طريقة الغاء كول تون فودافون 2021 نهائيا | كود الغاء الكول تون فودافون

الصفحة الرئيسية

كود الغاء الكول تون





كود الغاء كول تون فودافون 2021



صباح الخير في يوم من الايام في وقت من الاوقات في فترة من الفترات في سنة من السنين كنت قاعد مع صديقي حسن اللي بيستخدم خط فودافون وكان بيشتكيلي ان الرصيد بيتسحب اول مايشحن على طول وده بسبب خدمة الكول التون وسألنى وقالي تعرف طريقة الغاء كول تون فودافون بما ان انت بتفهم الاكواد وعامل قسم اكواد عندك في موقع سكرين ميكس واللي بالمناسبة تقدر تزوره من هنا 


فقولتله بصراحة ياصاحبي انا مش عارف كود الغاء الكول تون فودافون بس انا هسألك صديقي محمود اللي شغال كول سنتر في فرع فودافون وعلى الفور اتصلت بمحمود وسألته عن كيفية الغاء كول تون فودافون بشكل نهائي وبصراحة محمود ماقصرش و وضحلي كل حاجة من اول طريقة الاتشراك في خدمة الكول تون لحد الغاءها بشكل نهائي وازاى تحافظ على رصيدك . وبس كده انا جايلك النهاردة ياصاحبي علشان اقولك ازاى تلغي الكول تون في فودافون يلا بينا 




كود الغاء كول تون فودافون
الغاء كول تون فودافون


ماهي خدمة الكول تون 

خدمة الكول تون ياصديقي عبارة عن خدمة بتقدمها شركات المحمول واللي من خلالها تقدر تختار نغمة او اغنية او ادعية دينية يسمعها الشخص اللي بيتصل بيك لحد ماحضرتك تتكرم وترد عليه وفي موضوع النهاردة هقولك ازاى تشترك او تلغي خدمة الكول تون ونبدأ بالاشتراك 


طريقة الاشتراك في خدمة كول تون فودافون


علشان تشترك في خدمة كول تون فودافون كل اللي عليك انك تبقي عارف كود الكول تون بتاع النغمة او الاغنية اللي انت عاوزها وتاخد الكود ده وتبعته في رسالة علي رقم 5555 وبس كده بيتفعل الكول تون بعدها بدقايق بس اهم حاجة اتأكد انك كاتب كود الكول تون صح طب ياصاحبي انت اشتركت كده . هيخصم قد ايه بقي من الرصيد ؟ 

سعر الكول تون فودافون 


تكلفة خدمة الاشتراك في كول تون فودافون هي خصم 3 جنيه في اول مرة رسوم الاشتراك بالاضافة لخصم 5 جنيه شهريا ولما الشهر بيخلص بيتجدد الكول تون تلقائيا بس طبعا لازم يكون معاك رصيد علشان يسحب منه الـ 5 جنيه طيب ياصاحبي انت اشتركت وكله تمام افرض حبيت تلغي الاشتراك في اى وقت ؟ 


كيفية الغاء الكول تون فودافون


بص ياصاحبي علشان تلغي كول تون فودافون قدامك 3 طرق مافيش غيرهم :-


الطريقة الاولي لالغاء كول فودافون 


في الطريقة دى هنستخدم الاكواد و كود الغاء الكول تون فودافون هو *055*00000# (  نجمة زيرو خمسة خمسة نجمة خمس اصفار شباك ) وهتتلغي معاك بشكل نهائي 

الطريقة الثانية لالغاء الكول تون فودافون 


في الطريقة دى هيكون الغاء خدمة الكول تون عن طريق الاتصال بخدمة عملاء فودافون على رقم 888 وتقولهم عاوز الغي الخدمة هيلغوها علطول 


الطريقة الثالثة لالغاء خدمة الكول تون لفودافون 


في الطريقة دى ياصاحبي انت هتروح اقرب فرع فودافون ليك وعلشان تعرف اقرب فرع فودافون ليك هتفتح جوجل ماب وتكتب افرب فرع فودافون  هيظهرلك الفروع اللي حواليك روح لاقرب فرح وقوله عاوز الغي خدمة الكول تون هيلغيهالك وانت واقف في ثوانى .


نبذة مختصرة عن فودافون مصر 


ڤودافون مصر، جزء من مجموعة شركات ڤودافون، وكانت تدعى في السابق كليك چي اس ام (Click GSM).
مقرها القاهرة. الكيلو 28 طريق مصر -إسكندرية الصحراوى القرية الذكية. 

فودافون مصر هي مزود لخدمات اتصالات متكاملة تشمل خدمات الصوت ونقل بيانات والجيل الثالث برودباند والإنترنت الثابت ADSL.

لدى ڤودافون مصر فريق يبلغ عدده أكثر من 6000 موظف. كما تقدم ڤودافون مصر خدمات التجوال من خلال اتفاقيات مع أكثر من 500 شريك في ما يزيد عن 181 دولة.

وبس كده ياصحبي ده كان كل حاجة بخصوص موضوع النهاردة الغاء خدمة كول تون فودافون ماتنساش تاخد لفة في قسم الاكواد هتلاقي اكواد اشتراك والغاء لخدمات زى الكول تون وغيرها ولو حاسس انك استفدت شير الموضوع مع صحابك يلا سلام 
google-playkhamsatmostaqltradent