ما هو موقع mbc600 | حقيقة موقع mbc600 | اربح 100 جيجا هدية بالاضافة الى 600 دقيقة لكل الشبكات

موقع mbc600 لربح 100 جيجا هدية بالأضافة الى 600 دقيقة لكل الشبكات



حقيقة موقع mbc600




صباح الخير ، في يوم من الايام في وقت من الاوقات في فترة من الفترات في سنة من السنين كنا قاعدين عالفيسبوك متجمعين لقينا كومنت منتشر جدا على وناس كتير بتشيره الكومنت بيقول : 

 {{لو عايز 100 جيجا نت و 600 دقيقة لكل الشبكات ~ -هقولك تعمل ايه- هتفتح جوجل تكتب فى البحث mpc600 وادخل اول موقع هتوصلك 100 جيجا مجانا  }} 


ومن هنا بدأ التساؤولات حول ماهو موقع mbc600 وهل فعلا تقدر تربح 1000 جيجا هدية بالاضافة الي 600 دقيقة لكل الشبكات  من خلاله ؟ . 
وبعد ماقام عدد من فريق موقع سكرين ميكس بالبحث عن الموضوع وعمل التجارب اللازمة قررنا نكتبلكم المقالة دى علشان نوضح فيها حقيقة موقع mbc 600 لربح 100 جيجا هدية بالأضافة الى 600 دقيقة لكل الشبكات

في الاول ياصاحبي لو انت واحد من اللي خدوا الرسالة وحطوها في 15 كومنت فيؤسفنى اقولك انك كده خلاص مابقتش صاحبي . ليه تعمل كده ؟ عقلك كان فين ياابراهيم صدقت انك تقدر تكسب 100 جيجا هدية عادى كده من اللا شيء 

 انا عارف ان الحياة صعبة والرصيد غالي بس ادينى عقلك . مين مجنون هيديك 100 جيجا و 600 دقيقة  من اللاشيء كده لا هو محدش هيديك 60 قرش اصلا من اللاشي ..  ياخسارة ياصاحبي حقيقي ياخسارة اتفضل ياباشا معايا اقولك حقيقية موقع mbc600 علشان ماتقعش في الغلط ده تانى بعد كده




بص يا سيدى وركز معايا لو عايز 100 جيجا نت  وكمان 600 دقيقة لكل الشبكات  هتفتح  جوجل وتكتب mpc600 وادخل اول موقع هتوصلك 100 جيجا فى ثوانى
mbc600




حقيقة موقع mbc600 facebook


شرح كيفية استخدام موقع mbc600



موقع mbc600 هو موقع من صفحة واحدة مبرمجة بطريقة بسيطة جدا اول مابتدخل عالموقع بتظهرلك رسالة بتقولك الان يمكنك الحصول على 100 جيجا هدية بالأضافة الى 600 دقيقة لكل الشبكات عن طريق موقعنا mbc600 كيف تعرفت على عرضنا ؟
وبيديك اربع اختيارات 

  1. فيسبوك
  2. واتساب
  3. جوجل
  4. الاصدقاء


ولما بتضغط على اى واحدة فيهم بيظهرلك سؤال تانى بيقولك ما هى المواقع التى تريد استخدام ال 100 جيجا بها ؟ بيديك اربع اختيارات 

  1. فيسبوك
  2. واتساب
  3. يوتيوب
  4. جميع ماسبق


وبعدها بيقولك اضغط هنا لكتابة رقم الموبايل مصحوب بكود الدولة وسواء كتبت رقم الموبايل او لا فيه ايقونه تحت مكتوب فيها الخطوة التالية لما بتضغط عليها بيحولك لصفحة مكتوب فيها 




تهانينا لقد حصلت على 100 جيجا مجانية + 600 دقيقة مجانا لكل الشبكات صالحة للاستخدام لمدة شهر
تبقى لك خطوة اخيرة لتفعيل الهدية

(الخــطوة الاخيرة)

انسخ الرسالة الموجودة في الاسفل وانشرها فى 15 تعليق فى الفيسبوك فى اماكن مختلفة -صفحات-جروبات


نسخ الرسالة

 بص يا سيدى وركز معايا لو عايز 100 جيجا نت  وكمان 600 دقيقة لكل الشبكات 
هتفتح  جوجل وتكتب mpc600 وادخل اول موقع هتوصلك 100 جيجا فى ثوانى 
قم بالضغط على زر تفعيل الهدية علما بأن لن يتم تفعيل الهدية بدون نشر الرسالة

↓↓↓↓

اضغط هنا لتفعيل الهدية

↑↑↑↑

اربح 100 جيجا هدية بالأضافة الى 600 دقيقة لكل الشبكات


خليني اقولك ياصاحبي وبكل ثقة ان مافيش حاجة اسمها ربح 100 جيجا هدية بالأضافة الى 600 دقيقة لكل الشبكات بدون مجهود ولا حتى حد هيديك ربع 100 وحدة . مافيش حاجة في الدنيا هتكسبها الا ما تكون قدمت قصادها حاجة فخليك ذكي وماتخليش حد يضحك عليك 

تعليقات المستخدمين في موقع mbc600

طبعا صاحب الموقع علشان يضيف جزء من المصداقية كده قالك اما اعمل شوية تعليقات وصور وهمية واضيفها علشان الناس تطمن وتنفذ المطلوب منها وبيتهألي باين جدا ان التعليقات الموجودة في الموقع كلها Fake 

مواقع اخري غير صادقة 


في حوالي 7 مواقع كلهم بيقدموا نفس الفكرة وهي فكرة النصب والاحتيال على المستخدم علشان كده احنا كتبنا مقالة عن كل موقع من المواقع دى علشان نحذر الناس منهم وده ودى كل المقالات الل يتم كتابتها عن المواقع دى 




وبس كده ياصحبي ده كل حاجة بخصووص موضوع النهاردة حقيقة موقع mbc600  . ارجو انك بعد ماقرأت الموضوع  ماتصدقش الحاجات دى وماتمشيش وراها .. وخليك دايما عارف ان السماء لاتمطر اموالا ومحدش هيديك جنيه الا اما يكون مستفيد منك بعشرة جنيه ..  لو استفدت من الموضوع ماتنساش تشيره مع صحابك يلا سلام .



لو عايز 100 جيجا نت و 600 دقيقة لكل الشبكات ~ -هقولك تعمل ايه- هتفتح جوجل تكتب فى البحث mpc600 وادخل اول موقع هتوصلك 100 جيجا مجانا
google-playkhamsatmostaqltradent