صباح او مساء الخير حسب الوقت اللي بتقرأ فيه الموضوع ، ازيك ياصاحبي عامل ايه وحشتك مش كده ؟ انت كمان وحشتنى علشان كده رجعتلك النهاردة بموضوع جديد من مواضيع قسم المعانى وهو معنى كلمة فيتشرز المنتشرة علي السوشيال ميديا ولو انت اول مرة تزورنا في سكرين ميكس يبقي اسمحلي اقترح عليك تاخد جولة سريعة في قسم المعانى
لانك هتلاقي معانى لكلمات بتقابلها يوميا على السوشيال ميديا وبقت متداولة بين الشباب زي نرم و سيمب و صورم و توكسيك وغيرها كتير من المعانى فبنصحك بعد ماتعرف يعنى ايه فيتشرز تدخل قسم المعانى وتقرأ فيه شوية المهم علشان ماطولش عليك يلا بينا نعرف معنى فيتشرز
 |
| معنى فيتشرز في الراب |
معنى فيتشرز في الراب
الفيتشرز ياصديقي العزيز عبارة عن تعاون بين اتنين رابر في تراك واحد زي الدويتو كده في الاعمال الموسيقية الاخري يعنى مثلا لما تسمع خبر ان في فيتشرز ويجز والجوكر يعنى ده معناه ان ويجز والجوكر هيغنوا سوا في تراك وده المقصود بمعنى فيتشرز الموجود على الفيسبوك اما كلمة فيتشرز ليها معنى تانى لازم تعرفه والمعنى ده بيكثر استخدامه في الحاجات الاسمارت زى الموبيلات والعربيات
معنى كلمة features
كلمة فيتشرز هنا معناها مميزات يعنى مثلا لما اقولك ان الفيتشرز في الموبايل الاندرويد اكتر متر من الايفون فده معناه ان مميزات الموبايل الاندرويد اكترمن الايفون ودى حقيقة علمية لا جدال فيها ... وبس ياصاحبي ده كان كل حاجة بخصوص معنى فيتشرز في الراب وفي الحاجات الاسمارت ماتنساش تاخد جولة في قسم المعانى زي ماتفقنا يلا سلااااااااااااام