Ara Ara
معنى كلمة ارا ارا باليابانى
صباح الخير في يوم من الايام في وقت من الاوقات في فترة من الفترات في سنة من السنين تحديدا سنة 2020 كنت قاعد مع احد اصدقائي الاوتاكوز وبنتفرج على انمي من انمياتنا المفضلة ومرة واحدة سمعنا احدي شخصيات الانمي بتقول ارا ارا فسألت صاحبي ياسطي تعرف معنى كلمة ara ara اللي البنت لسه قايلاها قالي لا والله ياصحبي انا زيي زيك بسمعها كتير ومش عارف معناها وبعد العديد من عمليات البحث اللي قام بيها فريق سكرين ميكس توصلنا اخيرا للمعنى الحقيقي لكمة ارا ار
وانا جايلك النهاردة ياصحبي علشان اقولك معنى كلمة ارا ارا بالعربي بس قبل ماقولك يعنى ايه Ara Ara حاب اقترح عليك تاخد جولة سريعة في قسم المعانى عندنا هتلاقي معانى لكلمات كتير بتقابلك يوميا على السوشيال مديديا وممكن ماتبقاش عارف معناها زي نرم و لول و سيمب و نودز و ظظظ وغيرهم كتير من معانى ورموز الضبويب المهم علشان ماطولشش عليك يلا بينا نعرف معنى كلمة ارا ارا
 |
| معنى كلمة ارا ارا اليابانية |
معنى ارا ارا في الانمى
بص ياصاحبي ارا ارا هو عبارة عن تعبيريابانى بتستخدمه البنات لما يتفاجئوا مش فاهم صح ؟ ابسطهالك يعنى مثلا البنت المصرية لما تتخض او تتفاجيء بتقول ( ايه ده ايه ده في ايه ) اليابانة بقي لما تتخض او تتفاجىء تقولك ارا ارا ( Ara Ara ) وحابب اقولك ان كلمة ارا ارا بيتم استخدامها بكثرة في الايحاءات ال ج ن س ي ة والهينتاى والعياذ بالله وف يالفيديو ده هنعرض لكم بعض مشاهد الارا ارا المجمعة من بعض الانميات اليابانية
ومنهم لله بتوع High School Of dead وطبعا اصدقائي الاوتاكوز فاهمين قصدي . اكيد هتقولي انا مش عارف يعنى ايه اوتاكو اللي انت عمال تقولها دى فهقولك ولايهمك ياصاحبي ادخل هنا ( معنى كلمة اوتاكو ) طيب بقولك ايه بما انك دخلت موسوعة الاتاكو ايه رأيك تعرف ( معنى كلمة كوسبلاي ) طب نرجع للـ Ara Ara ونشوف الفيديو
فيديو Ara Ara
طبعا انا اخترت فيديو محترم علشان انا محترم ولا عزاء لمحبي الهنتاي وبس كده ده كان كل حاجة بخصوص معنى ارا ارا الموجودة في الانمي لو عجبك الموضوع واستفدت منه شيره مع صحابك الاوتاكوز وماتنساش تاخد جولة سريعة في قسم المعانى زى ماتفقنا يلا ارار ارا قصدى سلام