| خطير | احذر موقع bbx3 ( حقيقة موقع bbx3.com لمعرفة من زار بروفايلك ) bbx 3

صباح او مساء الخير حسب الوقت اللي بتقرأ فيه الموضوع ، ازيك ياصاحبي عامل ايه وحشتك مش كده ؟ انت كمان وحشتنى علشان كده رجعتلك النهاردة بموضوع جديد من مواضيع قسم التقنية وهو عن موقع bbx3 اللي انتشر مؤخرا على السوشيال ميديا وبنلاقيه في الفيسبوك على هيئة كومنت بيقول  : 
  عايز تعرف  مين بيراقب البروفايل بتاعك على الفيسبوك وبيدخل عليه كل يوم ~ هتفتح  جوجل وتكتب فى البحث   bbx3com  هتدخل اول موقع يظهرلك وتفعل الاشعارات  

ومن هنا بدأ الاستفسارات حول  ما هو bbx3 وهل فعلا تقدر من خلاله تعرف مين زار بروفايلك ؟
وبعد ماقام عدد من فريق موقع سكرين ميكس  اللي هو انا بس بالبحث عن الموضوع وعمل التجارب اللازمة قررنا نكتبلكم المقالة دى علشان نوضح فيها حقيقة موقع bbx3.com لمعرفة مين زار بروفايلك


في البداية ياصاحبي لو انت واحد من اللي خدوا الرسالة وحطوها في 15 كومنت فيؤسفنى اقولك انك كده خلاص مابقتش صاحبي . ليه تعمل كده ؟  صدقت فعلا انك تقدر تعرف مين زار بروفايلك بالسهولة دى ؟ ..  ياخسارة ياصاحبي حقيقي ياخسارة بس ولايهمك انا سامحتك خلاص علشان الصحاب بيسامحوا بعض  تعالي معايا بقي اقولك حقيقية موقع bbx


 
   
   
 
bbx3 bbx 3 موقع bbx3
BBX3

 



حقيقة موقع bbx3com


شرح كيفية استخدام موقع bbx 3


موقع bbx3.com او bbx او bbx 3 او bxb3 او bx3  هو موقع من صفحة واحدة مبرمجة بطريقة بسيطة جدا اول مابتدخل عالموقع بتظهرلك رسالة بتقولك :الان يمكنك معرفة من زار بروفايلك بدون برامج وبطريقة مضمونه جدا وحصرية عن طريق موقعنا bmb9.com المجانى وبيسألك سؤال بسيط 


كيف تعرفت علينا ؟ وبيديك 4 اختيارات



  1. فيسبوك
  2. واتساب
  3. جوجل
  4. الاصدقاء

وايا كان الاختيار اللي هتختاره هيحولك على صفحة تانية بيسألك فيها ويقولك ماذا تفضل ان يظهر لك فى الاشعارات ؟
  وبيديك 3 اختيارات



  1. اسم الزائر فقط
  2. اسم الزائر + وقت الزيارة
  3. اسم الزائر + وقت الزيارة + المدة التى قضاها في حسابك

وبغض النظر عن اختيارك فبعدها هيقولك اضغط هنا للتأكد انك انسان وليس ريبوت ولما تضغط هتظهرلك قايمة هيسألك فيها سؤال لطيف جدا وهو ( جمع كلمة بلد ) وصدقنى ايا كان اللي هتكتبه حتى لو كتبت محشي ورق عنب هيحولك على صفحة مكتوب فيها 

تهانينا لقد تم تفعيل التطبيق بنجاح
تبقى لك خطوة اخيرة وسيبدء ظهور الاشعارات عند دخول أى شخص لحسابك
(الخــطوة الاخيرة)
انسخ الرسالة الموجودة في الاسفل وانشرها فى 15 تعليق فى الفيسبوك فى اماكن مختلفة -صفحات-جروبات
نسخ الرسالة
  عايز تعرف  مين بيراقب البروفايل بتاعك على الفيسبوك وبيدخل عليه كل يوم ~ هتفتح  جوجل وتكتب فى البحث   bbx3com  هتدخل اول موقع يظهرلك وتفعل الاشعارات  
قم بالضغط على زر تفعيل الاشعارات علما بأن لن يتم ظهور الاشعارات بدون نشر الرسالة
↓↓↓↓↓↓↓↓
اضغط هنا لتفعيل الاشعارات الان
↑↑↑↑↑↑↑↑

موقع BBX#3 لمعرفة من زار بروفايلك

  
وصدقنى مهما تنشر في التعليق على مواقع التواصل الاجتماعي مش هتقدر تعرف مين زار بروفايلك وهتبقي بتضيع وقت عالفاضي لان ببساطة ياصديقي حتى الان لايوجد على فيسبوك بما يسمي بمعرفة من زار بروفايلك وموقع bmb9 هو موقع غير صادق زيه زي كتير من المواقع وكل التطبيقات والمواقع اللي بتقدم خدمات زى دى هي مواقع غير صادقة والغرض من المواقع دى سرقة بياناتك واستخدامها وتقدر تقرأ المقالة دى علشان تعرف خطر استخدام المواقع اللي زى bbx3  bbx 3 - BBX3com  (  كيفية حماية حسابك على الفيسبوك من الاختراق ) 
 

تعليقات المستخدمين في موقع bbx3 جوجل



عايز تعرف  مين بيراقب البروفايل بتاعك على الفيسبوك وبيدخل عليه كل يوم ~ هتفتح  جوجل وتكتب فى البحث   bbx3com  هتدخل اول موقع يظهرلك وتفعل الاشعارات
التعليقات المزيفة على موقع bbx3





طبعا صاحب الموقع علشان يضيف جزء من المصداقية كده قالك اما اعمل شوية تعليقات وصور وهمية واضيفها علشان الناس تطمن وتنفذ المطلوب منها وبيتهألي باين جدا ان التعليقات الموجودة في الموقع كلها Fake 

bbx3 هكر



جاتلنا كتير من الاسئلة بخصوص موقع bbx 3 ولكن اكتر سؤال كان بيتسئلنا هو هل موقع bBx3 هكر وخليني اقولك ياصاحبي انه مش هكر ومايقدرش يخترق جهازك ولكن يفضل حاول دايما تحمي نفسك وماتدخلش على المواقع اللي زي bbx#3 لان جزء كبير جدا منهم ان ماكنش كلهم بيطلب منك تحط بياناتك زي رقم التليفون وبيتم استخدامهم في الترويج لعروض CPA ويسحب رصيد منك زى خدمات العاب اونلاين فودافون 


مواقع اخري غير صادقة



في مواقع كتير كلهم بيقدموا نفس الفكرة وهي فكرة النصب والاحتيال على المستخدم علشان كده احنا كتبنا مقالة عن كل موقع من المواقع دى علشان نحذر الناس منهم و دى كل المقالات اللي تم كتابتها عن المواقع دى 







وبس كده ياصحبي ده كل حاجة بخصووص موضوع النهاردة حقيقة موقع BBX#3  . ارجو انك بعد ماقرأت الموضوع وعرفت حقيقة معرفة مين زار بروفايلك انك ماتصدقش الحاجات دى وماتمشيش وراها . لو استفدت من الموضوع ماتنساش تشيره مع صحابك يلا سلام .
تعليقات
6 تعليقات
إرسال تعليق
  • Unknown
    Unknown 9 فبراير 2022 في 3:16 ص

    جزاكم الله كل خير

    إرسال ردحذف
    • STARK
      STARK 9 فبراير 2022 في 3:46 ص

      شكرا اخي بارك الله فيك

      حذف
    • Unknown
      Unknown 11 مارس 2022 في 10:22 ص

      انت جميل... براڤو عليك

      إرسال ردحذف
      • Unknown
        Unknown 25 مارس 2022 في 11:11 م

        جزاكم الله خيرا وبارك الله فيكم ورفع قدركم في الدارين ويجعله في ميزان حسناتكم ولكن اللي دخل ونشر يعمل ايه؟؟؟

        إرسال ردحذف
        • Unknown
          Unknown 14 أبريل 2022 في 9:34 ص

          شكرا جزيلا

          إرسال ردحذف
          • غير معرف 16 يونيو 2022 في 12:14 ص

            عاش يا صحبي وربنا يجعل عمل الخير ده ف ميزان حسناتك

            إرسال ردحذف



            وضع القراءة :
            حجم الخط
            +
            16
            -
            تباعد السطور
            +
            2
            -