معنى اختصار btw ( يعنى ايه btw ) معنى BTW بالانجليزي

صباح او مساء الخير حسب الوقت اللي بتقرأ فيه الموضوع ، ازيك ياصاحبي عامل ايه وحشتك مش كده ؟ انت كمان وحشتنى علشان كده رجعتلك النهاردة بموضوع جديد من مواضيع قسم المعانى وهو معنى كلمة btw المنتشرة علي السوشيال ميديا ولو انت اول مرة تزورنا في سكرين ميكس يبقي اسمحلي اقترح عليك تاخد جولة سريعة في قسم المعانى  واللي هتلاقي فيه معانى لكلمات بتقابلها يوميا على السوشيال ميديا وبقت متداولة بين الشباب زي نرم و سيمب و صورم و توكسيك وغيرها كتير من المعانى فبنصحك بعد ماتعرف يعنى ايه btw تدخل قسم المعانى وتقرأ فيه شوية المهم علشان ماطولش عليك يلا بينا نعرف معنى btw بلغة الشات


btw معني btw - Btw meaning - معنى كلمة باي ذا وي بالعربي
btw


ما معنى اختصار BTW بالعربي



في 2005 ايام شات الياهو والمنتديات والهوت ميل طبعا جيل الالفينات ماحضرش الحاجات دى المهم ان وقتها كان في شوية اختصارات بنستخدمها في الشات علشان نبان روشيين وجامدين وكده واختصار btw كان من اكتر الاختصارات دى وعموما btw هواختصار للكلمة الانجليزية by the way وطبعا اكيد مش معناها بواسطة الطريق 


معنى by the way بالعربي


والمقصود بكلمة باي ذا وي بالعربي هو ( بالمناسبة او على فكرة او اى حاجة بنفس المعنى ) يعنى لما حد يقولك btw الاكل هنا حلو اوى فده معناه ( بالمناسبة الاكل هنا حلو اوى - على فكرة الاكل هنا حلو اوي ) وطبعا معروف ان اكتر ناس بتستخدم كلمة btw هم الناس اللي بيتكلموا فرانكوا لكن في الحقيقة كلمة btw هي كلمة انجليزية ومنتشرة جدا عند الامريكان لان اغلب كلامهم في الشات بيكون اختصار زى btw و lol وغيرهم من الكلمات 



وبس كده ياصحبي ده كان كل حاجة بخصوص معنى كلمة btw في الشات ، لو حابب تعرف معنى اي كلمة اكتبلنا في التعليقات وهنجاوبك وماتنساش تاخد جولة في قسم المعانى زي ماتفنا يلا سلاااااااااااااام
تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -