كود تحويل فلوس فودافون كاش | ازاى احول فلوس فودافون كاش

الصفحة الرئيسية

طريقة تحويل فلوس من فودافون كاش



صباح الخير ، في يوم من الايام في وقت من الاوقات في فترة من الفترات في سنة من السنين كنت قاعد مع صحابي بنتناقش في امور الحياة وحركة الكواكب والبحار والانهار والمحيطات طلع هشام صاحبنا من اللاوير وسألنا لو حد فينا يعرف كود تحويل فلوس فودافون كاش علشان عاوز يحول فلوس لواحد صاحبه وبصراحة محدش فينا كان عارف وماكنش معانا نت علشان ندخل على موقع سكرين ميكس  || قسم الاكواد ||



 واللي بالمناسبة هتلاقي فيه جميع الاكواد اللي ممكن تحتاجها للاشتراك او الغاء الاشتراك في خدمات زى الكول تون والالعاب وفودافون كاش وغيرها المهم اتصلنا بواحد صاحبنا شغال كول سنتر في فودافون وقالنا على طريقة تحويل فلوس فودافون كاش وانا جايلك النهاردة ياصاحبي علشان اقولك كل حاجة عن خدمة فودافون كاش من اول كيفية الاشتراك في الخدمة لـ تفعيلها لتحويل الفلوس والاكواد المستخدمة ورسوم الاستخدام وحدود التعاملات وكل حاجة .. يلا بينا ؟ 




ازاي ابعت فلوس على فودافون كاش
تحويل فلوس فودافون كاش



ماهي خدمة فودافون كاش 


خدمة فودافون كاش هي خدمة مقدمة من شركة فودافون لارسال واستقبال الاموال داخل مصر بطريقة سريعة من خلال تليفونك او من خلال ماكينات فوري وامان او من خلال فروع فودافون في المحافظات

كيفية الاشتراك في في فودافون كاش 


زور اقرب فرع فودافون وقول لممثل خدمة العملاء هناك عاوز اشترك في خدمة فودافون كاش ولازم يكون معاك البطاقة وتكون سارية هياخدها منك ويقوم بالاجراءات بعدها هيقولك هتجيلك رسالة بتأكيد اشتراكك وبتطلب منك انشاء رقم سري مكون من 6 ارقام لحسابك علشان تشغل الخدمة عن طريق الكود #5*9* وبس كده هتعمل الرقم السري ومبروك بقي عندك فودافون كاش 

طرق السحب والايداع في فودافون كاش 


علشان تسحب وتودع فلوس في محفظة ڤودافون كاش زور اقرب فرع ڤودافون أو موزع معتمد عنده علامة ڤودافون كاش أو فروع فوري و أمان أو من ماكينات الصراف الآلي لبنك الإسكندرية، البنك الأهلي المصري، بنك مصر، بنك القاهرة، بنك عودة أو البنك التجاري الدولي دول اللي من خلالهم تقدر تعمل اي عملية سحب او ايداع لفودافون كاش 


خدمات فودافون كاش الاخري


  1. السحب والايداع من خلال ماكينات ATM 
  2. تجديد باقات فودافون 
  3. دفع فواتير الغاز والمياة والكهرباء
  4. الشراء اونلاين في العديد من المواقع مثل جودادي
  5. شحن الرصيد او دفع فاتورة تليفونك
  6. التبرع للمؤسسات الخيرية 


ماهي حدود التعاملات المالية لفودافون كاش 


الحد الاقصى 30 الف جنيه بشكل يومي و 100 الف جنيه بشكل شهري 

رقم خدمة عملاء فودافون كاش 


رقم خدمة عملاء فودافون كاش مش 888 زي مالبعض فاكر لا هما ليهم رقم مخص ليهم وهو 7001

رسوم استخدام خدمة فودافون كاش 


 رسوم الاشتراك في خدمة فودافون كاش مجانية 
في حالة سحب الاموال يتم خصم نسبة 1% من اجمالي المبلغ المسحوب 
يتم خصم جنيه واحد على كل عملية تحويل اموال من محفظتك لمحفظة اخري . نيجي بقي لاهم حاجة وهي ازاي ابعت فلوس على فودافون كاش


كيفية تحويل فلوس من فودافون كاش


تحويل الفلوس من فودافون كاش بيتم من خلال طريقتين وهما :-


كود تحويل فلوس من فودافون كاش


اضغط على *9*# ( نجمة تسعة نجمة شباك ) 
واختار رقم 1 ( تحويل الاموال ) 
بعدها هيقولك 1 ادخال الرقم - 2 اختيار من الارقام الموجودة - 3  اخر ارقام مستخدمة  ( هتختار المناسب ليك والافضل تكون واخد الرقم كوبي وتختار اول اختيار ) 
بعد ماتدخل الرقم هيقولك الرقم الذي ادخلته هو ( 010******** ) للتأكيد اضغط 1 هتضغط 1
بعدها هتخدل القيمة المراد تحويلها واللي بتكون من اول 5 جنيه لحد 30 الف جنيه وهنا لازم تركز وانت بتكتب القيمة بعدها هيقولك ادخل الرقم السري هتدخل الرقم السري المكون من 6 ارقام اللي انت كنت عملته في الفرع وبس كده بيتم التحويل 


الطريقة التانية لتحويل فلوس فودافون كاش 


من خلال اقرب فرع فودافون او من خلال اى حد عنده ماكينة فوري او امان هيحولك الفلوس .او من خلال تطبيق انا فودافون عن طريق الخدمة المخصصة لتحويل الاموال الموضوع بسيط برضو هتدخل الرقم اللي عاوز تحوله والقيمة المالية رقمك السري بس كده واهم حاجة محدش يعرف رقمك السري في فودافون كاش مهما حصل 


وبس كده ياصاحبي دهه كان كل حاجة بخصوص موضوع النهاردة طريقة تحويل فلوس فودافون كاش او ازاى احول فلوس فودافون كاش  . لو عجبك الموضوع واستفدت شيره مع صحابك وماتنساش تاخد جولة سريعة في قسم الااكواد يلا سلام .. 
google-playkhamsatmostaqltradent