يعنى ايه نيرد ( معنى كلمة Nerd ) كيف تصبح نيرد

 Nerd 


معنى كلمة Nerd


صباح الخير ، في يوم من الايام في وقت من الاوقات في فترة من الفترات في سنة من السنين كنت قاعد مع صديقي العزيز وبنتناقش في امور الحياة لقيته بيقولي عارف ياض ياصاحب موقع سكرين ميكس انت شخص نيرد اوى فسألته يعنى ايه نيرد ياصاحبي قالي روح شوف قسم المعانى في سكرين ميكس علشان تعرف وبعد ماخدت جولة سريعة في قسم المعانى عرفت معنى كلمة نيرد و نرم وظظظ و نودز و لول وكل الكلام اللي بنشوفه على السوشيال ميديا الفترة دى وانا جايلك النهاردة ياصاحبي علشان اقولك معنى كلمة Nerd او مين هو الشخص النيرد وازاى تبقي نيرد 



معنى كلمة نيرد
شخص نيرد 






معنى Nerd بالانجليزى 


لو جيت تترجم كلمة Nerd في ترجمة جوجل هيطلع معناها مجتهد وتقدر تتأكد من كلامي من هنا . اتأكدت يااصحبي ؟ للدرجادى مافيش ثقة بينا ماشىي تشكر ياصاحبي ولكن هل ده المقصود بالشخص النيرد فعلا ؟ ماتيجي نشوف 


معنى كلمة نيرد 


المقصود بالنيرد ياصاحبي هو الشخص المجتهد فعلا زي الولد اللي فالصورة فوق كده ولكن مش كل مجتهد نيرد ومش كل نيرد مجتهد . فاهم حاجة ؟ ولا انا بصراحة 
بص ياصاحبي انا هقولك شوية مواصفات تعرف بيها الشخص النيرد علشان لو قابلته في اى مكان تعرفه .. ورقة وقلم واكتب معايا 


مواصفات الشخص النيرد 



  1. منعزل عن الكوكب 
  2. يعشق الوحدة ( نفس المعنى ) 
  3. ليس له اصدقاء ( نفس المعنى والله ) 
  4. يكره السوشيال ميديا 
  5. مابيكلمش بنات 
  6. دايما فاكر نفسه اذكي واحد في الكوكب
  7. بيحب الرياضيات والمعادلات 
  8. نباتى : مابيحبش اللحوم 
  9. بيلبس نضارة كعب كوباية 
  10. بيسرح شعره على جنب 
  11. بيحب يذاكر كتير كتير اوى كتير جدا كتير بشكل مريب 
  12. بيحب الالعاب ودايما بيلعب فردى 
  13. بيلبس دايما قميص كاروهات  وبنطلون وبيقفل اول زرار للقميص
  14. جزء كبير من النيردات بيحبوا يلبسوا جزم مش كوتشيات ولكن ده مايمنعش ان فيه فئة قليلة بتلبس كوتشيات 

الفرق بين النرم والنيرد 


النرم ده ياصاحبي هو الشخص القديم اللي اتحشر في 2007 ولو حابب تعرف اكتر عن معنى كلمة نرم ومواصافت الشخص النرم فتقدر تعرف كل المعلومات : من هنا وتقارن بينه وبين النيرد

هل يمكن ان يكون الشخص نيرد ونرم في نفس الوقت 


اجل ياسيدي يمكن ان يكون الشخص نرم ونيرد في نفس الوقت ولو ده حصل في  دى تبقي مصيبة ولو لاقيت شخص قابلت شخص كده حاول تاخد بـ ايده وتساعده على المحنة اللي هو فيها 


كيف تصبح شخص نيرد ( ازاى ابقي نيرد ) 


  • ابعد عن صحابك ده لو كان ليك صحاب يعنى 
  • امسح كل حاجة تربطك بالسوشيال ميديا 
  • روح اشتري نضارة كعب كوباية والبسها 
  • البس قميص واقفل اول زرار 
  • احضر جميع المحاضرات والدروس وماتفوتش ولا محاضرة 
  • اوعي تدي المحاضرات لزمايلك
  • اوعي تكلم بنات 
  • اشتري كمبيوتر ( PC ) او بلاي ستيشن وحمل العاب كتير 
  • اتفرج على انميات غريبة  
  •  ذاكر كتير اوى كتير جدا كتير اوفر 
  • ذاكر تانى علشان انت ماذاكرتش كويس اولاني 
  • خلص دراسة وحضر ماجيستر ودكتوراة من جامعة هارفارد 
  • واخيرا لو ربنا كرمك ولقيت بنوتة نرداية زيك كده اتجوزها وخلفوا نيردات صغيرين يملوا علينا الكوكب  


وبس كده ياصاحبي ده كان معنى نيرد وازاى تبقي نيردي لو عجبك الموضوع شيره مع صحابك النيردات وماتنساش تبقي تاخد جولة سريعة في قسم المعانى زي ماتفقنا يلا سلام 




تعليقات
تعليق واحد
إرسال تعليق
  • Unknown
    Unknown 17 نوفمبر 2021 في 9:51 م

    ضحكت

    إرسال ردحذف



    وضع القراءة :
    حجم الخط
    +
    16
    -
    تباعد السطور
    +
    2
    -