صباح او مساء الخير حسب الوقت اللي بتقرأ فيه الموضوع ، في موضوع النهاردة هنتكلم عن حقائق ومعلومات هتسمعها لاول مرة علي فيروس كورونا ، سبق واتكلمنا قبل كده عن ان خلط المطهرات لمواجهة فيروس كورونا يؤدى الي الوفاة وتقدر تشوف الموضوع : من هنا ودلوقتى هنقولكم 25 حقيقية عن فيروس كورونا هتسمعها لاول مرة .
- الكورونا مش فيروس جديد ده قديم وموجود عند الحيوانات بس انتقل للبشر في ووهان في الصين
- محدش متأكد طريقة الانتقال بس في ناس بتقول من خفاش لدجاج او من خفاش لخنزير، محدش متأكد لسه
- الكورونا 6 انواع، 3 منهم بيعملوا البرد العادي اللي هو 24 ساعة واقلب وجالك وهيجيلك ، نوع اخر منهم ظهر في الصين من حوالي 14 سنة واسمه سارس (SARS) وده كان بيقتل حوالي 10 ٪ من المرضي ،النوع الخامس اسمه ميرز (MERS) ظهر في السعودية من 5 سنين وكان بيقتل 20 ٪ من المرضي
- الكورونا الحالي فيروس محترم وطيب لان نسب الوفاة فيه اقل من 3 ٪ ،إيطاليا بعد 14000 حالة بتقول احصائياتها ان نسب الوفاة صفر لمن هم اقل من 30 سنة وأقل من 1 في الألف لمن هم أقل من 50 سنة بعد كده النسبه بتزيد
- حوالي 80 ٪ من اللي هيجيلهم كورونا هيبقي برد بسيط ورشح وخلصنا ،حوالي 10 ٪ من الباقيين يحتاجوا مستشفيات، اقل من 8 ٪ يحتاجون عناية
- لا علاج للفيروس
- كل ما تسمعه عن علاجات و لقاحات وتطعيمات هي اخبار هتسمعها لمدة سنة على الأقل، مفيش حاجة قبل ديسمبر الجاي وانا كده كارمكم
- كل الادوية اللي هتسمعها هي ادوية يتم تجربتها حاليا، مضادات الفيروسات الموجودة حاليا لها بعض التأثير علي الفيروس لكنه تأثير ليس بالكافي ليعتمد كعلاج نهائي على مدى عالمي
- الفيروس غير مصنع وغير مخلق واي حد يقولك ده حرب بيولوجية يبقي بيهبد وشايفك قرطاس بيرمي فيه هبده وجهلة
- الفيروس هنا ليبقي، بالعربي البسيط، الفيروس هيجي لحوالي 70-80 ٪ من سكان هذا الكوكب
- في الغالب في خلال 2-3 سنين هيتحول موسم الشتاء من موسم البرد الي موسم البرد والكورونا
- لا علاج وعليك بالوقاية
- لو حد بيكح او بيعطس ابعد 1.5 متر عنه
- بلاش سلام بالايد ولا احضان ولا بوس
- بلاش مشاركة في الشيشة ولا السجائر الالكترونية ولا كوبايات ولا معالق
- الي الان الاتفاق الطبي ان الرذاذ ناقل للفيروس فقط (في كلام ان الهواء كمان بس مفيش اتفاق طبي علي ذلك)
- غسيل اليد بالمياه الجارية غير كافي، افضل لو بصابون
- لا فارق بين غسيل اليد بالميه والصابون ومنتجات تنظيف اليدين اللي فيها كحول واللي مفيهاش = بالعربي متضيعش فلوسك
- الماسك واقي فعال وخصوصا في الأماكن المغلقة
- الماسك N95 فعال بنسبة طفيفة عن الماسك العادي (انا بلبس العادي واقعد 1.5 متر بعيد عن مرضاي)
- مفيش انواع من المشروبات الطبيعية تقوي المناعة ولا حتي الكركم ولا شوربة الديك المطلق
- نسب انتقال العدوي متشابهة في كل حته في الدنيا (متوسط 30 ٪ يوميا) وعشان كده انا قادر اتوقع ارقام السعودية واستراليا
- اي دولة تقول معندناش كورونا بتكذب، عندهم وعارفين ان عندهم بس بيكدبوا
- اي دولة تنزل اعداد مرضي اقل من 30 ٪ يوميا حاجة من اتنين، بيكدبوا او مبيعملوش اصلا اختبارات كافية
- لا احد يعلم ان كان الجو الحار يقتل الفيروس لكن الكل يقول ان الجو الحار بشكل عام يقلل انتقال الفيروس عشان الناس بتخرج من بيوتها (ده طبعا عكس الخليج) في العالم كله ارتفاع الحرارة = خروج وفسح = زيادة في المسافات بين الناس = قلة إنتقال العدوي
- لا لقاح قبل 12 شهـــــر ...
يـمكنك ايضا مشاهدة مواضيع متعلقة بفيروس كورونا
- 26 حقيقية جديدة عن فيروس كورونا ستسمعها لاول مرة - احمي نفسك
- احذر خلط المطهرات لمواجهة فيروس كورونا يؤدى الي الموت - شاهد الطريقة الصحيحة
- بالفيديو : مصابة بفيروس كورونا تتحدث لاول مرة عن كيفية الاصابة وتحذر الناس من النزول للشوارع
- بالفيديو : طبيب مصري يشرح المفاهيم الخاطئة عن فيروس كورونا وكيفية الوقاية منه
- الفرق بين كورونا و الانفلونزا العادية - ازاى اعرف ان عندى كورونا
- 35 غذاء يساعد علي تقوية المناعة للوقاية من فيروس كورونا
- خطوات تسجيل العمالة غير المنتظمة للحصول على 500 جنيه منحة من وزارة القوى العاملة
- ماذا بعد الكورونا ؟
- ارتداء القفاز يزيد فرصة الاصابة بعدوى كورونا
- اخطر تطورات فيروس كورونا في مصر 31/3/2020
الكلمات المفتاحية : كورونا , حقائق عن فيروس كورونا , كيف تحمي نفسك من كورونا , معلومات جديدة عن فيروس كورونا , كورونا في مصر ,