ايه حكاية ترند معركة حلوان باتمان الحقيقي ؟ ( من هو باتمان الحقيقي )

صباح او مساء الخير حسب الوقت اللي بتقرأ فيه المقالة . ازيك ياصاحبي عامل ايه وحشتنى والله . علشان كده قولت امسي عليك بمقالة كده من مقالات الترندات اللي بنكتبها كل فترة لما يبقي في ترند عامل قلق على السوشيال ميديا . وترند النهاردة ياصاحبي هو ترند معركة حلوان باتمان الحقيقي واللي ظهر من حوالي يومين تلاتة وكان بوست عادي بين مجموعة صحاب وهوب توب دروب ضرب ترند والموضوع كبر وكعادة اى ترند . بيبقي في ناس مش فاهمة الترند ده طلع امتي وبيتكلم عن ايه . الناس دول بقي صحابي اللي انا بكتب المقالة دى علشانهم المهم ياصاحبي علشان ماطولش عليك اكتر من كده يلا بينا نعرف ايه هي حكاية ترند باتمان ومعركة حلوان 



باتمان الحقيقي
باتمان الحقيقي


معركة حلوان باتمان الحقيقي 


الحوار كله كان هزار بين مجموعة صحاب من حلوان واحد منهم نزل بوست وقال انا باتمان الحقيقي صحابه يسكتوا ؟ لا طبعا دخلوا في الكومنتات وكل واحد منهم قال انا باتمان الحقيقي .. لحد ماطلع شاب اسمه انس زهران بفكرة جهنمية وكتب في كومنت بقولكم ايه الموضوع ده مش هيتحل غير بطريقة واحدة . اى حد شايف نفسه باتمان يقابلنا في حلوان يوم 13 اغسطس الساعة 11 بالليل واللي يفضل عايش يبقي هو باتمان وبس ياصاحبي من هنا طلع ترند معركة حلوان باتمان الحقيقي واتعمل ايفنت على الفيسبوك بـ اسم بمعركة حلوان باتمان الحقيقي ولحد وقت كتابة المقالة دى الساعة 7 صباحا يوم 2 يوليو في حوالي 31 الف شخص مهتمين بحضور الايفنت يعنى ممكن يوصل لمليون شخص لحد يوم 13 اغسطس وطبعا كعادة شعبنا المصري الجميل اتعمل ميمز وفيديوهات على الترند ده في ثوانى واحتلت السوشيال ميديا ودلوقتى هسيبك مع شوية ميمز من اللي اتعملت على معركة باتمان 
وهحطلك لينك الايفنت ولينك الجروب علشان لو حابب تنضم 



ميمز معركة حلوان باتمان الحقيقي 




باتمان ومعركة حلوان




ماهو ترند معركة حلوان باتمان الحقيقي




ايه حكاية ترند معركة حلوان




ماذا سيحدث في معركة حلوان




ترند باتمان الجديد




جروب ترند باتمان




من هو باتمان الحقيقي
















معركة حلوان الحقيقية










نقاش بين اتنين صحاب بخصوص معركة حلوان 



 




لينك ايفنت معركة حلوان باتمان الحقيقي 

  •  تقدر تنضم لايفنت باتمان الحقيقي ( من هنا ) 


لينك جروب معركة باتمان الحقيقي

  • وتقدر برضه تنضم لجروب المعركة ( من هنا )


وبس كده ياصاحبي ده كان كل حاجة بخصوص ترند معركة حلوان باتمان الحقيقي وطبعا مش محتاج افكرك ان الحوار كله هزار في هزار يعنى اوعي تتهور وتروح للترزي تحت بيتكم وتقوله اعملي بدلة باتمان وتروح حلوان بجد !! اوعي ياصاحبي .. ولا اقولك ...... ماتيجي نروح ونشوف هنخسر ايه ؟ يلا بينا .. اشوفكم على خير في معركة حلوان واة نسيت اقولك . ( انا باتمان الحقيقي )  يلا سلاااااااااااااااااااااااااااااااام ...
تعليقات