| خطير | احذر موقع bmb 9 ( حقيقة موقع bmb9.com لمعرفة من زار بروفايلك ) bmb9

الان يمكنك معرفة من زار بروفايلك بدون برامج وبطريقة مضمونه جدا وحصرية عن طريق موقعنا bmb9.com المجانى


حقيقة موقع bmb 9




صباح او مساء الخير حسب الوقت اللي بتقرأ فيه الموضوع ، ازيك ياصاحبي عامل ايه وحشتك مش كده ؟ انت كمان وحشتنى علشان كده رجعتلك النهاردة بموضوع جديد من مواضيع قسم التقنية وهو عن موقع bmb9 اللي انتشر مؤخرا على السوشيال ميديا وبنلاقيه في الفيسبوك على هيئة كومنت بيقول  : 

  فى موقع بسيط بيخليك تعرف مين بيزور بروفايلك اول ما يدخل حسابك بيوصلك اشعار ب اسمه - اكتب فى جوجل bmb9#com وادخل اول موقع يظهرلك - الموقع سهل دا وشغال زى الفل معايا  

ومن هنا بدأ الاستفسارات حول  ما هو bmb 9 وهل فعلا تقدر من خلاله تعرف مين زار بروفايلك ؟
وبعد ماقام عدد من فريق موقع سكرين ميكس  اللي هو انا بس بالبحث عن الموضوع وعمل التجارب اللازمة قررنا نكتبلكم المقالة دى علشان نوضح فيها حقيقة موقع bmb9.com لمعرفة مين زار بروفايلك


في البداية ياصاحبي لو انت واحد من اللي خدوا الرسالة وحطوها في 15 كومنت فيؤسفنى اقولك انك كده خلاص مابقتش صاحبي . ليه تعمل كده ؟ صدقت فعلا انك تقدر تعرف مين زار بروفايلك بالسهولة دى ؟ ..  ياخسارة ياصاحبي حقيقي ياخسارة بس ولايهمك انا سامحتك خلاص علشان الصحاب بيسامحوا بعض  تعالي معايا بقي اقولك حقيقية موقع bmb


 
   
bmb9 bmb 9 bmb bm bmb9#
bmb 9

 



حقيقة موقع bmb9com


شرح كيفية استخدام موقع bmb 9


موقع bmb9.com او bmb9 او bmb 9 او bmb او bm 9  هو موقع من صفحة واحدة مبرمجة بطريقة بسيطة جدا اول مابتدخل عالموقع بتظهرلك رسالة بتقولك :الان يمكنك معرفة من زار بروفايلك بدون برامج وبطريقة مضمونه جدا وحصرية عن طريق موقعنا bmb9.com المجانى وبيسألك سؤال بسيط 


كيف تعرفت علينا ؟ وبيديك 4 اختيارات



  1. فيسبوك
  2. واتساب
  3. جوجل
  4. الاصدقاء

وايا كان الاختيار اللي هتختاره هيحولك على صفحة تانية بيسألك فيها ويقولك ماذا تفضل ان يظهر لك فى الاشعارات ؟
  وبيديك 3 اختيارات



  1. اسم الزائر فقط
  2. اسم الزائر + وقت الزيارة
  3. اسم الزائر + وقت الزيارة + المدة التى قضاها في حسابك

وبغض النظر عن اختيارك فبعدها هيقولك اضغط هنا للتأكد انك انسان وليس ريبوت ولما تضغط هتظهرلك قايمة هيسألك فيها سؤال لطيف جدا وهو ( جمع كلمة بلد ) وصدقنى ايا كان اللي هتكتبه حتى لو كتبت محشي ورق عنب هيحولك على صفحة مكتوب فيها 


تهانينا لقد تم تفعيل التطبيق بنجاح
تبقى لك خطوة اخيرة وسيبدء ظهور الاشعارات عند دخول أى شخص لحسابك
(الخــطوة الاخيرة)
انسخ الرسالة الموجودة في الاسفل وانشرها فى 15 تعليق فى الفيسبوك فى اماكن مختلفة -صفحات-جروبات

نسخ الرسالة
  فى موقع بسيط بيخليك تعرف مين بيزور بروفايلك اول ما يدخل حسابك بيوصلك اشعار ب اسمه - اكتب فى جوجل bmb9#com وادخل اول موقع يظهرلك - الموقع سهل دا وشغال زى الفل معايا  
قم بالضغط على زر تفعيل الاشعارات علما بأن لن يتم ظهور الاشعارات بدون نشر الرسالة



↓↓↓↓↓↓↓↓
اضغط هنا لتفعيل الاشعارات الان
↑↑↑↑↑↑↑↑



شارك برأيك في تعليق


موقع bmb9.com لمعرفة من زار بروفايلك

  
وصدقنى مهما تنشر في التعليق على مواقع التواصل الاجتماعي مش هتقدر تعرف مين زار بروفايلك وهتبقي بتضيع وقت عالفاضي لان ببساطة ياصديقي حتى الان لايوجد على فيسبوك بما يسمي بمعرفة من زار بروفايلك وموقع bmb9 هو موقع غير صادق زيه زي كتير من المواقع وكل التطبيقات والمواقع اللي بتقدم خدمات زى دى هي مواقع غير صادقة والغرض من المواقع دى سرقة بياناتك واستخدامها وتقدر تقرأ المقالة دى علشان تعرف خطر استخدام المواقع اللي زى bmb9 -  bmb 9 - bmb9.com  (  كيفية حماية حسابك على الفيسبوك من الاختراق ) 
 

تعليقات المستخدمين في موقع bmb9 جوجل



فى موقع بسيط بيخليك تعرف مين بيزور بروفايلك اول ما يدخل حسابك بيوصلك اشعار ب اسمه - اكتب فى جوجل bmb9#com وادخل اول موقع يظهرلك - الموقع سهل دا وشغال زى الفل معايا
التعليقات المزيفة على موقع bmb 9 





طبعا صاحب الموقع علشان يضيف جزء من المصداقية كده قالك اما اعمل شوية تعليقات وصور وهمية واضيفها علشان الناس تطمن وتنفذ المطلوب منها وبيتهألي باين جدا ان التعليقات الموجودة في الموقع كلها Fake 

bmb 9 هكر



جاتلنا كتير من الاسئلة بخوصوص موقع bmb 9 ولكن اكتر سؤال كان بيتسئلنا هو هل موقع bmb9 هكر وخليني اقولك ياصاحبي انه مش هكر ومايقدرش يخترق جهازك ولكن يفضل حاول دايما تحمي نفسك وماتدخلش على المواقع اللي زي bmb لان جزء كبير جدا منهم ان ماكنش كلهم بيطلب منك تحط بياناتك زي رقم التليفون وبيتم استخدامهم في الترويج لعروض CPA ويسحب رصيد منك زى خدمات العاب اونلاين فودافون 


مواقع اخري غير صادقة



في مواقع كتير كلهم بيقدموا نفس الفكرة وهي فكرة النصب والاحتيال على المستخدم علشان كده احنا كتبنا مقالة عن كل موقع من المواقع دى علشان نحذر الناس منهم و دى كل المقالات اللي تم كتابتها عن المواقع دى 







وبس كده ياصحبي ده كل حاجة بخصووص موضوع النهاردة حقيقة موقع bmb 9.com  . ارجو انك بعد ماقرأت الموضوع وعرفت حقيقة معرفة مين زار بروفايلك انك ماتصدقش الحاجات دى وماتمشيش وراها . لو استفدت من الموضوع ماتنساش تشيره مع صحابك يلا سلام .
تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -