كروت فودافون
كيفية شحن كارت فودافون
ولانى من مستخدمين شركة اورنج من 15 سنة فبصراحة ماكنش عندى اى فكرة عن طريقة شحن كارت فودافون او خطوات الشحن فقولت علشان ماعملش حاجة غلط تضيع عليا الرصيد افتح جوجل وابحث عن الموضوع وكنت حاسس انى مش هلاقي نتايج لبحثي ولكنى اتفاجئت ان في ناس كتير جدا زيي مايعرفوش الطريقة .
ولاننا في سكرين ميكس عاملين قسم خاص بـ اكواد فودافون فقولت لازم اكتب مقالة عن الموضوع ده واشرح فيها كل حاجة عن طرق شحن كروت فودافون بشكل بسيط ومنظم وايه المشاكل اللي ممكن تقابلك وانت بتشحن كارت فودافون وازاى تشحن الكارت التالف واسعار الكروت وحاجات تانية .
 |
| صورة توضح شكل كارت فودافون من الخلف بعد الخربشة |
كيف يتم شحن كارت فودافون ؟
شركة فودافون بتقدم لعملائها طريقتين لشحن كارت فودافون :-
- الطريقة الاولي : هي خربشة الكارت
- الطريقة التانية : باستخدام تطبيق انا فودافون
كيف يتم شحن كارت فودافون ؟
بيتم شحن كارت فودافون زى اللي موجود ف الصورة فوق عن طريقك انك بتفتح لوحة الارقام في موبايلك وبتكتب ( #كود الشحن*858* ) وكود الشحن هو اللي بيكون موجود لما تخربش الكارت وبيكون عبارة عن 12 رقم مع العلم انك ماينفعش تشحن الكارت اكتر من مرة ولو شحنت الكارت خمس مرات بشكل خاطىء يعنى غلطت في الارقام فالكارت بيتوقف ولازم تكلم خدمة العملاء علشاشن تقدر تشحن الكارت
شحن كارت فودافون باستخدام تطبيق انا فودافون
وخلينى اقولك ياصديقي ان دى اكتر طريقة مستخدمة دلوقتى نظرا لسهولتها والتعود عليها واحتمالية الخطأ فيها قليلة في الطريقة دى انت بتفتح تطبيق انا فودافون وبتلاقي رصيدك عالشمال هتضغط على كلمة اشحن دلوقتى زى اللي موجود في الصورة دى
 |
| اشحن دلوقتى |
طبعا زى ماواضح في الصورة انا رصيدى 2.99 .. علشان تشحن الكارت باستخدام تطبيق انا فودافون هتضغط على كلمة اشحن دلوقتى هيفتحلك الصفحة دى
في الصفحة دي بيديك اوبشن انك تشحن عن طريق بطاقة الائتمان او عن طريق كارت الشحن كل الل يعليك انك هتيجي في خانة كارت الشحن وتكتب كود الشحن الموجود في الكارت بعين تضغط على اشحن دلوقتى وبس كده دى كانت طريقة شحن كارت فودافون
طريقة شحن كارت فودافون تالف ( ارقامه غير واضحة )
كتير من الاوقات بيحصل انك وانت بتخدش الكارت في ارقام بتتمسح غصب عنك والكارت بيبوظ وبالتالي الكارت بيبقي ناقص ارقام بس فودافون قالتلك ماتقلقش ياصاحي حتى لو بوظت الكارت وانت بتخدشه احنا هنشحنهولك .. طب ازاى ؟ اقولك ازاى كل اللي عليك انك هتتصل بكود ( #1*858* ) وبعدين تدخل كود الشحن المكون من 12 رقم بشكل عادى والارقام اللي باظت تحط مكانها علامة نجمة ( * ) وبعدين تخدل السيريال نمبر الموجود على الكارت .. السيريال نمبر هو الرقم الموجود تحت كلمة ساري حتى 30/12/2022 في اول صورة اللي هو اوله 00638 هو ده السيريال نمبر بعدها هيسألك هل تريد شحن الكات الي رقمك ام رقم اخر هتختار اللي انت عاوزه ويتشحن عادى ولو ماتشحنش فكده مش هيهبقي ادامك غير انك تكلم خدمة العملاء عن طريق 888 وهما هيقوموا باللازم
طريقة شحن كارت فودافون لرقم آخر
لو انت معاك كارت وعاوز تشحنه لرقم غير رقم تليفونك فكل الل يعليك انك تبع الخطوات دى
- اتصل ب 858
- الضغط على رقم 2 ( الشحن لرقم اخر )
- ادخال رقم الهاتف المراد شحنه
- ادخال كود الشحن الموجود على الكارت
وبس كده .. هيشحن الكارت للرقم اللي دخلته وهيجيلك رسالة يقولك تم شحن رقم كذا برصيد كذا .. طيب ايه انواع كرت الشحن وكل شحن بيدينى صافي قد ايه بعد خصم الضريبة
اسعار كروت شحن فودافون
- كارت شحن فودافون بـ 5 ج بيديك رصيد صافي 3.5 ج .
- كارت شحن فودافون بـ 10 ج بيديك رصيد صافي 7 ج .
- كارت شحن فودافون بـ 15 ج بيديك رصيد صافي 10.5 ج .
- كارت شحن فودافون بـ 25 ج بيديك رصيد صافي 17.5 ج .
- كارت شحن فودافون بـ 50 ج بيديك رصيد صافي 35 ج .
- كارت شحن فودافون بـ 100 ج بيديك رصيد صافي 70 ج .
كروت شحن فودافون الفكة
في اربع انواع لكروت شحن فودافون الفكة وهما :
- كارت شحن فكة بـ 2 ج
- كارت شحن فكة بـ 4 ج
- كارت شحن فكة بـ 6 ج
- كارت شحن فكة بـ 8 ج
طريقة شحن كارت فكة فودافون
كارت الفكة بيتشحن نفس طريقة الكارت العادى اللي شرحناها في اول الموضوع اللي هي #كود الشحن*858* وللتحكم في وحدات الكارت اضغط على اضغط #86*
خطوات شحن كارت المارد
كارت الشحن المارد بقيمة 3.5 جنيه مصري توفر للعميل 160 فليكس، لمدة تصل إلى 3 أيام، أما كارت الشحن بقيمة 10 جنيه مصري توفر 450 فليكس، وحتى تتمكن من شحن كارت المارد قم:
إدخال *858*1* كود الشحن #.
أما إذا كنت ترغب في استخدام رصيد الكارت لتصفح الإنترنت، عليك كتابة كود *858*2* كود الشحن#
وبس كده ده كان كل حاجة بخصوص طريقة شحن كارت فودافون واسعار الكروت وانواعها اتمنى اكون قدرت افيدك ولو بجزء بسيط من الموضوع لو حابب تعرف اكتر خدمات فودافون واكوادها تقدر تزور ( قسم الاكواد ) هتلاقي فيه مواضيع كتير هتفيدك ان شاء الله يلا سلام
مواضيع ذات صلة