معنى ارمي ( معنى bts ) معنى كلمة army

STARK

اخر تحديث :

ارمي

صباح الخير . في يوم من الايام في وقت من الاوقات في فترة من الفترات في سنة من السنين كنت بتصفح موقع صديقي العزيز BTS TODAY وجه في بالي اكتب موضوع عن معنى كلمة army لان لقيت ناس كتير بتسأل معنى bts خصوصا بعد الانتشار الكبير لارمي Bts مؤخرا على السوشيال ميديا بس قبل ماقولك ما معنى ارمي حابب اقترح عليك تاخد جولة سريعة في قسم المعانى اللي من خلاله تقدر تعرف معانى لاشهر الكلمات الموجودة في حياتنا اليومية بشكل عام وعلى السوشيال ميديا بشكل خاص المهم علشان ماطولش عليك يلا بينا نعرف من هم الارمي

معني ارمي

معنى bts بالعربي

اختصار bts له معنيين مشهورينعند الشباب الكوري اللي بيسمع bts
اول معني : Bangtan Sonyeondan او Bulletproof Boy Scouts ومعناها فتيان بانقتان او الكشافة المضادة للرصاص
تانى معني : Beyond the Scenes والمقصود بيه هنا انه هما تجاوزوا الحدود يعنى عملوا كل حاجة حلوة ومافيش حاجة تانية تتعمل طيب مين هما bts وظهروا امتي وليه هما مشهورين كده ؟

من هم bts

bts هي فرقة غنائية كورية مكونة من7 اشخاص تأسست عام 2010 في مدينة سول عاصمة كورياالجنوبية وظهرت لاول مرة على الساحة في عام 2013 تحت شركة بيغ هيت إنترتينمنت والجدير بالذكر ان النهاردة فرقة bts اشهر فرقة غنائية والاكثر استماعا حول العالم وحفلاتها بيحضرها مئات الآلآف الاشخاص واغانيها على اليوتيوب تجاوزت مليارات المشاهدات وطبعا زي اي فرقة غنائيةلازم يكون ليها جيش من المعجبين ودول بقي اسمهم " الارمي "

معنى كلمة army

الارمي ( Army ) ياصديقي هو اختصار لكلمة Adorable Representative M.C for Youth واللي بتترجم حرفيا الي الممثلين الرائعين للشباب وكلمة ارمي هي خاصة فقط بفرقة BTS . والجدير بالذكر ان كل فرقة كيبوب ليها اسم مميز للفانز بتاعها يعنى زى مالفانز بتوع Bts اسمهم ارمي فالفانز بتوع فرقة EXO اسمهم EXO_L والفانز بتوع فرقة بلك بينك اسمهم بلينك وهكذا كل فرقة من فرق الكيبوب ليهم اسم مميز للفانز بتاعها

من هو قائد فرقة bts

قائد فرقة bts وهو رابرالفرقة ويعتبرمؤسس الفرقة وهو اللي كتب كلمات اول اغنية للفرقة No more dreams والإسم الحقيقي له كيم نامنجون وهو من مواليد 12/9/1994 من مدينة سيول عاصمة كوريا الجنوبية وبيتكلم انجلش بطلاقة واتقان كبير جدا .

اسماء فرقة bts

معنى كلمة ارمي بالكوري - معنى الارمي - army معنى

فرقة bts

كيم سوك جين (Kim Seok Jin)
جونق هوسوك ( Jung Ho-seok)
بارك جيمين (Park Jimin)
جيون جونقوك (Jeon JungKook)
كيم نام جون (Kin Nam Joon)
كيم تاي هيونق (Kim Tae Hyung)
مين يونجي ( Min Yoon Gi)

من هم الساسنغ

اما بخصوص الساسنغ فـ دول المعجبين الاوفر اللي عندهم استعداد يعملوا اى حاجة حرفيا علشان الفرقة اللي بيحبوها على بمعنى ان عندهم استعداد يموتوا حرفيا علشان الفرقة وممكن يحاربوا ويعملوا اى حاجة في سبيل الفرقة اللي بيحبوها وغالبا الساسنغ بيبقوا مكروهين في مجتمع الكيبوب من الفانز الحقيقين وبس كده ياصاحبي ده كان كل حاجة بخصوص معنى كلمة ارمي bts ، وبما انك خلاص عرفت معنى الارمي ماتنساش تبقي تعرف معنى كلاون في الكيبوب يلا سلااااااااااااااااام

معانى كلمات منتشرة على السوشيال ميديا

تعديل المقال

الأقسام يعنى ايه

مقالات قد تهمك

تعليقات

إرسال تعليق

أقسام الوصول السريع ( مربع البحث )