| خطير | احذر موقع nbb2@com ( حقيقة موقع nbb2com لقراءة رسائل الواتساب بدون علم صاحبها ) nbb2

صباح او مساء الخير حسب الوقت اللي بتقرأ فيه الموضوع ، ازيك ياصاحبي عامل ايه وحشتك مش كده ؟ انت كمان وحشتنى علشان كده رجعتلك النهاردة بموضوع جديد من مواضيع قسم التقنية وهو عن موقع nbb2com اللي انتشر مؤخرا على السوشيال ميديا وبنلاقيه في الفيسبوك على هيئة كومنت بيقول  : 


انا لقيت موقع بيخليك تشوف رسائل اى شخص على الواتسـاب من خلال رقمة – اكتب فى بحث جوجل nbb2com وهيظهرلك اول موقع – هيطلب منك رقم الموبايل المرتبط بالواتساب و هيعرض لك رسائل الواتساب كلها 


ومن هنا بدأت الاستفسارات حول  ما هو nbb2com وهل فعلا تقدر من خلاله تقرأ رسائل الواتساب بدون علم صاحبها
وبعد ماقام عدد من فريق موقع سكرين ميكس  اللي هو انا بس بالبحث عن الموضوع وعمل التجارب اللازمة قررنا نكتبلكم المقالة دى علشان نوضح فيها حقيقة موقع nbb2@com لقراءة رسائل الماسنجر بدون علم صاحبها


في البداية ياصاحبي لو انت واحد من اللي خدوا الرسالة وحطوها في 15 كومنت فيؤسفنى اقولك انك كده خلاص مابقتش صاحبي . ليه تعمل كده ؟  صدقت فعلا انك تقدر تقرأ رسايل الواتساب بدون علم صاحبها ؟ ..  ياخسارة ياصاحبي حقيقي ياخسارة بس ولايهمك انا سامحتك خلاص علشان الصحاب بيسامحوا بعض  تعالي معايا بقي اقولك حقيقية موقع nbb2@com

   
    
nbb2.com - nbb2com - nbb2@com - nbb2 - nbb 2 - nbb#2
nbb2@com - nbb2com - nbb2.com




حقيقة موقع nbb2@com


شرح كيفية استخدام موقع nbb2


nbb2com او nbb او nbb2@com او nbb2 او 2nbb  كلها مسميات لموقع واحد مكون من صفحة واحدة مبرمجة بطريقة بسيطة جدا اول مابتدخل عالموقع بتظهرلك رسالة بتقولك : الان يمكنك قراءة رسائل أى شخص على الوتساب عن طريق رقم الموبايل بدون معرفة صاحبها من خلال موقعنا nbb2.com وبعدها بيسألك سؤال بسيط 


هل الرقم من جهات الاتصال الخاصة بك ؟ وبيديك اختيارين 

  1. نعم
  2. لا

وايا كان الاختيار اللي هتختاره هيحولك على صفحة تانية بيسألك فيها ويقولك حدد مدة الرسائل المطلوب عرضها ؟
  وبيديك 3 اختيارات



  1. رسائل اخر شهر
  2. رسائل اخر 6 شهور
  3. جميع الرسائل منذ انشاء الحساب

وايا كان الاختيار اللي هتختاره هيحولك على صفحة يقولك فيها قم بنسخ رقم الموبايل المرتبط بالواتساب المراد قراءة رسائله وضعه بالاسفل

←←←ضع رقم الموبايل هنا →→→

وسواء كتبت رقم الموبايل او او كتبت محشي ورق عنب او كتبت اى حاجة عموما فالموقع متبرمج انه يحولك على صفحة مكتوب فيها 


تهانينا لقد تم الوصول رسائل الواتســـاب بنجاح
تبقى لك خطوةاخيرة يجب تنفيذها لكى نعرض لك الرسائل المطلوبة
(الخــطوة الاخيرة)
اضغط مشاركة في الاسفل وشاركها فى 5 مجموعات مختلفة - علي واتس اب
مشـــــــــــاركــــــــة
قم بالضغط على زر عرض رسائل الواتسـاب الان علما بأن لن تظهر لك الرسائل بدون نشر الرسالة فى المجموعات
↓↓↓↓
عــرض رســائــل الواتسـاب الان




موقع nbb2@com لقراء رسائل الواتساب بدون علم صاحبها 


  
ولما بتضغط على عرض رسائل واتساب الان بيظهرلك نافذة مكتوب فيها  المعذرة : لن نعرض لك الرسائل حتى تقوم بنشر الرساله فى 5 مجموعات مختلفه على الواتساب وسواء شاركت الرابط او لا بعدها لما تضغط على عرض رسائل الواتساب هيتفتحلك اعلانات CPA وهي دى مصدر ربح صاحب الموقع انما هل فعلا هتقدر تقرأ رسائل الواتساب بتاعة شخص اخر ؟ اكيد لا ياصاحبي مافيش حاجة اسمها كده  
 
وصدقنى مهما تنشر في التعليق على مواقع التواصل الاجتماعي مش هتقدر تقرأ رسايل الواتساب وهتبقي بتضيع وقت عالفاضي لان ببساطة ياصديقي حتى الان لايوجد على واتساب بما يسمي بقراء رسائل الواتساب بدون علم صاحبها  وموقع nbb2com هو موقع غير صادق زيه زي كتير من المواقع وكل التطبيقات والمواقع اللي بتقدم خدمات زى دى هي مواقع غير صادقة والغرض من المواقع دى سرقة بياناتك واستخدامها وتقدر تقرأ المقالة دى علشان تعرف خطر استخدام المواقع اللي زى nbb#2  nbb 2 - nbb2@com  (  كيفية حماية حسابك على الفيسبوك من الاختراق ) 
 

تعليقات المستخدمين في موقع nbb2@com جوجل



   
موقع nbb2 - موقع nbb2com - موقع nbb2@com
حقيقة NBB@2







طبعا صاحب الموقع علشان يضيف جزء من المصداقية كده قالك اما اعمل شوية تعليقات وصور وهمية واضيفها علشان الناس تطمن وتنفذ المطلوب منها وبيتهألي باين جدا ان التعليقات الموجودة في الموقع كلها Fake 

nbb2@com هكر



جاتلنا كتير من الاسئلة بخصوص موقع nbb2com ولكن اكتر سؤال كان بيتسئلنا هو هل موقع nbb2.com هكر ؟ وخليني اقولك ياصاحبي انه مش هكر ومايقدرش يخترق جهازك ولكن لما بتضغط على كلمة عرض رسائل الواتساب الان بيتفتح معاك اعلان - الاعالن ده ممكن بنسبة كبيرة يخصم من رصيد موبايلك  علشان كده حاول دايما تحمي نفسك وماتدخلش على المواقع اللي زي nbb#2 لان جزء كبير جدا منهم ان ماكنش كلهم بيطلب منك تحط بياناتك زي رقم التليفون وبيتم استخدامهم في الترويج لعروض CPA ويسحب رصيد منك زى خدمات العاب اونلاين فودافون 


مواقع اخري غير صادقة



في مواقع كتير كلهم بيقدموا نفس الفكرة وهي فكرة النصب والاحتيال على المستخدم علشان كده احنا كتبنا مقالة عن كل موقع من المواقع دى علشان نحذر الناس منهم و دى كل المقالات اللي تم كتابتها عن المواقع دى 







وبس كده ياصحبي ده كل حاجة بخصووص موضوع النهاردة حقيقة موقع nbb2.com  . ارجو انك بعد ماقرأت الموضوع وعرفت حقيقة موقع nbb2 لقراءة رسائل الواتساب انك ماتصدقش الحاجات دى وماتمشيش وراها . ولو حبيت تشير الموضوع مع صحابك علشان تحذرهم هكون شاكر جدا يلا سلااااااااااااااااااااام
تعليقات
6 تعليقات
إرسال تعليق
  • Unknown
    Unknown 14 فبراير 2022 في 2:26 ص

    شكرا كتير علي النصيحة

    إرسال ردحذف
    • STARK
      STARK 16 فبراير 2022 في 4:47 م

      العفو ياغالي

      حذف
    • غير معرف 9 مارس 2022 في 8:06 ص

      بس انا فعلا زوجتي عرفت تقرا رسائل الواتساب بتاعتي وقالت لي على معلومات ف رسائل محدش يعرفها غيري وجهازي ببصمة الصباع على فكره ومش بيفارقني ، نفسي اعرف ايه هو التطبيق أو الطريقه اللي اعرف اقرا بيها رسائل الواتس بتاعتها

      إرسال ردحذف
      • Unknown
        Unknown 9 مارس 2022 في 2:26 م

        إرسال ردحذف
        • غير معرف 15 مايو 2022 في 5:14 ص

          ممكن تكون بصمتك وأنت نائم حط رقم سري افضل وعن تجربه او بصمة الوجه لانه مش هينفع يفتح التلفون غير لمه تكون عيونك مفتوحه

          حذف
        • الزعيم الحر
          الزعيم الحر 15 مارس 2022 في 3:36 ص

          جزاك الله خير الجزاء وبارك عليك

          إرسال ردحذف



          وضع القراءة :
          حجم الخط
          +
          16
          -
          تباعد السطور
          +
          2
          -