يعنى ايه دنجلة ؟ ( معنى كلمة دنجلة ) يلا ندنجل شوية

صباح او مساء الخير حسب الوقت اللي بتقرأ فيه الموضوع ، ازيك ياصاحبي عامل ايه وحشتك مش كده ؟ انت كمان وحشتنى علشان كده رجعتلك النهاردة بموضوع جديد من مواضيع قسم المعانى وهو معنى كلمة دنجلة في السوشيال ميديا ولو انت اول مرة تزورنا في سكرين ميكس يبقي اسمحلي اقترح عليك تاخد جولة سريعة في قسم المعانى واللي هتلاقي فيه معانى لكلمات بتقابلها يوميا على السوشيال ميديا وبقت متداولة بين الشباب زي نرم و سيمب و صورم و توكسيك وغيرها كتير من المعانى فبنصحك بعد ماتعرف يعنى ايه دنجلة تدخل قسم المعانى وتقرأ فيه شوية المهم علشان ماطولش عليك يلا بينا نعرف معنى يلا ندنجل شوية


يعنى ايه دنجلة - معنى كلمة دنجلة بالمصري
معنى دنجلة بالمصري


معنى كلمة دنجلة بالمصري 



المقصود بكلمة دنجلة ياصديقي العزيز هو التمشية او اخذ جولة مع شخص ما يعنى لما حد يقولك يلا ندنجل شوية فالمقصود انه بيقولك يلا نتمشي شوية وكلمة دنجلة منتشرة اكتر بين المصريين خصوصا الرجالة اما عند البنات نادرا لما بنت تقول لصاحبتها يلا ندنجل شوية 

ومؤخرا في جروب على الفيسبوك اتعمل بااسم DNGLA وفكرة الجروب قايمة على ان اشخاص مايعرفوش بعض ينزلوا يدنجلوا مع بعض كنوع من تكوين الصداقات وما الي ذلك 

وبس كده يااصحبي دى كانت كل حاجة بخصوص كلمة دنجلة المنتشرة على الفيسبوك . لو انت اول مرة تزورنا في سكرين ميكس ماتنساش تبقي تدنجل شوية في قسم المعانى زى ماتفقنا ولو في كلمة حابب تعرف معناهااكتبلنا في التعليقات وهنجاوبك فورا يلا سلااااااااااااااام
تعليقات