كود الغاء جميع خدمات فودافون 2023
الغاء خدمة العاب اون لاين فودافون 2023
وسألناه عن كود الغاء خدمة العاب اون لاين فودافون وبصراحة الراجل ماقصرش وبعتلنا الكود وتم الغاء الخدمة بسرعة
وانا جايلك النهاردة ياصاحبي علشان اعرفك ازاى تلغي اشتراكك في خدمة العاب اونلاين فودافون علشان مايتسحبش منك رصيد بس اكيد انا مش هقولك الكود علطول كده لازم الاول تعرف ليه الالعاب دى بتسحب منك الرصيد وانتا بتكون اشتركت فيها ازاى وفي الاخر هقولك ازاى تلغيها وتخلي بالك علشان ماتشتركشش تانى فيها بالغلط
 |
| الغاء جميع خدمات فودافون |
ماهي عروض CPA
كلمة CPA هي اختصار لـ Cost Per Action وهو عبـارة عن الدفع لكل اجراء يتم في الموقع من خلال الزائر .. طبعا مواقع الـ CPA كتيرة وعلى راسهم كليك بانك و CPa Build الفكرة من المواقع دي قايمة عن الترويج لالعاب او منتجات او استفتاءات او تنزيل تطبيقات وعلى كل شخص بينفذ العرض انت بتكسب مبلغ مادى بيبدأ من نصف دولار الي ماشاء الله . طبعا بما ان اغلب العروض دى الربح منها قايم عن طريق الغش والاحتيال على الزائر فانا بصراحة ياصاحبي مابرشحهاش خالص ليك لان الرزق اللي جاي منها مشكوك في امره . طيب ده ايه علاقته بـ خدمة العاب اونلاين فودافون ؟
خدمة العاب اونلاين فودافون 2023
خدمة العاب اون لاين فودافون 2022 هي عبارة عن احدى عروض الـ Cpa اللي انت بتشترك فيها بالغلط لما بيظهرلك اعلانها . طيب اعلانها ده بيظهر فين ياصاحبي ؟ .. اعلانات الـ Cpa بتظهر عموما اثناء تصفح المواقع وممكن تظهرلك علي شكل اعلان منبثق زى اللي بتشوفه لما تتصفح مواقع الافلام زي ايجي بيست او على شكل اعلان جوجل وده عبارة عن اعلان بانر بيكون موجود اثناء تصفح الموقع زي الموجود في الموقع بتاعنا
العاب اون لاين
اثناء تصفحك للموقع بيتفح الاعلان وبيقولك اذا اردت الاشتراك في خدمة العاب اونلاين فودافون يرجي ادخال رقم الهاتف الخاص بك وانت ياصاحبي علشان طيب وقلبك ابيض بتدخل رقم موبايلك ومابتاخدش بالك من الملحوظة اللي في اخر الصفحة اللي بيقولك فيها
( رسوم الاشتراك في الخدمة هي 3 ج يوميا يتم خصمهم من الرصيد ) علشان كده اوعي تشترك في اى خدمة العاب اونلاين طيب نيجب بقا لاهم حاجة وهو كود الغاء خدمة العاب اون لاين فودافون
طريقة الغاء الاشتراك في العاب اون لاين فودافون
الغاء الاشتراك في خدمة العاب فودافون بيكون عن طريق كود
*155# ( نجمة مي خمسة وخمسين شباك )
أو
*010*010# ( نجمة زيرو عشرة نجمة زيرو عشرة شباك )
لو قالك مفيش خدمات .. اضغط رقم 1 و دوس ارسال مرتين ورا بعض هيجيبلك الخدمات كلها الغيها
أو
عن طريق رسالة فيها كلمة ( Stop ) لرقم 6699
لو الطرق دى مانفعتش اتصل بخدمة العملاء على رقم 888 وهما هيلغوها من عندهم او زور اقرب فرع من فروع فودافون وهيتم الغاءها مجانا وانت واقف في ثوانى وبس كده ياصاحبي ده كان كل حاجة بخصوص موضوع الغاء خدمة العاب اون لاين 2022 لو عجبك الموضوع واستفدت منه ماتنساش تبقي تشيره مع صحابك يلا سلام
مواضيع ذات صلة