( خـــــطـــر ) كشف حقيقة موقع 9hkr لمعرفة ايميل وباسورد فيسبوك
STARK
اخر تحديث :
9hkr
صباح او مساء الخير حسب الوقت اللي بتقرأ فيه الموضوع ، ازيك ياصاحبي عامل ايه وحشتك مش كده ؟ انت كمان وحشتنى علشان كده رجعتلك النهاردة بموضوع جديد من مواضيع قسم التقنية وهو عن موقع 9hkr اللي انتشر مؤخرا على السوشيال ميديا وبنلاقيه في الفيسبوك على هيئة كومنت بيقول : اذا كنت تريد تهكير أى اكاونت على الفيسبوك بدون برامج , افتح جوجل واكتب فى البحث 9hkr وادخل اول موقع يظهرلك ꜛ ثم ضع رابط الاكاونت سوف يظهر الايميل والباسورد ومن هنا بدأ الاستفسارات حول ما هو 9hkr وهل فعلا تقدر من خلاله تعرف كلمة سر وايميل اي اكاونت على فيسبوك وبعد ماقام عدد من فريق موقع سكرين ميكس اللي هو انا بس بالبحث عن الموضوع وعمل التجارب اللازمة قررنا نكتبلكم المقالة دى علشان نوضح فيها حقيقة موقع 9hkr لمعرفة كلمة سر وايميل اى أكاونت على الفيسبوك .... في البداية ياصاحبي لو انت واحد من اللي خدوا الرسالة وحطوها في 15 كومنت فيؤسفنى اقولك انك كده خلاص مابقتش صاحبي . ليه تعمل كده ؟ صدقت فعلا انك تقدر تعرف مين زار بروفايلك بالسهولة دى ؟ .. ياخسارة ياصاحبي حقيقي ياخسارة بس ولايهمك انا سامحتك خلاص علشان الصحاب بيسامحوا بعض تعالي معايا بقي اقولك حقيقية 9hkr facebook
9hkr
اضغط هنا لاظهار الايميل وكلمة السر
الفضول ياصاحبي الفضول هو السبب في اللي احنا فيه دلوقتى وطبعا انت اول ماتشوف كلمة اضغط هنا لاظهار الايميل وكلمة السر الفضول جواك بيزيد وبيوصل لاعلي مرحلة وبتكون فاكر ان 9hkr هينولك اللي في بالك ولكن !!!!!!!!
شرح كيفية استخدام موقع 9hkr facebook
موقع 9hkr او 9 hkr او 9hkr com او 9hkr facebook او 9hkr هو موقع من صفحة واحدة مبرمجة بطريقة بسيطة جدا اول مابتدخل عالموقع بتظهرلك رسالة بتقولك : الان يمكنك معرفة باسورد وأيميل أى اكاونت على الفيسبوك بدون برامج عن طريق موقعنا hkr9 المجانى وبيسألك سؤال :
وايا كان الاختيار اللي هتختاره هيحولك على صفحة تانية بيسألك فيها ويقولك هل الضحية من قائمة الاصدقاء ؟
وبيديك اختيارين
hkr 9
نعم
لا
9hkr
وبغض النظر عن اختيارك فبعدها هيحطلك صورتين فيهم طريقة نسخ رابط البروفايل من الموبايل او من الكمبيوتر وبعدها هيقولك ضع رابط الضحية هنا وصدقنى سواء خحطيت رابط او ماحطتش انت حتى لو كتبت محشي ورق عنب هيحولك على صفحة مكتوب فيها
تهانينا لقد تم التعرف على كلمة السر و أيميل الضحية بنجاح
تبقى لك خطوة اخيرة
(الخــطوة الاخيرة)
9hkr
انسخ الرسالة الموجودة في الاسفل وانشرها فى 15 تعليق فى الفيسبوك فى اماكن مختلفة -صفحات-جروبات
نسخ الرسالة
اذا كنت تريد تهكير أى اكاونت على الفيسبوك بدون برامج , افتح جوجل واكتب فى البحث 9hkr وادخل اول موقع يظهرلك ꜛ ثم ضع رابط الاكاونت سوف يظهر الايميل والباسورد
↓↓↓↓
اضغط هنا لـ أظهار كلمة السر والايميل
↑↑↑↑
شارك برأيك في تعليق
موقع 9hkr لمعرفة كلمة سر وايميل اى أكاونت على الفيسبوك
ولما بتضغط على كلمة اضغط هنا لـ أظهار كلمة السر والايميلبيظهرلك نافذرة بيقولك فيها انشر الرسالى دى في 15 مجموعة علشان تعرف الايميل والباسورد وصدقنى مهما تنشر في التعليق على مواقع التواصل الاجتماعي مش هتستفيد حاجة وهتبقي بتضيع وقت عالفاضي لان ببساطة ياصديقي حتى الان لايوجد على فيسبوك بما يسمي باختراق حساب فيسبوك بالطريقة دى وموقع 9hkrهو موقع غير صادق زيه زي كتير من المواقع وكل التطبيقات والمواقع اللي بتقدم خدمات زى دى هي مواقع غير صادقة والغرض من المواقع دى سرقة بياناتك واستخدامها او الربح من خلال اعلانات CPA وتقدر تقرأ المقالة دى علشان تعرف خطر استخدام المواقع اللي زى 9hkr facebook - 9 hkr - 9hkr ( كيفية حماية حسابك على الفيسبوك من الاختراق )
تعليقات المستخدمين في موقع 9hkr facebook
التعليقات المزيفة من موقع 9hkr
طبعا صاحب الموقع علشان يضيف جزء من المصداقية كده قالك اما اعمل شوية تعليقات وصور وهمية واضيفها علشان الناس تطمن وتنفذ المطلوب منها وبيتهألي باين جدا ان التعليقات الموجودة في الموقع كلها Fake
9hkr هكر
جاتلنا كتير من الاسئلة بخوصوص موقع 9hkr ولكن اكتر سؤال كان بيتسئلنا هو هل موقع 9hkr هكر وخليني اقولك ياصاحبي انه مش هكر ومايقدرش يخترق جهازك ولكن يفضل حاول دايما تحمي نفسك وماتدخلش على المواقع اللي زي 9hkr facebook لان جزء كبير جدا منهم ان ماكنش كلهم بيطلب منك تحط بياناتك زي رقم التليفون وبيتم استخدامهم في الترويج لعروض CPA ويسحب رصيد منك زى خدمات العاب اونلاين فودافون
سبب انتشار موقع 9hkr
بطبيعة الحال الحاجة فيها تجسس دايما بيبقا عليا اقبال كبيرلانها بتثير الفضول اللي جواك وخصوصا لما يبقي تجسس بدون مقابل ودي النقطة اللي بيلعب عليها موقع 9hkr انه بيقولك لو عاوز تعرف ايميل وباسورد اي اكونت عالفيسبوك ابحث في جوجل عن 9hkr فانت علشان ترضي فضولك بتبحث وبتدخل وبتتبع الخطوات وفي الاخر مابتوصلش لحاجة حاجة فهي دى فكرة 9hkr انه بيلعب على عاطفة امتلاك الشيء والفضول عند المستخدم ولكن في الحقيقة كل ده كلام فاضي لان مافيش حاجة اسمها اعرف ايميل وباسورد اي اكونت على الفيسبوك شركة كبيرة زى فيسبوك اكيد مش هتسيب ثغرة زي دى مفتوحة علشان يجي موقع بربع جنيه يكتشفها علشان كده مااتصدقش المواقع من نوعية 9hkr facebook وماتخليش حد يضحك عليك
مميزات وعيوب موقع 9hkr
صديقي العزيز موقع 9hkr ليس له اي مميزات او عيوب يعنى هو لا هيضرك ولا هينفعك لان في مواقع زميلة عاملة شرح للموقع وكاتبة كلام غير صادق عن ان 9hkr له مميزات وعيوب وبصراحة انا بعتبرهم مضللين اكتر من موقع 9hkr نفسه فانا بس حبيت أأكد عليك المعلومة ان 9hkr مالووووووش لازززززززمة
رابط موقع 9hkr
وطبعا بعد ماوصلت لنهاية المقالة تقدر تتأكد من كل كلمة قولتهالك وتدخل على موقع 9hkr ( من هنا ) ولو لقيت الرابط مش شغال يبقي الدومين انتهي
فيديو توضيحي اثناء استخدام موقع 9hkr
مواقع اخري غير صادقة
في مواقع كتير كلهم بيقدموا نفس الفكرة وهي فكرة النصب والاحتيال على المستخدم علشان كده احنا كتبنا مقالة عن كل موقع من المواقع دى علشان نحذر الناس منهم و دى كل المقالات اللي تم كتابتها عن المواقع دى
وبس كده ياصحبي ده كل حاجة بخصووص موضوع النهاردة حقيقة موقع 9hkr ارجو انك بعد ماقرأت الموضوع وعرفت حقيقة موقع 9hkr لمعرفة كلمة سر وايميل اى أكاونت على الفيسبوك انك ماتصدقش الحاجات دى وماتمشيش وراها . ولو حبيت تشير الموضوع مع صحابك علشان تحذرهم هكون شاكر جدا يلا سلااااااااااااااااااااام
