معنى كلمة ريمونتادا في كرة القدم ( Remontada بالعربي ) حقائق ستعرفها لاول مرة

صباح او مساء الخير حسب الوقت اللي بتقرأ فيه الموضوع ، ازيك ياصاحبي عامل ايه وحشتك مش كده ؟ انت كمان وحشتنى علشان كده رجعتلك النهاردة بموضوع جديد من مواضيع قسم المعانى وهو معنى كلمة ريمونتادا في كرة القدم ولو انت اول مرة تزورنا في سكرين ميكس يبقي اسمحلي اقترح عليك تاخد جولة سريعة في قسم المعانى واللي هتلاقي فيه معانى لكلمات بتقابلها يوميا على السوشيال ميديا وبقت متداولة بين الشباب زي نرم و سيمب و صورم و توكسيك وغيرها كتير من المعانى فبنصحك بعد ماتعرف معنى Remontada بالعربي تدخل قسم المعانى وتقرأ فيه شوية المهم علشان ماطولش عليك يلا بينا نعرف ايه هي اقوى ريمونتادا في التاريخ



ما معنى كلمة ريمونتادا في كرة القدم - قصة ريمونتادا - ريمونتادا ويكيبيديا- اقوى ريمونتادا في التاريخ
معنى كلمة remontada 

متى تم استخدام مصطلح رمونتادا لاول مرة في تاريخ كرة القدم ؟ 


تم استخدام كلمة Remontada  للمرة الأولى في إسبانيا يوم 21 ديسمبر من عام 1983 لما واجه المنتخب الإسباني نظيره المالطي وكان محتاح 11 هدف علشان يفوز ويتأهل للـ يورو 1984 علشان يهزم المنتخب الهولندي في فارق الأهداف والتأهل إلى النهائيات، وبالفعل قدر لاروخا بقيادة ميجيل مونوز انه يفوز 12/1 وكان الهدف رقم 12 تم تسجيله قبل نهاية الوقت الأصلي بست دقائق . ودى كانت اول مرة تم استخدام كلمة رمونتادا في في كرة القدم 


معنى كلمة ريمونتادا في الحروب 


 الريمونتادا في الحروب عبارة عن مصطلح كان بيتم استخدامه لوصف المعارك الأهلية وثورات الاستقلال في الفترة بين القرن الـ 16 وحتى القرن الـ 19، لما كان اقليم الباسك وكتالونيا بيحاولوا الاستقلال بعيد عن الحكم الإسباني . اما بخصوص الريمونتادا في كرة القدم 

معنى كلمة ريمونتادا في كرة القدم ( معنى Remontada بالانجليزي )


الريمونتادا في كرة القدم معاناها العودة او التعافي او تحقيق المستحيل وغالبا بيكون المقصود بيها العودة وبتتقال لما فريق يكون متقدم على الفريق الخصم بفارق اهداف كبير وفجأة الفريق الخصم يتعادل ويتقدم هو فبيسموها ريمونتادا وطبعا لما هنتكلم عن الريمونتادا في كرة القدم لازم وحتما ولا بد نذكر الريمونتادا التاريخية لبرشلونة على باريس سان جيرمان بنتيجة 6-1 في نهائي دوري أبطال أوروبا موسم 2016/2017 يوم 28 مارس . واللي كان رجل المباراة وقتها اللاعب البرازيلي نيمار والمباراة دى بيعتبروها محبي كرة القدم من اقوي ال Remontada في تاريخ دوري الابطال بس هل تعتبر اقوى ريمونتادا في تاريخ كرة القدم ؟ لا ياصاحبي مش اوى Remontada  في تاريخ كرة القدم 



اقوى ريمونتادا في التاريخ 


ولو انت فاكر ان مبارة البرسا وباريس اعظم ريمونتادا في التاريخ تبقي غلطان ياصاحبي لان  اعظيم ريمونتادا في تاريخ كرة القدم بتعتبر مباراة تشارلتون وهدرسفيلد موسم 1957/1958واللي فيها انتهى اللقاء بفوز تشارلتون 7/6، واكيد انت عمرك ماسمعت عن المباراة دى او شوفت ليها فيديوهات بس خلينى اقولك ان اللي حصل وقتها كان اسطوري

في 21 من شهر ديسمبر عام 1957، استضاف تشارلتون منافسه هدرسفيلد، ضمن مباريات دوري الدرجة الثانية الإنجليزي.
وفي بداية المباراة اتصاب ديريك أوفتون كابتن فريق تشارلتون ، وتم نقله على الفور للمستشفي ، ووقتها ماكنش مسموح بالتبديلات واضطر الفريق انه يكمل المباراة بعشر لاعبين فقط  وبالفعل انهار فريق تشارلتون ونجح هدرسفيلد في إحراز خمسة أهداف متتالية في الدقائق 27، و35، و49، و51، و62، وفي المقابل احرز تشارلتون هدف وحيد في الدقيقة 47 

وكانت النتيجة ( 5/1 )  قبل 28 دقيقة فقط على انتهاء المباراة ولكن اللي حصل وقتها محدش كان يتوقعه  .. ريمونتادا تاريخية بكل ما تحمله الكلمة من معنى عملها تشارلتون، وكان بطل القصة هو اللاعب سامرز الذي سجل لوحده خمس أهداف . ولما النتيجة كانت بتشير بتقدم هدرسفيلد بخمسة أهداف لهدف، أحرز ريان هدف تشارلتون الثاني، وبعدها سجل سامرز أربعة أهداف متتالية في الدقائق 64، و73، و78، و81، علشان يحول النتيجة من خسارة قاسية إلى فوز ملحمي 6/5 .

ولكن هوارد لاعب هدرسفيلد سجل هدف التعادل في الدقيقة 86، ولكن الرد جاء سريعًا من  تشارلتون بتسجيل هدف الانتصارعن طريق اللاعب ريان بالدقيقة قبل الأخيرة من عمر المباراة ، علشان تنتهي المباراة بفوز تاريخي لتشارلتون بسبعة أهداف مقابل ستة.
وحسب مقالات لموقع بليتشر ريبورت قال فيها  بأن هدرسفيلد أصبح الفريق الإنجليزي الوحيد الذي أحرز ستة أهداف في مباراة وتعرض للخسارة في ليلة استثنائية لتشارلتون علشان بعد كده يتم تصنيف المباراة  كأعظم ريمونتادا في تاريخ كرة القدم.


ريمونتادا مباراة برشلونة وباريس سان جيرمان ( 6-1 ) 






مصطلحات اخري مثل remontada 


كلمة او مصطلح come back واللي معناها العودة وبيتم استخدامها في كرة القدم بنفس معنى الريمونتادا ولكن كلمة ريمونتادا اكثر استخداما وشيوعا من come back عند محبي كرة القدم  . وبس كده ياصاحبي ده كان كل حاجة بخصوص معنى كلمة ريمونتادا في كرة القدم لو حابب تعرف معانى لكلمات اكتر ماتنساش تاخد جولة في قسم المعانى زي ما اتفقنا في الاول ولو في مصطلح او كلمة حابب تعرف معناها اكتبلنا في التعليقات وهنجاوبك فورا ومش هوصيك بقي في الشير وكده يلا سلااااااااااااااااام
تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -