استرجاع رسائل الواتس اب بعد حذفها من المرسل ( طريقة فعالة )

طريقة قراءة رسائل الواتس المحذوفة

في يوم من الايام في وقت من الاوقات في فترة من الفترات كنت بتكلم مع واحد صاحبي على الواتساب وكنا بنتخانق والموضوع كان خطير وانا بكلمه النت فصل ولما رجع لقيته باعت رسايل كتير وحذفها فطبعا انا اضايقت وقعدت افكر في طريقة او برنامج لقراءة الرسائل المحذوفة في الواتس ومن هنا بدأت رحلة بحث على الشبكة العنبكوتية علشان اعرف كيفية استرجاع الرسائل المحذوفة من الواتس اب من المرسل وبعد بحث وفحص وتدوير لقيت الاجابة .. وانا جايلك النهاردة ياصاحبي علشان اشارك معاك كيفية قراءة الرسائل المحذوفة من الواتس اب بس قبل ماقولك على الطريقة حابب اقترح عليك لو انت واحد من الناس اللي بيحبوا واتساب فممكن تاخد جولة في الفسم الخاص بالواتساب في الموقع عندنا هتلاقي مواضيع عن خلفيات واتساب جديدة و ملصقات و  واتساب عمر العنابي ومواضيع تانية . المهم علشان ماطولش عليك يلا بينا نشوف  كيفيه استرجاع رسائل الواتس المحذوفه من المرسل

كيفيه استرجاع رسائل الواتس المحذوفه من المرسل

طريقة قراءة رسائل الواتس المحذوفة بدون برامج

طيب بص ياصاحبي بالنسبة للجزئية بتاعة قراءة رسائل الواتس المحذوفة بدون برامج فـ انا هكون صريح معاك  علشان احنا صحاب ومش هعمل زي مالمواقع التانية بتعمل .. بصراحة  لحد الوقت اللي بكتب فيه الموضوع ده مافيش طريقة تعرف بيها الرسايل اللي المرسل حذفها ( بدون برامج ) . بس معنى كده ان في طريقة اعرف بيها الرسايل المحذوفة ببرامج ؟ ايوة طبعا في .. طيب ازاى ؟ 

برنامج لقراءة الرسائل المحذوفه من الواتس اب

الفكرة اللي قايمة عليها برنامج قراءة الرسائل المحذوفه من الواتساب هي فكرة بسيطة جدا وهيا عبارة عن انك بتنزل البرنامج او التطبيق وتعمله سماح للوصول لاشعارات الجهاز . فكرة البرنامج بقي قايمة على انه ياخد نسخة من الاشعارات اللي عندك ايا كانت يعنى مش بس هو بيحفظ اشعارات الواتساب لا ده بيحفظ اشعارات الجهاز كله اللي من ضمنها الواتساب 

ابسطهالك . لما حد يبعتلك رسالة على الواتساب بتظهرلك على هيئة اشعار ، فكرة البرنامج بقي قايمة على ان هو يحفظ الاشعار ده بالتالي يحفظ الرسالة يعنى حتى لو المرسل حذفها فانت هتقدر تشوفها . 

السؤال اللي هيجي على بالك دلوقتى طب والرسائل المحذوفة قبل تنزيل البرنامج هقدر اعرفها ؟ هقولك للاسف مش هتقدر تعرفها لان زى ماوضحتلك فكرة البرنامج هو بس بيحفظ الاشعار مش اكتر يعنى طول مالبرنامج شغال وحد بعتلك رسالة ومسحها فانت هتقدر تعرفها . انما قبل تنزيل البرنامج مش هتقدر تعرف الرسائل المحذوفة .. طيب ايه هو افضل تطبيق لحفظ الاشعارات اللي من خلاله اقدر اعرف رسائل الواتس المحذوفة ؟ 

التطبيقات كتير جدا ولكن علشان ماضيعش وقتك في البحث وكلهم اساسا شبه بعض وبيعملوا نفس الفكرة انا جبتلك افضل 3 تطبيقات لقراءة الرسائل المحذوفة على واتساب  . نبدأ على بركة الله 

تطبيقات استعادة الرسائل المحذوفة 

1 - تطبيق NotiSave 

عدد التحميلات : 10 مليون 

التقييم : 4.2 

لينك التحميل : اضغط هنا  

2- تطبيق NotiLog

عدد التحميلات : 100 الف 

التقييم : 4.5

لينك التحميل : اضغط هنا 

استعادة رسائل الواتساب المحذوفة عن طريق واتساب عمر الازرق 

واحدة من ضمن المميزات الكتير جدا اللي بيتميز بيها واتساب عمر الازرق هي استرجاع الرسائل المحذوفة ولو حابب تعرف اكتر عن الواتساب الازرق فتقدر تدخل للموضوع ده ( تطبيق واتساب عمر الازرق اخر اصدار بدون حظر 2021 ) 
وبس كده ياصاحبي ده كل حاجة بخصوص موضوع استرجاع رسائل الواتس اب بعد حذفها من المرسل انا كده خلصت بس انت لسه ماخلصتش . اربط الحزام واستعد علشان تاخد جولة في قسم الواتساب . جاهز ؟ ...  يلا بينا 

تعديل المقال