معنى كلمة طفشانه في جميع لهجات اللغة العربية ( معنى طفشانه بالانجليزى )

صباح او مساء الخير حسب الوقت اللي بتقرأ فيه الموضوع ، ازيك ياصاحبي عامل ايه وحشتك مش كده ؟ انت كمان وحشتنى علشان كده رجعتلك النهاردة بموضوع جديد من مواضيع قسم المعانى وهو معنى كلمة طفشانه ولو انت اول مرة تزورنا في سكرين ميكس يبقي اسمحلي اقترح عليك تاخد جولة سريعة في قسم المعانى واللي هتلاقي فيه معانى لكلمات بتقابلها يوميا على السوشيال ميديا وبقت متداولة بين الشباب زي نرم و سيمب و صورم و توكسيك وغيرها كتير من المعانى فبنصحك بعد ماتعرف ايش معنى طفشانه تدخل قسم المعانى وتقرأ فيه شوية المهم علشان ماطولش عليك يلا بينا نعرف معنى طفشانة بالعربي وبالانجليزى



ما معنى كلمة طفشانه - معنى كلمة طفشانة بالعربي
معنى كلمة طفشانه

معنى كلمة طفشانه 



ازدادت معدلات البحث في الفترة الاخيرة عن معنى كلمة طفشانه وده بسبب ترند انتشر على تويتر علشان كده قررنا نكتب لكم المقالة دى ونوضح لكم معنى كلمة طفشانة . والطفش ياصديقي العزيز هي كلمة عربية الاصل وبيختلف معناها من دولة للتانية ومن لهجة للتانية وبرده بيختلف معناها حسب الجملة او سياق الكلام يعنى مثلا في السعودية كلمة طفشانه معناها زهقانة او تشعر بالملل الشديد وفي نفس البلد كلمة طفشانه معناها خرجت من البيت غاضبة وده يأكد كلامي ان كلمة طفشانه معناها بيختلف حسب الجملة او سياق الحوار 

يعنى مثلا ممكن في خناقة بين اتنين متزوجين الزوجة تقول للزوج انا هسيبلك البيت واطفش . الطفش هنا المقصود بيه هو الخروج غاضبا وممكن نفس الاتنين المتزوجين دول يبقوا قاعدين بيتكلموا والزوج يقول لزوجته ايش بيكي ؟ فترد عليه وتقوله مافي شي طفشانه شوي . وهنا في الجملة دى بيكون معاناها زهقانة شوية او حاسة بملل 

معنى كلمة طفشانه في المعجم 


كلمة طفشانة هي كلمة عربية الاصل وبيتم تعريفها في المعجم الرائد ومعجم القاموس المحيط انها مشتقة من الفعل طفش بمعنى فلان طفش من البيت يعنى فلان خرج من البيت اما في معجم اللغة العربية المعاصرفبتتعرف كلمة طفشانه انها مشتقة من الفعل طفش والمقصود بيه وسخ ( جعله متسخ ) يعنى لما اقولك فلان طفش الشيء .. يعنى فلان وسخ اي جعله متسخ 

معنى كلمة طفشانه بالانجليزى 

طبعا لو هنتعامل مع كلمة طفشانة علي انه تشعر بالملل فهيكون معناها بالانجليزى i feel boring يعنى انا اشعر بالملل اما بقي لو عاوزين نقول انا طفشانة بالمصري او بلغة السوشيال ميديا فهيكون معناها مختلف خالص 

معنى كلمة انا طفشانه في السوشيال ميديا 

في لغة السوشيال ميديا المنتشرة بين الشباب مؤخرا فكلمة طفشانة بالمصري معناها جضيت ولو حابب تعرف اكتر عن معنى مة جضيت فممكن تقرأ المقالة دى ( معنى كلمة جاضض بالمصري )  اما كلمة طفشان او طفشانة بالمصري بشكل عام فمعناها الخروج مسرعا من الغضب وده اللي بتعمله اى زوجة مصرية اصيلة وهي بقتول لجوزها انا هسيبلك البيت بالعيال واطفش ومش هتعرفلي طريق وخلينى برده اضيف معنى مصري اصيل للفعل يطفش والمقصود بيه يكسر زى كده انا اقولك انا طفشت باب الشقة علشان ادخل فالمقصود بيه اني كسرت باب الشقة على اعرف ادخل وغالبا التطفيش هنا بيستخدم للسرقة زى تطفيش العربيات تطفيش الشقق الخ .. 


وبس كده ياصاحبي ده كان كل حاجة بخصوص معنة كلمة طفشانة وطفشان اللي ظهرت في ترند مؤخرا على تويتر لو حابب تعرف كلمات لمعانى اكتر ماتنساش تاخد جولة في قسم المعانى زى ماتفقنا في اول المقالة ولو في كلمة حابب تعرف معناها اكتبلنا في التعليقات وهنجاوبك فورا يلا سلااااااااااااااااااااام
تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -