يعنى ايه سويت توكر ( مامعنى كلمة سويت توكر ) Sweet Talker

معنى سويت توكر






  صباح او مساء الخير حسب الوقت اللي بتقرأ فيه الموضوع ، ازيك ياصاحبي عامل ايه وحشتك مش كده ؟ انت كمان وحشتنى علشان كده رجعتلك النهاردة بموضوع جديد من مواضيع قسم المعانى وهو معنى كلمة سويت توكر  ولو انت اول مرة تزورنا في سكرين ميكس يبقي اسمحلي اقترح عليك تاخد جولة سريعة في قسم المعانى عندنا 


لانك هتلاقي معانى لكلمات بتقابلها يوميا على السوشيال ميديا وبقت متداولة بين الشباب زي نرم و سيمب و صورم و توكسيك وغيرها كتير من المعانى فبنصحك بعد ماتعرف يعنى ايه سويت توكر تدخل قسم المعانى وتقرأ فيه شوية المهم علشان ماطولش عليك يلا بينا نعرف ماهو السلكان 





معنى سويت توكر
Sweet talker





ترجمة سويت توكر على جوجل



لو انت واحد من الناس اللي بتحب تستخدم ترجمة جوجل وجيت تترجم Sweet talker هيطلع معناها ( المتكلم اللطيف ) وهو معنى حرفي قريب فعلا من المعنى الحقيقي بس مش هو المعنى المقصود على السوشيال ميديا 


معنى سويت توكر على السوشيال ميديا 



السويت توكر ياصاحبي هو اى شخص اسلوب كلامه مع اللي قدامه ( محترم  ، ذوق ، لبق ) زي مابنقول بالمصري كده الواد ده لسانه حلو في الكلام بالظبط زي ماجوجل ترجمها ولكن المقصود بمصطلح سويت توكر على السوشيال ميديا غير كده خالص لان مصطلح سويت توكر ده مصطلح بيتقال على الشخص المجامل في كلامه بزيادة لدرجة تصل لحد النفاق

 وبنلاقي دايما كلمة سويت توكرالولاد بيقولوها على البنات اللي بتتكلم مع اى حد غريب بهزار وضحك ومرقعة بدون خجل او حياء او زى مابنقول بالمصري كده ( البنت دى دايسة مع اي حد ) كذلك برده الولاد السويت توكر هما الولاد اللي بيتكلموا حلو مع كل البنات ودايسين في كله 


وده طبعا عكس معنى سويت توكر الحقيقي يعنى لما ولد يقول لبنت انتى سويت توكر فـ دى تعتبر شتيمة عموما مصطلح سويت توكر بدأ ظهوره في عام 2020 ومكمل معانا لحد دلوقتي . وبس كده ياصاحبي ده كان كل حاجة بخصوص معنى سويت توكر ماتنساش تاخد جولة سريعة في قسم المعانى زى ماتفقنا يلا سلام 
تعليقات
تعليقان (2)
إرسال تعليق
  • Unknown
    Unknown 24 نوفمبر 2021 في 11:14 م

    مش معناه كده
    معناه حد مجامل بكلامه الحلو ولو فيه جانب سلبي في الكلمة فهو المجاملة الزايدة اللي أقرب لنفاق
    وفيه معنى تاني لما ولد هو اللي بيكون سويت توكر بيكون المقصود إن دي طبيعته يعني بيتكلم حلو مع كل البنات يعني من الآخر البنت ماتاخدش كلامه على محمل الجد

    إرسال ردحذف
    • STARK
      STARK 25 نوفمبر 2021 في 9:24 م

      طب ماهو ده اللي انا قولته ياصاحبي 😁

      إرسال ردحذف



      وضع القراءة :
      حجم الخط
      +
      16
      -
      تباعد السطور
      +
      2
      -