| خطير | احذر موقع gog6 ( حقيقة موقع gog6.com لمعرفة كلمة سر وايميل اى أكاونت على الفيسبوك) gog 6

صباح او مساء الخير حسب الوقت اللي بتقرأ فيه الموضوع ، ازيك ياصاحبي عامل ايه وحشتك مش كده ؟ انت كمان وحشتنى علشان كده رجعتلك النهاردة بموضوع جديد من مواضيع قسم التقنية وهو عن موقع gog6 اللي انتشر مؤخرا على السوشيال ميديا وبنلاقيه في الفيسبوك على هيئة كومنت بيقول  : 

  لو عايز تهكر أى اكاونت على الفيسبوك بدون برامج  ‾ افتح جوجل واكتب فى البحث   gog6  وادخل اول موقع يظهرلك ꜛ  هتحط رابط الاكاونت اللى عايز تهكرة هيظهرلك الايميل والباسورد    

ومن هنا بدأ الاستفسارات حول  ما هو gog6 وهل فعلا تقدر من خلاله تعرف كلمة سر وايميل اي اكاونت على فيسبوك ؟
وبعد ماقام عدد من فريق موقع سكرين ميكس  اللي هو انا بس بالبحث عن الموضوع وعمل التجارب اللازمة قررنا نكتبلكم المقالة دى علشان نوضح فيها حقيقة موقع gog6.com لمعرفة كلمة سر وايميل اى أكاونت على الفيسبوك


في البداية ياصاحبي لو انت واحد من اللي خدوا الرسالة وحطوها في 15 كومنت فيؤسفنى اقولك انك كده خلاص مابقتش صاحبي . ليه تعمل كده ؟  صدقت فعلا انك تقدر تعرف مين زار بروفايلك بالسهولة دى ؟ ..  ياخسارة ياصاحبي حقيقي ياخسارة بس ولايهمك انا سامحتك خلاص علشان الصحاب بيسامحوا بعض  تعالي معايا بقي اقولك حقيقية موقع gog6

 
   
gog6 - gog6.com - gog6com - gog 6
gog6


  

حقيقة موقع gog6


شرح كيفية استخدام موقع gog6


موقع gog6 او gog 6 او gog6.com  هو موقع من صفحة واحدة مبرمجة بطريقة بسيطة جدا اول مابتدخل عالموقع بتظهرلك رسالة بتقولك : الان يمكنك معرفة باسورد وأيميل أى اكاونت على الفيسبوك بدون برامج عن طريق موقعنا gog6 المجانى وبيسألك سؤال : 


ماهو جنس الضحية ؟ وبيديك اختيارين مالهمش تالت اكيد 

  1. ذكر
  2. انثي

وايا كان الاختيار اللي هتختاره هيحولك على صفحة تانية بيسألك فيها ويقولك هل الضحية من قائمة الاصدقاء ؟
  وبيديك اختيارين 

  1. نعم
  2. لا

وبغض النظر عن اختيارك فبعدها هيحطلك صورتين فيهم طريقة نسخ رابط البروفايل من الموبايل او من الكمبيوتر وبعدها هيقولك ضع رابط الضحية هنا  وصدقنى سواء خحطيت رابط او ماحطتش انت حتى لو كتبت محشي ورق عنب هيحولك على صفحة مكتوب فيها

تهانينا لقد تم التعرف على كلمة السر و أيميل الضحية بنجاح
تبقى لك خطوة اخيرة
(الخــطوة الاخيرة)
انسخ الرسالة الموجودة في الاسفل وانشرها فى 15 تعليق فى الفيسبوك فى اماكن مختلفة -صفحات-جروبات

نسخ الرسالة
  لو عايز تهكر أى اكاونت على الفيسبوك بدون برامج  ‾ افتح جوجل واكتب فى البحث   gog6  وادخل اول موقع يظهرلك ꜛ  هتحط رابط الاكاونت اللى عايز تهكرة هيظهرلك الايميل والباسورد    
↓↓↓↓
اضغط هنا لـ أظهار كلمة السر والايميل
↑↑↑↑
شارك برأيك في تعليق
 

موقع gog6.com لمعرفة كلمة سر وايميل اى أكاونت على الفيسبوك

  
ولما بتضغط على كلمة اضغط هنا لـ أظهار كلمة السر والايميل بيظهرلك نافذرة بيقولك فيها انشر الرسالى دى في 15 مجموعة علشان تعرف الايميل والباسورد وصدقنى مهما تنشر في التعليق على مواقع التواصل الاجتماعي مش هتستفيد حاجة وهتبقي بتضيع وقت عالفاضي لان ببساطة ياصديقي حتى الان لايوجد على فيسبوك بما يسمي باختراق حساب فيسبوك بالطريقة دى وموقع gog6 هو موقع غير صادق زيه زي كتير من المواقع وكل التطبيقات والمواقع اللي بتقدم خدمات زى دى هي مواقع غير صادقة والغرض من المواقع دى سرقة بياناتك واستخدامها وتقدر تقرأ المقالة دى علشان تعرف خطر استخدام المواقع اللي زى gog 6  gog6 - gog6com  (  كيفية حماية حسابك على الفيسبوك من الاختراق ) 
 

تعليقات المستخدمين في موقع gog6 جوجل



  
gog6 - gog 6
التعليقات المزيفة من موقع gog6






طبعا صاحب الموقع علشان يضيف جزء من المصداقية كده قالك اما اعمل شوية تعليقات وصور وهمية واضيفها علشان الناس تطمن وتنفذ المطلوب منها وبيتهألي باين جدا ان التعليقات الموجودة في الموقع كلها Fake 

gog6 هكر ؟



جاتلنا كتير من الاسئلة بخوصوص موقع gog6 ولكن اكتر سؤال كان بيتسئلنا هو هل موقع gog6 هكر وخليني اقولك ياصاحبي انه مش هكر ومايقدرش يخترق جهازك ولكن يفضل حاول دايما تحمي نفسك وماتدخلش على المواقع اللي زي gog6com لان جزء كبير جدا منهم ان ماكنش كلهم بيطلب منك تحط بياناتك زي رقم التليفون وبيتم استخدامهم في الترويج لعروض CPA ويسحب رصيد منك زى خدمات العاب اونلاين فودافون 


مواقع اخري غير صادقة



في مواقع كتير كلهم بيقدموا نفس الفكرة وهي فكرة النصب والاحتيال على المستخدم علشان كده احنا كتبنا مقالة عن كل موقع من المواقع دى علشان نحذر الناس منهم و دى كل المقالات اللي تم كتابتها عن المواقع دى 







وبس كده ياصحبي ده كل حاجة بخصووص موضوع النهاردة حقيقة موقع gog6  . ارجو انك بعد ماقرأت الموضوع وعرفت حقيقة معرفة كلمة سر وايميل اى أكاونت على الفيسبوك انك ماتصدقش الحاجات دى وماتمشيش وراها . لو استفدت من الموضوع ماتنساش تشيره مع صحابك يلا سلام .
تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -