موقع mbc2020 لربح 50 الف دولار
حقيقة موقع mbc2020
{{ الحمدلله ربحت 50 الف دولار من مسابقة الحلم 💵 يمكنك انت ايضا ربح 100 الف دولار 💵 بكل سهولة الاشتراك فى المسابقة اصبح مجانى 😍. بسرعة اكتب في جوجل 🔎 mbc2020 🔍 وادخل للموقع الاول الموقع 🔝 له مصداقية من جوجل ✅ }}
ومن هنا بدأ التساؤولات حول ماهو موقع mbc2020 وهل فعلا تقدر تربح 50 الف دولار من خلاله ؟ .
وبعد ماقام عدد من فريق موقع سكرين ميكس بالبحث عن الموضوع وعمل التجارب اللازمة قررنا نكتبلكم المقالة دى علشان نوضح فيها حقيقة موقع mbc 2020 لربح 50 الف دولار
في الاول ياصاحبي لو انت واحد من اللي خدوا الرسالة وحطوها في 15 كومنت فيؤسفنى اقولك انك كده خلاص مابقتش صاحبي . ليه تعمل كده ؟ عقلك كان فين ياابراهيم صدقت انك تقدر تكسب 50 الف دولار من الهوا كده
. انا عارف ان العيشة صعب بس ادينى عقلك . مين مجنون هيديك 50 الف دولار من اللاشيء كده لا هو محدش هيديك 50 قرش اصلا من اللاشي .. ياخسارة ياصاحبي حقيقي ياخسارة اتفضل ياباشا معايا اقولك حقيقية موقع mbc2020 علشان ماتقعش في الغلط ده تانى بعد كده
 |
| MBC2020 |
حقيقة موقع mbc2020 facebook
موقع mbc2020 هو موقع من صفحة واحدة مبرمجة بطريقة بسيطة جدا اول مابتدخل عالموقع بتظهرلك رسالة بتقولك هل اشتركت فى المسابقة من قبل ؟ وبيديك اختيارين
- نعم
- لا
ولما بتضغط على اى واحدة فيهم بيظهرلك سؤال تانى بيقولك هل تمتلك وظيفة ؟ وبيديك اختيارين
- نعم
- لا
وبعدها بيسألك سؤال ما هو مستوى دخلك الشهرى ؟ وبيديك 3 اختيارات
ضعيف
متوسط
عالي
وبغض النظر عن الاجابة اللي هتختارها فكل الاختيارات بتحولك لنفس الصفحة المهم بعد ماتختار هيجيبلك ايقونة صفرا مكتوب فيها ( الخطة التالية ) لما بتضغط عليها بيقولك الرجاء الانتظار قليلا ليتم تحويلك وبيبدأ عد تنازلي خمس ثوانى وبعدها بيحولك على صفحة مكتوب فيها
مبـــــروووك انت رابح الشيك اليوم وقدرة 50,000 دولار و سوف نتصل على رقمك لكى تستلم الشيك اليوم بعد تنفيذ اخر خطوة
لم يتبقى لك سوى خطوة اخيرة يرجى تنفيذها بدقة لأستلام الشيك بطريقة صحيحة
(الخــطوة الاخيرة)
انسخ الرسالة الموجودة في الاسفل وانشرها فى 15 تعليق فى الفيسبوك فى اماكن مختلفة -صفحات-جروبات
نسخ الرسالة
الحمدلله ربحت 50 الف دولار من مسابقة الحلم 💵 يمكنك انت ايضا ربح 100 الف دولار 💵 بكل سهولة الاشتراك فى المسابقة اصبح مجانى 😍. بسرعة اكتب في جوجل 🔎 mbc2020 🔍 وادخل للموقع الاول الموقع 🔝 له مصداقية من جوجل ✅
الرجاء بعد الإنتهاء من نشر الرسالة بنجاح قم بالتسجيل ( اسمك و عنوانك ) فى الموقع التالى للتواصل معك وأستلام الشيك
بعدها هتلاقي ايقونة حمرا مكتوب فيها ( استلم الشيك من هنا ) وهي فعلا حمرا لما بتضغط عليها بيجيلك اشعار مكتوب فيه
المعذرة، أنت لم تنشر الرسالة بالعدد المطلوب، من فضلك قم بدعوة 5 اصدقاء على الواتساب او اكثر ثم انشر الرساله فى 15 تعليق لكى نتصل بك الان للحصول على الشيك بقيمة 50,000$
فانت طبعا ياصاحبي بكل حسن نية بتاخد الرسالة اللي فوق دى وتقعد تشيرها في الجروبات والبيدجات والتعليقات على امل انك ياعينى فاكر انك هتكسب 50 الف دولار
اربح 50 الف دولار من اللاشي
خليني اقولك ياصاحبي وبكل ثقة ان مافيش حاجة اسمها ربح 50 الف دولار بدون مجهود ولا حتى ربع 50 سنت . مافيش قرش هتكسبه الا ما تكون قدمت قصاده حاجة فخليك ذكي وماتخليش حد يضحك عليك
تعليقات المستخدمين في موقع mbc2020
طبعا صاحب الموقع علشان يضيف جزء من المصداقية كده قالك اما اعمل شوية تعليقات وصور وهمية واضيفها علشان الناس تطمن وتنفذ المطلوب منها وبيتهألي باين جدا ان التعليقات الموجودة في الموقع كلها Fake
مواقع اخري غير صادقة
في حوالي 7 مواقع كلهم بيقدموا نفس الفكرة وهي فكرة النصب والاحتيال على المستخدم علشان كده احنا كتبنا مقالة عن كل موقع من المواقع دى علشان نحذر الناس منهم وده ودى كل المقالات الل يتم كتابتها عن المواقع دى
- حقيقة موقع va66 لمعرفة مين زار بروفايلك
- حقيقة موقع mps70 لشحن جيجات مجانا
- حقيقة موقع cbb5 لقراءة رسائل واتساب
- حقيقة موقع hbb3 للحصول على m4 تلجي في ببجي
- حقيقة موقع rob7ak لربح ايفون 13 مجانا
- حقيقة موقع mbc55
- حقيقة موقع mbc2020
- حقيقة موقع mbc45
- حقيقة موقع mbc600
- حقيقة موقع biz4ap لمعرفة باسورد الواي فاي
- حقيقة موقع mbc900
- حقيقة موقع freefire 2021.com
- حقيقة موقع mbc13 لمعرفة كلمة سر وايميل الفيسبوك
- حقيقة موقع mbc14
- حقيقة موقع rob7ak لربح ايفون 12 برو ماكس مجانا
وبس كده ياصحبي ده كل حاجة بخصووص موضوع النهاردة حقيقة موقع mbc2020 . ارجو انك بعد ماقرأت الموضوع ماتصدقش الحاجات دى وماتمشيش وراها .. وخليك دايما عارف ان السماء لاتمطر اموالا ومحدش هيديك جنيه الا اما يكون مستفيد منك بعشرة جنيه .. لو استفدت من الموضوع ماتنساش تشيره مع صحابك يلا سلام .
الحمدلله ربحت 50 الف دولار من مسابقة الحلم 💵 يمكنك انت ايضا ربح 100 الف دولار 💵 بكل سهولة الاشتراك فى المسابقة اصبح مجانى 😍. بسرعة اكتب في جوجل 🔎 mbc2020 🔍 وادخل للموقع الاول الموقع 🔝 له مصداقية من جوجل ✅
الرجاء بعد الإنتهاء من نشر الرسالة بنجاح قم بالتسجيل ( اسمك و عنوانك ) فى الموقع التالى للتواصل معك وأستلام الشيك