكوّنات "غير الموجودة" سلعًا قابلة للتسويق بقدر ما هي المكوّنات الفعلية! فـ"عدم وجود سكّر" منتج في ذاته ندفع ثمنه، نحن هنا ندفع ثمن الغياب والخلو .

معنى قائد محنك 

القائد المحنك هو القائد الخبير اللي عنده القدرة على كشف اسرارالعدو ومعرفة تخطيطه ووضع خطط افضل من خطط العدو والقائد المحنك مش شرط يكون في الحروب  او في الجيوش فقط لا القائد المحنك ممكن يبقي مديرك في الشغل او اي شخص خبير بيتمتع بدور القائد طيب اكيد المحنك ده علشان يبقي محنك بيمر بمراحل ياتري ايه هي المراحل دي ؟ 

المراحل التي مر بها المحنك حتى يصبح محنك:- 

  • مبتدئ 
  • مبتدئ متقدّم
  • مُختَصّ 
  • مُتقِن 
  • خبير 
وبس كده ياصاحبي ده كان كل حاجة بخصوص معنى محنك في السوشيال ميديا لو عجبك الموضوع شيره مع صحابك المحنكين  ولو حابب تعرف معانى لكلمات اكتر ماتنساش تبقي تاخد جولة في قسم المعانى زي ماتفقنا يلا سلااااااااااااااام . 

معانى كلمات منتشرة على السوشيال ميديا 

تعليقات