| خطير | احذر موقع خد رصيدك ( حقيقة موقع خد رصيدك للحصول على رصيد مجانى )

صباح او مساء الخير حسب الوقت اللي بتقرأ فيه الموضوع ، ازيك ياصاحبي عامل ايه وحشتك مش كده ؟ انت كمان وحشتنى علشان كده رجعتلك النهاردة بموضوع جديد من مواضيع قسم التقنية وهو عن موقع خد رصيدك اللي انتشر مؤخرا على السوشيال ميديا وبنلاقيه في الفيسبوك على هيئة كومنت بيقول  : 

لو عايز طريقة مضمونة تعرف بيها باسورد  أى شبكة واى فاى ( wifi ) قريبة منك بدون برامج  كل اللى هتعمله , هتدخل جوجل وتكتب ( موقع خد رصيدك ) وتدخل اول موقع وتحط اسم الشبكة هيظهرلك الباسورد 

ومن هنا بدأ التساؤولات حول  ما هو موقع خد رصيدك  وهل فعلا في حد يقدرباسورد الواي فاي من خلال موقع خد رصيدك وبدون برامج  ؟ وبعد ماقام عدد من فريق موقع سكرين ميكس بالبحث عن الموضوع وعمل التجارب اللازمة قررنا نكتبلكم المقالة دى علشان نوضح فيها حقيقة موقع خد رصيدك لمعرفة باسورد الواي فاي 

في الاول ياصاحبي لو انت واحد من اللي خدوا الرسالة وحطوها في 15 كومنت فيؤسفنى اقولك انك كده خلاص مابقتش صاحبي . ليه تعمل كده ؟  صدقت فعلا  انك تقدر تعرف باسورد الواي فاي من خلال موقع زي ده ..  ياخسارة ياصاحبي حقيقي ياخسارة اتفضل معايا ياعم الهكر اقولك حقيقة موقع خد رصيدك وايه فكرته 






موقع خد رصيدك



موقع خد رصيدك هو موقع اخباري عادى جدا مستضاف على منصة بلوجر زيه زي كتير من المواقع واللي منهم موقعنا سكرين ميكس ، طب ايه حقيقة خد رصيدك اللي بيروج ليها موقع خد رصيدك ؟ 
في الحقيقة ياصاحبي في قسم من اقسام موقع خد رصيدك عبارة عن مواضيع مكونة من سكربتات بسيطة ( صفحات مبرمجة من صفحة واحدة ) يعنى تلاقي موضوع بيقولك احصل على عشرة جيجا انترنت مجانى او اعرف باسورد الواي فاي وغيرهم كتير من المواقع اللي شرحناها قبل كده في قسم لتقنية على موقعنا سكرين ميكس . بااختصار موقع خد رصيدك زيه زي كتير من المواقع اللي بتروج لفكرة الحصول على رصيد مجانى او معرفة باسورد الواي فاي او معرفة باسورد الفيسبوك 


هل موقع خد رصيدك هكر ؟ 


 جاتلنا كتير من الاسئلة بخصوص موقع خد رصيدك ولكن اكتر سؤال كان بيتسئلنا هو هل موقع خد رصيدك هكر؟ ...
 زي ماقولت من شوية انه موقع اخباري يعنى مايقدرش يسرق بياناتك ولا يقدر يعملك حاجة لكن يقدر يستخدم رقمك اللي انت حطيته في تنفيذ عروض  CPA ويسحب رصيد منك زى خدمات العاب اونلاين فودافون يعنى يااصاحبي الموقع بيسرق منك رصيد مش بيديك رصيد ودى قائمة بالمواقع اللي قايمة على نفس الفكرة وهي فكرة النصب والاحتيال على المستخدم 

مواقع غير صادقة تسرق رصيدك 




وبس كده ياصحبي ده كل حاجة بخصووص موضوع النهاردة حقيقة موقع خد رصيدك . ارجو انك بعد ماقرأت الموضوع وعرفت حقيقة الحصول على 100 جيجا هدية او معرفة باسودر الواي فاي  انك ماتصدقش الحاجات دى وماتمشيش وراها . لو استفدت من الموضوع ماتنساش تشيره مع صحابك يلا سلام .

تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -