يعنى ايه
0

معنى ويرد ( معنى weird ) معنى ويرد في السوشيال ميديا

صورة
STARK
اخر تحديث :

صباح او مساء الخير حسب الوقت اللي بتقرأ فيه الموضوع ، ازيك ياصاحبي عامل ايه وحشتك مش كده ؟ انت كمان وحشتنى علشان كده رجعتلك النهاردة بموضوع جديد من مواضيع قسم المعانى وهو معنى ويرد ولو انت اول مرة تزورنا في سكرين ميكس يبقي اسمحلي اقترح عليك تاخد جولة سريعة في قسم المعانى واللي هتلاقي فيه معانى لكلمات بتقابلها يوميا على السوشيال ميديا وبقت متداولة بين الشباب زي نرم و سيمب و صورم و توكسيك وغيرها كتير من المعانى فبنصحك بعد ماتعرف معنى ويرد في السوشيال ميديا تدخل قسم المعانى وتقرأ فيه شوية المهم علشان ماطولش عليك يلا بينا نعرف معنى weird



معنى ويرد - ويرد - معنى ويرد في السوشيال ميديا
معنى كلمة ويرد

معنى ويرد

كلمة ويرد هيكلمة انجليزية الاصل تكتب ( weird ) ومعناها غريب او مريب او مثيرللشك وانتشرت كلمة ويرد في الفترة الاخيرة على السوشيال ميديا بين الشباب وبقي كل ماحد يعمل حاجة غريبة او غير مألوفة  التانى يقوله ياسطى ايه ده انت ويرد اوي وسبب انتشار كلمة weird هو جروب تم انشاءه في 2020 اسمه weird life  

جروب Weird Life على الفيسبوك 

اما بالنسبة لجرروب  Weird Life ده جروب على الفيسبوك فكرته ان كل واحد يحكي اكتر موقف غريب حصل له ويسأل الناس حد حصل معاه موقف ويرد زى ده ولا انا بس ؟ طبعا في الاول كانت الحكايات منطقية وغريبة لكن دوام الحال من الحال بعد انضمام الاندرايدج والاتنشن للجروب وبعد ماطلعت جروبات كتير بنفس الفكرة بقي في كمية تأليف لايتحملها بشر والفكرة اتحرقت 
 وبس كده ياصاحبي ده كان كل حاجة بخصوص معنى ويرد في السوشيال ميديا لو حابب تعرف معانى لكلمات اكتر ماتنساش تبقي تاخد جولة في قسم المعانى في اول المقالة زي ماتفقنا يلا سلااااااااااااااام . 

تعديل المقال

تابعنا على جوجل نيوز

قم بمتابعة موقعنا على جوجل نيوز للحصول على اخر الاخبار والمشاركات والتحديثات ..

متابعة
الأقسام

مقالات قد تهمك

تعليقات