صباح او مساء الخير حسب الوقت اللي بتقرأ فيه الموضوع ، ازيك ياصاحبي عامل ايه وحشتك مش كده ؟ انت كمان وحشتنى علشان كده رجعتلك النهاردة بموضوع جديد من مواضيع قسم المعانى وهو معنى كلمة دس تراك المنتشرة علي السوشيال ميديا ولو انت اول مرة تزورنا في سكرين ميكس يبقي اسمحلي اقترح عليك تاخد جولة سريعة في قسم المعانى
لانك هتلاقي معانى لكلمات بتقابلها يوميا على السوشيال ميديا وبقت متداولة بين الشباب زي نرم و سيمب و صورم و توكسيك وغيرها كتير من المعانى فبنصحك بعد ماتعرف يعنى ايه دس تراك تدخل قسم المعانى وتقرأ فيه شوية المهم علشان ماطولش عليك يلا بينا نعرف معنى Diss Track
 |
| دس تراك |
معنى دس تراك على الفيسبوك
بما انك دخلت عالمقالة دى فانت اكيد شوفت كلمة ديس تراك على السوشيال ميديا سواء فيسبوك او تويتر وغيرهم وجاى دلوقتى علشان تعرف يعنى ايه ديس تراك . خلينى اقولك ياصديقي العزيز ان الدس ترك هو عبارة عن منافسة بين اتنين رابرز كل واحد فيهم بيعمل اغنية بالمصري كده يلقح فيها عالتانى والتانى يرد عليه بااغنية برده ويفضلوا عاملين زي الديوك في الصباح يقضوها صياح صياح صياح وطبعا بتنشأ خناقات ومعارك دايما بين الفانز بتاع كل رابرز منهم وخلينى اوريك مثال على ديس تراك لمراون موسي بيدس فيه على ابيوسف ولو سألتنى مين دول ؟ هقولك والله ماعرف ياصاحبي بس ده المثال اللي لقيته وانا بكتب المقالة فياريت محدش ياخد الموضوع بشكل شخصي انا ماليش في الراب بصراحة ولكني بحترم جميع انواع الفنون والناس اللي بيحبوا الفنون