ما معنى كلمة سينباي ؟ ( معنى سنباي بالعربي ) سينباي ف الانمي

صباح او مساء الخير حسب الوقت اللي بتقرأ فيه الموضوع ، ازيك ياصاحبي عامل ايه وحشتك مش كده ؟ انت كمان وحشتنى علشان كده رجعتلك النهاردة بموضوع جديد من مواضيع قسم المعانى وهو معنى كلمة سينباي بالكوري ولو انت اول مرة تزورنا في سكرين ميكس يبقي اسمحلي اقترح عليك تاخد جولة سريعة في قسم المعانى واللي هتلاقي فيه معانى لكلمات بتقابلها يوميا على السوشيال ميديا وبقت متداولة بين الشباب زي نرم و سيمب و صورم و توكسيك وغيرها كتير من المعانى فبنصحك بعد ماتعرف معنى سنباي في الانمي تدخل قسم المعانى وتقرأ فيه شوية المهم علشان ماطولش عليك يلا بينا نعرف معنى سينباي بالعربي



ما معنى سنباي بالعربي



معنى كلمة سنباي 


تكتب بالعربي سينباي وبالانجليزي senpai وبالكانجي 先輩 وبالهيراغانا せんぱい وسينباي هو احد الفاظ الاحترام في اللغة اليابانية ويستخدم سينباي في مخاطبة الاشخاص الاعلي في العمر او المركز او الخبرة زي زميلك في الشغل زميلك في الدراسة او صاحبك  تقدر تقوله ياسينباي كنوع من الاحترام لانه اكتر منك خبرة في حاجة معينة كمان لفظ سينباي بيستخدم في مناداة الاشخاص الحاصلين على بطولات . خد بالك سينباي ماينفعش تستخدمها في مناداة استاذك في المدرسة او رئيسك في العمل 



معنى كلمة كوهاي 


كلمة كوهاي عكس كلمة سينباي وهي بتستخدم في مناداة ومخاطبة الاشخاص الاقل في العمر او الخبرة او المركز وعادة بيستخدمها اليابانين في مخاطبة الاطفال وصغار السن 

بعض الفاظ الاحترام اليابانية 

  • سان
  • ساما
  • كون
  • تشان
  • بوو
  • سينباي وكوهاي
  • سِنسي
  • شي



وبس كده ياصاحبي ده كان كل حاجة بخصوص معنى كلمة سنباي اليابانية لو في مصطلح او معنى كلمة مش عارفه اكتبلنا في التعليقات وهنجاوبك فورا وماتنساش تاخد جولة في قسم المعانى زى ماتفقنا يلا سلام 
تعليقات