| خطير | كشف حقيقة موقع 22bbx ( احذر موقع 22bbx لقراءة رسائل الواتساب ) 22bbx whatsapp
STARK
اخر تحديث :
22bbx
صباح او مساء الخير حسب الوقت اللي بتقرأ فيه الموضوع ، ازيك ياصاحبي عامل ايه وحشتك مش كده ؟ انت كمان وحشتنى علشان كده رجعتلك النهاردة بموضوع جديد من مواضيع قسم التقنية وهو عن موقع 22bbx اللي انتشر مؤخرا على السوشيال ميديا وبنلاقيه في الفيسبوك على هيئة كومنت بيقول : هناك موقع يجعلك تراقب رسائل أى شخص على الـواتساب من خلال رقمة ~ اذهب الى جوجل واكتب ف البحث 22bbx وادخل الموقع الاول _ سوف يطلب منك رقم الموبايل الذى تريد قراءة رسائله و سوف يعرض لك جميع رسائل الواتساب √ ومن هنا بدأت الاستفسارات حول 22bbx ما هووهل فعلا تقدر من خلاله تقرأ رسائل الواتساب بدون علم صاحبه وبعد ماقام عدد من فريق موقع سكرين ميكس اللي هو انا بس بالبحث عن الموضوع وعمل التجارب اللازمة قررنا نكتبلكم المقالة دى علشان نوضح فيها حقيقة موقع 22bbx لقراءة رسائل الواتساب في البداية ياصاحبي لو انت واحد من اللي خدوا الرسالة وحطوها في 15 كومنت فيؤسفنى اقولك انك كده خلاص مابقتش صاحبي . ليه تعمل كده ؟ صدقت فعلا انك تقدر تقرأ رسايل الواتساب بدون علم صاحبها ؟ .. ياخسارة ياصاحبي حقيقي ياخسارة بس ولايهمك انا سامحتك خلاص علشان الصحاب بيسامحوا بعض تعالي معايا بقي اقولك حقيقية موقع 22bbx
22bbx
حقيقة موقع 22bbx
ودلوقتى هنقولك طريقة عمل موقع 22bbx بالخطوات والصور ركز كويس اوي مع الشرح والكلام اللي اللي جاى
طريقة عمل موقع 22bbx
22bbx او 22bbxcom او 22 bbx او 22bb x كلها مسميات لموقع واحد مكون من صفحة واحدة مبرمجة بطريقة بسيطة جدا اول مابتدخل عالموقع بتظهرلك رسالة بتقولك : الان يمكنك قراءة رسائل أى شخص على الوتساب عن طريق رقم الموبايل بدون معرفة صاحبها من خلال موقعنا 22bbx وبعدها بيسألك سؤال بسيط
22bbx
هل الرقم من جهات الاتصال الخاصة بك ؟ وبيديك اختيارين
نعم
لا
وايا كان الاختيار اللي هتختاره هيحولك على صفحة تانية بيسألك فيها ويقولك حدد مدة الرسائل المطلوب عرضها ؟
وبيديك 3 اختيارات
٢٢bbx
رسائل اخر شهر
رسائل اخر 6 شهور
جميع الرسائل منذ انشاء الحساب
وايا كان الاختيار اللي هتختاره هيحولك على صفحة يقولك فيها قم بنسخ رقم الموبايل المرتبط بالواتساب المراد قراءة رسائله وضعه بالاسفل
←←←ضع رقم الموبايل هنا →→→
22bbx
وسواء كتبت رقم الموبايل او او كتبت محشي ورق عنب او كتبت اى حاجة عموما فالموقع متبرمج انه يحولك على صفحة مكتوب فيها
تهانينا لقد تم الوصول رسائل الواتســـاب بنجاح
تبقى لك خطوةاخيرة يجب تنفيذها لكى نعرض لك الرسائل المطلوبة
(الخــطوة الاخيرة)
انسخ الرسالة الموجودة في الاسفل وانشرها فى 15 مكان مختلف على الفيسبوك ( جروبات - تعليقات - صفحات )
نسخ الرسالة
هناك موقع يجعلك تراقب رسائل أى شخص على الـواتساب من خلال رقمة ~ اذهب الى جوجل واكتب ف البحث 22bbx وادخل الموقع الاول _ سوف يطلب منك رقم الموبايل الذى تريد قراءة رسائله و سوف يعرض لك جميع رسائل الواتساب √
↓↓↓↓↓↓↓↓
عــرض رســائــل الواتسـاب الان
↑↑↑↑↑↑↑↑
تنزيل 22bbx لقراء رسائل الواتساب بدون علم صاحبها
ولما بتضغط على عرض رسائل واتساب الان بيظهرلك نافذة مكتوب فيها المعذرة : لن نعرض لك الرسائل حتى تقوم بنشر الرساله فى 5 مجموعات مختلفه على الواتساب وسواء شاركت الرابط او لا بعدها لما تضغط على عرض رسائل الواتساب هيتفتحلك اعلانات CPA وهي دى مصدر ربح صاحب الموقع انما هل فعلا هتقدر تقرأ رسائل الواتساب بتاعة شخص اخر ؟ اكيد لا ياصاحبي مافيش حاجة اسمها كده وصدقنى مهما تنشر في التعليق على مواقع التواصل الاجتماعي مش هتقدر تقرأ رسايل الواتساب وهتبقي بتضيع وقت عالفاضي لان ببساطة ياصديقي حتى الان لايوجد على واتساب بما يسمي بقراء رسائل الواتساب بدون علم صاحبها وموقع 22bbx هو موقع غير صادق زيه زي كتير من المواقع وكل التطبيقات والمواقع اللي بتقدم خدمات زى دى هي مواقع غير صادقة والغرض من المواقع دى سرقة بياناتك واستخدامها وتقدر تقرأ المقالة دى علشان تعرف خطر استخدام المواقع اللي زى 22bbx او ٢٢bbx ( كيفية حماية حسابك على الفيسبوك من الاختراق )
تعليقات المستخدمين في موقع ٢٢bbx جوجل
vaa66 - va66 - vaa 66 -vaa66com -موقع vaa66
طبعا صاحب الموقع علشان يضيف جزء من المصداقية كده قالك اما اعمل شوية تعليقات وصور وهمية واضيفها علشان الناس تطمن وتنفذ المطلوب منها وبيتهألي باين جدا ان التعليقات الموجودة في الموقع كلها Fake
هل 22bbx يسرق بياناتك ؟
جاتلنا كتير من الاسئلة بخصوص موقع 22bbx ولكن اكتر سؤال كان بيتسئلنا هو هل موقع 22bbx هكر ؟ وخليني اقولك ياصاحبي انه مش هكر ومايقدرش يخترق جهازك ولكن لما بتضغط على كلمة عرض رسائل الواتساب الان بيتفتح معاك اعلان - الاعالن ده ممكن بنسبة كبيرة يخصم من رصيد موبايلك علشان كده حاول دايما تحمي نفسك وماتدخلش على المواقع اللي زي 22bbx لان جزء كبير جدا منهم ان ماكنش كلهم بيطلب منك تحط بياناتك زي رقم التليفون وبيتم استخدامهم في الترويج لعروض CPA ويسحب رصيد منك زى خدمات العاب اونلاين فودافون
سبب انتشار موقع 22bbx
بطبيعة الحال الحاجة فيها تجسس دايما بيبقا عليا اقبال كبيرلانها بتثير الفضول اللي جواك وخصوصا لما يبقي تجسس بدون مقابل ودي النقطة اللي بيلعب عليها موقع 22bbx انه بيقولك لو عاوز تقرأ رسايل الواتساب لاي رقم ابحث في جوجل عن 22bbx فانت علشان ترضي فضولك بتبحث وبتدخل وبتتبع الخطوات وفي الاخر مابتوصلش لحاجة حاجة فهي دى فكرة 22bbx انه بيلعب على عاطفة امتلاك الشيء والفضول عند المستخدم ولكن في الحقيقة كل ده كلام فاضي لان مافيش حاجة اسمها اقرأ رسايل واتساب لر رقم لان شركة كبيرة زى واتساب اكيد مش هتسيب ثغرة زي دى مفتوحة علشان يجي موقع بربع جنيه يكتشفها علشان كده مااتصدقش المواقع من نوعية 22 bbx whatsapp وماتخليش حد يضحك عليك
مواقع اخري غير صادقة
في مواقع كتير كلهم بيقدموا نفس الفكرة وهي فكرة النصب والاحتيال على المستخدم علشان كده احنا كتبنا مقالة عن كل موقع من المواقع دى علشان نحذر الناس منهم و دى كل المقالات اللي تم كتابتها عن المواقع دى
وبس كده ياصحبي ده كل حاجة بخصووص موضوع النهاردة حقيقة موقع 22bbx . ارجو انك بعد ماقرأت الموضوع وعرفتحقيقة موقع ٢٢bbx لقراءة رسائل الواتساب انك ماتصدقش الحاجات دى وماتمشيش وراها . ولو حبيت تشير الموضوع مع صحابك علشان تحذرهم هكون شاكر جدا يلا سلااااااااااااااااااااام
