يعنى ايه ميم لورد ؟ من هو الميم لورد ؟ Meme Lord

صباح او مساء الخير حسب الوقت اللي بتقرأ فيه الموضوع ، ازيك ياصاحبي عامل ايه وحشتك مش كده ؟ انت كمان وحشتنى علشان كده رجعتلك النهاردة بموضوع جديد من مواضيع قسم المعانى وهو معنى كلمة ميم لورد المنتشرة علي السوشيال ميديا ولو انت اول مرة تزورنا في سكرين ميكس يبقي اسمحلي اقترح عليك تاخد جولة سريعة في قسم المعانى 

لانك هتلاقي معانى لكلمات بتقابلها يوميا على السوشيال ميديا وبقت متداولة بين الشباب زي نرم و سيمب و صورم و توكسيك وغيرها كتير من المعانى فبنصحك بعد ماتعرف يعنى ايه ميم لورد تدخل قسم المعانى وتقرأ فيه شوية المهم علشان ماطولش عليك يلا بينا نعرف معنى ميم لورد وازاى تبقي ميم لورد




يعنى ايه ميم لورد - معنى ميم لورد - من هو الميم لورد
ميم لورد 


معنى ميم لورد المنتشرة على السوشيال ميديا 



قبل مانعرف يعنى ايه ميم لورد لازم الاول نعرف يعنى ايه ميم وطبعا لو انت متابعنى ياصاحبي هتعرف انى كتبت موضوع قبل كده عن معنى كلمة ميم وتقدر تشوفه من هنا ( يعنى ايه ميم )  ودلوقتي بعد ماعرفت ماهو الميم فاسمحلي اقولك بكل بساطة ان الميم لورد هو الشخص اللي بيصنع الميم . ايوة بس كده ماتستغربش ده معنى الميم لورد . ولو انت مستعجل او مش حابب تدخل على الموضوع بتاع يعنى اي ميم فخلينى اقولك بشكل ملخص ان الميم هو انك تجيب صورة من اى فيلم او مسلسل او برنامج او اي عمل عموما وتكتب عليها كلام يضحك ده كده اسمه ميم او كوميك واللي بيعمل الصور دي اسمه ميم لورد ( Meme Lord ) 


امثلة علي الميمز 


معني كلمة ميم لورد
1



ميم لورد يعني ايه
2



ميم لورد معنى
3



ازاى تبقي ميم لورد ؟


  • لازم تكون اتفرجت على كل الافلام الكوميدية المصرية وممكن شوية من الافلام الاجنبية 
  • دمك خفيف
  • حافظ افيهات جميع الافلام
  • حافظ افيهات فيلم بوشكاش وافلام محمد هنيدى لان دول اكتر افيهات هتستعملها في الميم 
  • متابع للترند اول بأول وتقدر تطلع الافيه من الترند
  • بتعرف تعمل ميمز عن طريق برامج التعديل علي الصور زي الفوتوشوب او picsart وغيرهم
  • ماتكونش نرم
  • ماتكونش سيمب


وبس كده ياصاحبي ده كان كل حاجة بخصوص معنى ميم لورد وازاى تبقي ميم لورد . ماتنساش تاخد جولة في قسم المعانى زى ماتفقنا يلا سلااااااااااااااام
تعليقات